ISAYA 22:1 - Biblia Ilagho Jiboie Kwa Wandu Wose

¹ Agha ni malagho aighu ya Vololo ya Mawono. Kutambua kwaro niki inyo mmbose kujoka aighu nyumbenyi mwambori?

ISAYA 22:1 ပူးပေါင်းရင်းမြစ်များ

KUZOYA 21:17

Mlungu ukachisikira kililo cha mwana, na malaika wa Mlungu ukammbanga Hagari kufuma mlungunyi ukighamba, “Niki chikujishagha wasi Hagari? Kusakeobua angu Mlungu wameria kusikira kililo cha mwana andu uko.

2 SAMUELI 14:5

Mzuri ukamzera, “Wasi ghwako niki?” Uja muka ukatumbulia, “Weei! Ini ne muka mkiwa; neefuilwa ni mumi wapo;

2 WAZURI 6:28

Mzuri ukachuria kumkotia, “Ni wasiki kuko nagho?” Ukatumbulia, “Umuka odenizera nifunye mwana wapo dimje idime, ima dicheja wake kesho.

ZABURI 114:5

Kwawonaki ee Bahari kukimbiagha? Kwawonaki Jordani kuseidagha?

ZABURI 125:2

Sa iji mighondi imariagha Jerusalemu, niko koni BWANA uwimarie wandu wake, kufuma idana hata kwa kala na kala.

MAKATANISHO 29:18

Mbari isewadie wulongozi ghwa Mlungu ndeikaiagha nicha. Warasimilwa mundu uwadiagha sharia ya BWANA.

ISAYA 13:1

Ughu ni wufunuo ugho Isaya mwana wa Amozi oreghupatireghe kufuma kwa Mlungu aighu ya Babuloni.

ISAYA 15:3

Warwa nguwo ra magunia na kuida achienyi wikilila kula umu wawo, na nyumbenyi na viwachenyi, wikidikwa ni mbori.

ISAYA 22:5

Kwa kukaia ituku ja BWANA Mlungu wa majeshi jameria kuvika; ituku ja ndoghoi na matiriro ghewadilwa-wadilwa, na kuvurughwa akili andenyi ya Vololo ya Mawono. Mawurigha gha muzi ghodu ghameria kughushwa andoenyi, na chwaka ra wandu wikemagha cha mighondinyi rasikirika.

JEREMIA 19:13

Na nyumba ra Jerusalemu na nyumba ra wazuri wa Juda, iro nyumba rose rerefukiriloghe marumba kwa majeshi gha mlungunyi aighu ya mapaa gharo, na vizongona venywa vose verediriloghe kwa milungu mizima, aighu yaro, richanonwa kara kara na Tofethi.’”

JEREMIA 21:13

“Ola neko aighu yako ee Jerusalemu, kukaiagha ighu kuchumba vololo andu kwa wurindi ghwa magho, inyo mghambagha, ‘Nani udimagha kuchalwa nesi? Na wei, nani udimagha kungia andu kodu?’

JEREMIA 32:29

Awo Wababuloni wawuyalwa na ughu muzi wichacha na kughukora, wichaghukoranya chiaimweri na nyumba iro wandu waro werekoghe wikimfukiria Baali marumba aighu ya mapaa gharo; wikifunya mafunyo gha kunywa kwa kughidiria milungu mizima, eri winivavire na kuniwusira machu.

JEREMIA 32:32

kwa wundu ghwa ugho wuwiwi ghubonyero ni wandu wa Israeli na wandu wa Juda, wikanivavira na kuniwusira machu, hata na wazuri wawo, na wabaa wawo, na wakohani wawo, na walodi wawo; wose wandu wa Juda na awo wikaiagha Jerusalemu.

JEREMIA 48:38

Aighu ya nyumba rose ra Moabu na viwachenyi varo ni kililo kiduu, angu namerie kum'bara Moabu sa chombo chisetalwagha ni mndungi.

JOELI 3:12

“Suti mbari zima wikuwike tayari kusea cha Vololo Etanya. Ini BWANA nichasea kidombo aho nipate kutanya mbari rose ra wandu wimarie mbai mbai.

JOELI 3:14

Maelfu na maelfu gha wandu ghakwanyikia andenyi ya Vololo Etanya. Ituku ja BWANA jalighisa kuvika aho.

MIKA 3:6

“Ituku jenyu jasia inyo walodi; iruwa janeng'ena konyu. Ndemchaaloda ilagho jingi.”

ZEFANIA 1:5

Nichatotesha kula mundu ujokagha aighu nyumbenyi kutasa iruwa na mori na nyerinyeri. Sena nichawitotesha awo winitasagha na kughema kwa irina japo sena ii chia wiaghema kwa irina ja ghuja mlungu Moleki.

MATHAYO 10:27

Ijo nimghoriagha kirenyi, mujighore mwengerenyi; na ijo mhohorelwagha, mujichile aighu nyumbenyi.

WAROMA 3:2

Kwafwana putu kwa kula chia. Imbiri Wayahudi niwo werenekeloghe malagho gha Mlungu.

WUKUMBUSO 22:8

“Kukaagha nyumba mbishi, kubonye wuriga mbai-mbai ya ipaa; eri mndungi ukapotoka na kufwa, bagha yake isekotelo kwako.

WATANYI 18:23

Wikawikemia Wadani, nawo wikaghaluka na kumkotia Mika, “Ni wada? Izungu iji jose ni ja indoki?”

1 SAMUELI 11:5

Ahoeni Sauli orekoghe ukicha na ng'ombe rake kufuma mbuwenyi; ukakotia, “Wandu wawonaki wililagha huwu?” Nao wikammanyisha agho malagho gharedwa ni wandu wa Jabeshi.

1 SAMUELI 3:1

Ngelo iro, uo mwana Samueli, orekoghe ukimdumikia BWANA aisi ya Eli. Na ilagho ja Mlungu jerekoghe jahora modo nandighi matuku agho; kwa kukaia ndekorekoghe na mawono ghangi shwa kwa shwa.