ISAYA 22:5 - Biblia Ilagho Jiboie Kwa Wandu Wose

⁵ Kwa kukaia ituku ja BWANA Mlungu wa majeshi jameria kuvika; ituku ja ndoghoi na matiriro ghewadilwa-wadilwa, na kuvurughwa akili andenyi ya Vololo ya Mawono. Mawurigha gha muzi ghodu ghameria kughushwa andoenyi, na chwaka ra wandu wikemagha cha mighondinyi rasikirika.

ISAYA 22:5 ပူးပေါင်းရင်းမြစ်များ

2 WAZURI 19:3

wimzere, “Hezekia waghora, idime ni ituku ja wasi na ja masholio, sena jefusha waya. Deeka sa muka ukumbagha lufu, usewadie ndighi reva.

2 WAZURI 25:10

Agho masikari gha Babuloni gherekwanyeghe nao, wikachikanya wurigha ghoremareghe muzi ghwa Jerusalemu.

ESTA 3:15

Kwa nguma ya mzuri, itangazo iji jerefunyiroghe kwa wandu wose, andenyi ya muzi m'baa ghwa Susa, na watarashi wikajimarisha isangenyi kose kwa shwa-shwa. Mzuri na Hamani wikasea kidombo kunywa, ela wandu wa muzi m'baa ghwa Susa, wikakambwa ni chongo.

ISAYA 10:6

Nadamduma kwa mbari ya wandu winileghie, awo winibonyere ngakaia na machu nawo; upate kuwidwa wunyika kuwisoka vilambo vawo, na kuwifasha-fasha sa mazozo chienyi.”

ISAYA 22:1

Agha ni malagho aighu ya Vololo ya Mawono. Kutambua kwaro niki inyo mmbose kujoka aighu nyumbenyi mwambori?

ISAYA 25:10

BWANA uchaghulindia ughu mghondi, na wandu wa Moabu wichawadilwa sa nyasi andenyi ya kina cha mboleo.

ISAYA 37:3

Wikaghenda na kumzera, “Hezekia waghamba, ‘Idime ni ituku ja wasi, na kurashwa, na kusowelwa ishima; wana wakaia tayari kuvalwa ela ndighi rekumba lufu nderiko.

ISAYA 5:5

“Idana nichamghoria ijo nichaajibonya kwa mbuwa yapo ya mizabibu. Nichainja isanju japo na wurigha ghwaro, nayo ichajighwa ni nyamandu, na kuiwadia-wadia.

ISAYA 63:3

“BWANA watumbulia, Narifashire iro mbari ra wandu sa zabibu, hata ndekuwadie mndungi wandunyi orekwanyeghe nani anduangi; narifashire kwa machu ghapo ee, kwa lubio lwapo ngarifasha-fasha; bagha yawo ikatarikia marwao ghapo, nani ngarilusha nguwo rapo putu.

ISAYA 63:6

Nerewifashireghe awo wandu kwa machu ghapo, ngawibara-bara kwa ulo lubio lwapo; ngaidia bagha yawo andoenyi.”

JEREMIA 30:7

Ai, e ituku ja mashiniko, jisefwanane na ituku jingi; ni ngelo ya wasi kwa kivalwa cha Jakobo, elaima ugho wasi ghuchamredia kukia.”

KILILO CHA JEREMIA 1:5

Wamaiza wake wawuya wabaa wake; wamaiza wake wawona nicha, BWANA wam'bonya uje wasi kwa wundu ghwa kaung'a rake nyingi. Wana wake wawadwa na kudwalwa wunyika.

KILILO CHA JEREMIA 2:2

BWANA wanonie kula muzi ghwa Israeli kuseko wughoma. Wavuchue ngome ra wandu wa Juda kwa machu ghake; ukainja ishima ja mawuzuri na wabonyi nguma waro.

KILILO CHA JEREMIA 2:8

BWANA odewona mawurigha gha Jerusalemu ghigho. Waghipimie na kuhakikisha kukaia ghanoneka putu. Idana minara na mawurigha ghose gheewuya maghacho.

EZEKIELI 7:7

Wandu mkaiagha isangenyi, mwachelwa ni mashaka; ngelo yalighisa, eko kaavui; ni ituku ja ndoghoi iseko ya maboilo ghibonywagha aighu mighondinyi.

HOSEA 10:8

Andu kwa ighu kwa wulaghe-laghe, korebonyeroghe kwa wundu ghwa Israeli kutasa milimu kuchanonwa. Kuchabukwa ni minjwa na mtaranganga, nayo ichazoghua na kufinikira madhabahu rawo. Wandu wichaizera mighondi mibaa na mitini, “Dighuenyi mudifinikire.”

MIKA 7:4

Mundu uboie uko mloli kuchumba wose, kwawo wadamenywa na kuwoneka sa isaka. Ituku jekabwa ni Mlungu jameria kuvika; kwa kukaia wawionyere kwa kutumia walindiri wake, awo walodi. Idana walaghalwa ni akili.

ZEFANIA 1:15

Ituku ijo jichakaia ja machu mabaa; ituku ja wasi na kuwawa, ituku ja kunoneka, ituku ja kira na kiture, ituku ja mawingu na kira kibaa;

MATHAYO 24:16

awo wiko Judea ndewikimbirie mghondinyi;

LUKA 23:30

Niko wichazoya kuizera mighondi mibaa, ‘Dighuyenyi,’ na ija mitini ‘Difinikirenyi,’