ISAYA 22:2 - Biblia Ilagho Jiboie Kwa Wandu Wose

² Kwaki mkemagha inyo muzi ghwa ndoghoi mukukasire? Wandu wenyu ndewibwaghilo kwa lufu hata kufwa wudenyi anduangi.

ISAYA 22:2 ပူးပေါင်းရင်းမြစ်များ

ISAYA 10:4

Jasigharika ni inyo kubwaghwa wudenyi na kudwalwa sa wafungwa. Hata huwo saki, machu gha BWANA ndeghisirie, ela mkonu ghwake ghokaba ghoko ghughorokie hata idana.

ISAYA 23:7

Welee, ughu nigho ghoni muzi ghwa Tiro ghorechuloghe ni maboilo, muzi ghoreaghiloghe kokala uko? Loli nigho ghoni wandu waro werekoghe wikighendia masanga gha kula na kughikaia?

ISAYA 32:13

Mbuwa ra wandu wapo rabukilo ni minjwa na mndandangoma, ee, mrililie na nyumba renyu rerechuloghe ni kuboilwa andenyi ya muzi ghwa maseko.

ISAYA 32:14

Kwa kukaia ngome ya mzuri ichasighwa, na wandu werechueghe ugho muzi kukimbia. Mghondi na minara ya walindiri ichakailwa ni nyamandu kwa kala na kala, kuchawuya andu kuboie kolishira weke punda na mfugho.

ISAYA 37:33

“Kwa huwo, BWANA waghora huwu aighu ya mzuri wa Waashuru: ‘Ndechaacha andenyi ya muzi ughu, hata ndechaakumba iwanu aho, angu kucha na ngao, hata ndechaaghurughaia.

ISAYA 37:36

Nao malaika wa BWANA ukaghenda kambinyi ya Waashuru, na kuwibwagha wandu elfu ighana na mirongo wunyanya na wasanu. Hata iji wandu werewukieghe nakesho, wikakua awo wandu wose wifue.

JEREMIA 14:18

Ngaghenda noko cha mbuwenyi, niawona awo wibwaghilo wudenyi; ngawuya mzinyi, niawona awo wibwaghwaa ni njala. Walodi na wakohani wiabonya kazi rawo isangenyi, hata ndewimanyagha ilagho jingi anduangi.”

JEREMIA 38:2

BWANA waghamba huwu, “Mundu uchaakaia andenyi ya ughu muzi, uchabwaghwa wudenyi, angu kwa njala, angu kwa saka izamie; ela uo uchaafuma na kughenda cha kwa Wababuloni uchakaia moyo; uchafufunuka na kukira irangi jake.

JEREMIA 52:6

Ituku ja ikenda ja mori ghwa kana, njala ikabia andenyi ya ugho muzi hata wandu wa ijo isanga wikasowa kindo chingi cheja.

KILILO CHA JEREMIA 1:1

Muzi ghwa Jerusalemu ghorechuloghe ni wandu ghwasighwa wada mduu! Muzi ghorenekeloghe ishima ni wurumwengu ghwakaia wada idana sa muka mkiwa! Muzi ghuboie kuchumba yose ghwangirie wuzumbenyi.

KILILO CHA JEREMIA 2:20

Zighana ee BWANA kupime: Kwabonyere mndungi huwu jingi? Ni hachi waka wije wana wawo aweni werewilindiagha? Welee, ni hachi wakohani na walodi wibwagho andenyi ya Hekalu yako?

EZEKIELI 22:5

Wandu wiko kaavui, na awo wiko kula na oho, wichakuseka oho mundu wa ndonyi kuchue ndoghoi.

ZEFANIA 2:15

Agho nigho ghichaaghupata muzi ghukukasire kwa ndighi rake, na wandu waro kughamba niwo wabaa wurumwengunyi. Ghuchasighwa mduu, na nyamandu richakaia aho. Kula mundu uidagha aho uchashinika na kusughusa chongo chake.