ISAYA 22:11 - Biblia Ilagho Jiboie Kwa Wandu Wose

¹¹ Nenyo moreaghieghe kisima ghadi na ghadi ya agho mawurigha, kwa wundu ghwa agho machi gha kiriwa cha kala; ela ndemoremzighanireghe hata kumtala Mlungu uo orevibonyereghe mpango kufuma kala.

ISAYA 22:11 ပူးပေါင်းရင်းမြစ်များ

2 WAZURI 20:20

Mabonyo ghose gha Hezekia orebonyereghe na kudima kwake, na seji orebonyereghe visima na mikua hata ukareda machi mzinyi, ghaandikilo andenyi ya Chuo cha Malagho gha Ngelo cha Wazuri wa Juda.

2 WAZURI 25:4

Hata ngera Wababuloni werekoghe waghurughaia ugho muzi, ela wurigha ghwa muzi ghorechikanyiroghe, na masikari ghose ghikakimbia nakio kwa chia ya mbenge ghadi na ghadi ya mawurigha awi, mbuwenyi kwa mzuri; wikaghenda kwa kunugha chia ya Vololo ya Jordani.

2 MALAGHO GHA NGELO 6:6

Ela namerie kusaghua Jerusalemu eri Irina japo jikaieghe aho, na Daudi ukaie aighu ya wandu wapo Israeli.’

NEHEMIA 3:16

Nehemia mwana wa Azibuku, m'bonyi nguma wa nusu ya isanga ja Beth-zuri, ukaagha hata kuvikia kulangaya makaburi gha Daudi, na kuvikia andu kisima chiaghilo, hata kuvikia nyumba ra majeshi.

ISAYA 17:7

Ngelo iyo, wandu wichammanya Muumbi wawo na meso ghawo ghichamzighana Mlungu Mweli wa Israeli.

ISAYA 22:10

mkarilawua nyumba ra Jerusalemu na kurivuchua, mpate magho gheboisa wurigha ghwa muzi.

ISAYA 31:1

Ni bugha kwa awo wiseagha cha Misri kulola wutesia, na kukusaghika na farasi na magare ghawo gha wuda wei angu ghiko mengi, na wajoki farasi wei angu wiko na ndighi; nawo ndewikusaghikagha na Mlungu, Mweli wa Israeli, hata kulola wutesia kwa BWANA anduangi.

ISAYA 37:26

“‘Wele ndekusikire kukaia iri maza nederipanga kokala? Maza rawuyabonyeka idana nederipanga matuku gha kala, kukaia kucharichikanya ngome ra mizi na kuribonya riwuye vitungu va kunoneka kwaro;

ISAYA 7:3

Niko BWANA ukamzera Isaya, “Ghenda kukwane na Mzuri Ahazi, oho na mwana wako Sheari-Jashubu; kuchamkua chienyi andu wafui nguwo wibonyagha kazi, kutuonyi kwa ghuja mkua ghuredagha machi kufuma kiriwa cha lughu,

ISAYA 8:17

Nichammbeseria BWANA, uo wawuyakuvisa usewono ni kivalwa cha Jakobo, nani nichamsuwiria uo.

JEREMIA 39:4

Nao iji Mzuri Zedekia na masikari ghake wawiwona, wikakimbia na kufuma mzinyi nakio, wikamaria chia ya mbuwa ya mzuri, wikaidiria mbengenyi iko aghadi ya mawurigha awi, wikaghenda kulangaya Araba.

MIKA 7:7

Ela ini nichamchereshera BWANA, na kummbeseria Mlungu kwa isuwirio, uo uchaanikira. Mlungu wapo uchanisikira.