ISAYA 20:4 - Biblia Ilagho Jiboie Kwa Wandu Wose

⁴ niko koni mzuri wa Waashuru uchaawidwa Wamisri na Waethiopia wubarishonyi watini na wabaa wiko duu na maghu maduu, mashimba ghawo ghikiwoneka; Wamisri wipate kufushwa waya.

ISAYA 20:4 ပူးပေါင်းရင်းမြစ်များ

2 SAMUELI 10:4

Nao Hanuni ukawiwada wadumiki wa Daudi, ukawiara sombe nusu kula umu wawo, na kudumbua nguwo rawo nanyuma kufuma kondonyi hata kiwonunyi, ukawilekeria wighende noko.

1 MALAGHO GHA NGELO 19:4

Hanuni ukawiwada wadumiki wa Daudi, ukawiara, ukadumbua nguwo rawo ghadi na ghadi a viwonunyi, ukawisigha wighende chia rawo.

ISAYA 19:4

nani nichawingira Wamisri mikonunyi kwa bwana mkorongi, nawo wichabonyerwa nguma ni mzuri ubirie, ini Bwana, Uo BWANA wa majeshi naghamba.”

ISAYA 3:17

ini BWANA nichawikaba wai wa Jerusalemu na fwali ra chongo, na kughufunukua wuduu ghwawo.”

ISAYA 31:2

Na uo nuo uwadie hikima, nuo utoteshagha. Uo ndeghalusagha malagho ghake, ela uchawikaba awo wibonyagha wuwiwi, na awo wiwitesiagha wabonyi kiwiwi.

ISAYA 31:3

Wamisri ni wadamu tu si Mlungu kungi; farasi rawo ni nyamandu riko na mimbi, si roho ringi. BWANA ukaghorua mkonu ghwake, mbari ya wandu iwadie ndighi ichakuwa, na iyo mbari yaawuyateselwa ichaghwa; na huwo wose wichatota.

ISAYA 47:2

Wada igho jesha, kushe mufu; inja shela yako. Inja irwao jako, kusune nguwo rako maghunyi; kuruwuke meda.

ISAYA 47:3

Kuchashanakulwa nguwo rako kusigho duu, na wandu wichaghuwona wuduu ghwako. Nichalipa kisasi hata sichaasigha mndungi.”

JEREMIA 13:22

Na kukaghora ngolonyi kwako, ‘Kwaki nachelwa ni iri maza rose?’ Ni kwa wundu ghwa wungi ghwa makosa ghako, niko nguwo rako rafunukulwa na oho kukadidikwa.

JEREMIA 13:26

Ini nimoni nichafunukua nguwo rako rivike wushunyi, wuduu ghwako ghupate kuwoneka.

JEREMIA 46:19

Funganyenyi misigo enyu mpate kubarika, inyo mkaiagha Misri; kwa kukaia Memfisi ichawuya ighacho, inoneke isechaakailwa ni wandu.

JEREMIA 46:26

Nichawingira mikonunyi kwa awo wandu wikunde kuwibwagha, ee, kwa Nebukadnezari mzuri wa Babuloni na wabaa wake. Konyuma Misri ichakailwa ni wandu sa kala.

EZEKIELI 30:18

Kira chichawiseria wandu wa Tapenesi, ingelo nichaainja nguma ra Misri, na kukukasa kwake kubaa kuchasia; uchafinikirwa ni iwingu, na wandu wake wichadwalwa wunyika.

AMOSI 9:7

BWANA waghamba, “Wandu wa Israeli, naawuyawiririkanya wandu wa Ethiopia seji nimririkanyagha inyo. Nawijosere Wafilisti kufuma Krete, na Wasiria kufuma Kiri seji neremjosereghe kufuma Misri.

MIKA 1:11

Inyo wandu wa Shafiri, ghendenyi cha wubarishonyi mtughuta mfue waya. Wandu wa Zaanani, msetime kufuma shighadi ya muzi ghwawo. Mkasikira ngemi ra wandu wa Beth-ezeli, moomanya kukaia wulindiri ghungi ndeghuko aho.

NAHUMU 3:10

Ela sena wandu wa Thebesi wikadwalwa wunyika; wana wake watini werekoghe wikikabwa na kubwaghwa kutuonyi kwa kona ya kula chia. Wandu wake wikumikie wa ishima werefungiloghe na minyororo, wikawaghwa kwa kukabilwa kura ni awo wandu werewidwaeghe wunyika.

ZEFANIA 2:12

Wokoni BWANA uchawibwagha Wakushi.

WUFUNUO 3:18

Kwa huwo, nakuneka njama kughuo kwapo dhahabu ieleshero kwa modo, eri kukaie na mali, na nguwo ya chokwa kupate kurwa kuinja waya ghwa wuduu ghwako ghusewoneke; na wughanga ghoshinga meso ghako, eri kupate kuwona.