ISAYA 21:16 - Biblia Ilagho Jiboie Kwa Wandu Wose

¹⁶ Niko BWANA ukanizera, “Andenyi ya mwaka mlazi gi, wubaa ghose ghwa Kedari ghuchasia.

ISAYA 21:16 ပူးပေါင်းရင်းမြစ်များ

KUZOYA 25:13

Na marina ghawo nigho agha ghipangilo kunughana na kuvalwa kwawo: Nebaiothi mwana wa imbiri wa Ishmaeli, Kedari, Adbeeli, Mibsamu,

1 MALAGHO GHA NGELO 1:29

Kivalwa chawo nicho ichi: Nebaiothi orekoghe mwana wa imbiri wa Ishmaeli; niko ukawiva Kedari, Adbeeli, Mibsamu,

AYUBU 7:1

“Mdamu oko na wudumiki ghukurie ndoenyi, na matuku ghake gheeka sa matuku gha kibarua.

ZABURI 120:5

Ni bugha kwapo angu nawuyamara-mara andenyi ya isanga ja Mesheki, na kukaia aghadi ya hema ra Kedari!

LUMBO 1:5

Inyo waka wa Jerusalemu, ini ne wa chilu ela nifwano; neeka wa chilu sa hema ra Kedari, nighokie sa pazia ra hema ra Solomoni.

ISAYA 16:14

Ela idana BWANA waghamba, “Andenyi ya miaka idadu kukatia gi, wubaa ghwa Moabu ghuchasia; hata ngera weko wengi saki, ela awo wichaakia ni watini, sena wichakaia wanyonge.”

ISAYA 42:11

Kireti na mizi yose iko aho ndeiwusire chwaka rawo kumkasa BWANA, wandu wose wikaiagha mizi ya Kedari, na awo wikaiagha Sela, ndewibore kwa kuboilwa; ndewiwusire chwaka rawo na kukasa aighu mighondinyi.

ISAYA 60:7

Ng'ondi rose ra Kedari richaredwa kwako, na bauru ra Nebaiothi richafunywa kwa wudumiki ghwa BWANA; naro richarumirilwa kukaia kizongona aighu madhabahunyi kwake, nao uchaipamba Hekalu yake ikumikie na wubaa mungi.

JEREMIA 2:10

Ruwukenyi hata kisiwa cha Kupro, angu dumenyi wandu Kedari mzighane nicha; mmbone ngera ilagho sa ijo jakaie.

JEREMIA 49:28

BWANA waghamba huwu aighu ya mbari ya Kedari na mawuzuri gha Hazori, agho gheresimiloghe ni Mzuri Nebukadnezari. “Wuka kukabe Kedari, kuwitoteshe awo wandu wa mashariki.

EZEKIELI 27:21

Arabia na wabaa wose wa Kedari werekoghe wakundwa wako kwa wundu ghoghuana wana wa ng'ondi, bauru na mburi, naro niro korebonyereghe biashara nawo.