ISAYA 21:10 - Biblia Ilagho Jiboie Kwa Wandu Wose

¹⁰ Agho nighisikire kufuma kwa BWANA wa majeshi, Uo Mlungu wa Israeli, niamghoria inyo ee wandu wapo Israeli, mchanilo na kuelwa sa viro.

ISAYA 21:10 ပူးပေါင်းရင်းမြစ်များ

1 WAZURI 22:14

Mikaia ukaghamba, “Naghema kwa BWANA, ijo uchaanizera, nijo jeni nichaajighora.”

2 WAZURI 13:7

Mndungi wa ijeshi ja Jehoahazi nderesigharikieghe, ela wajoki farasi mirongo misanu, magare ikumi na masikari gheghenda na maghu elfu ikumi; kwa kukaia awo wazima werekoghe wose watoteshwa ni mzuri wa Siria, kwa kuwifasha-fasha sa teri.

ISAYA 28:28

Huwo koni mundu ndekabagha ngano yake ngelo rose sa kuinona, ela uo waichi kuikaba hata kwa igare ja farasi kuseko na kuinona ndembe raro.

JEREMIA 23:28

Uo mlodi uko na ndodo yake, ndeghore ndodo yake; na uo mlodi uko na ilagho japo, ndeghore ilagho japo kwa wuloli. Kwani mafozi ni kilamboki kwa ngano.

JEREMIA 51:33

Wandu wa Babuloni wichawadilwa sa viro awazenyi vakachanwa; ngelo yake ekuwida yalighisa, ini BWANA wa majeshi, Mlungu wa Israeli, naghamba.”

EZEKIELI 40:4

Uo mundu ukanizera, “Mwana wa mdamu, zighana, kusikire, kuwadie malagho ghose nichaakuwonyera; kwa kukaia koderedwa aha nikuwonyere agho malagho, nao kuwighorie wandu wa Israeli.”

AMOSI 3:8

Shimba yameria kururuma; nani useobuagha? BWANA wameria kughora; ni mlodi uao usefunyagha wulodi?”

MIKA 4:13

BWANA waghamba, “Wandu wa Jerusalemu, ghendenyi muwikabe wamaiza wenyu. Nicham'bonya mkaie na ndighi sa njau iko na mbembe ra chuma, na kochokocho ra shaba. Mcharifasha-fasha mbari ra wandu wengi; na iro mali wiripatire kwa kusoka, mchanifunyira ini BWANA wa wurumwengu ghose.”

HABAKUKI 3:12

Koreidieghe aghadi ya ndoenyi kwa machu; kukarifasha-fasha iro mbari ra wandu kwa lubio lubaa.

MATHAYO 3:12

Nao oko na lungo mikonunyi kwake, upate kuelesha viro vake; ngano uingire nganyenyi kwake, ela makanda ughikore kwa modo ghuserimikagha anduangi.”