ISAYA 20:3 - Biblia Ilagho Jiboie Kwa Wandu Wose

³ BWANA ukaghamba, “Sa iji mdumiki wapo Isaya waghenda duu, na maghu maduu, kwa miaka idadu kukaia alama na mashiniko aighu ya Misri na Ethiopia;

ISAYA 20:3 ပူးပေါင်းရင်းမြစ်များ

ISAYA 19:4

nani nichawingira Wamisri mikonunyi kwa bwana mkorongi, nawo wichabonyerwa nguma ni mzuri ubirie, ini Bwana, Uo BWANA wa majeshi naghamba.”

ISAYA 37:9

Malagho ghikawivikia Waashuru kukaia majeshi gha Misri ghawuyalongozwa ni Mzuri Tirhaka wa Ethiopia, ghawuyacha kulwa nawo. Mzuri uendasikira huwo, ukaduma barua kwa Mzuri Hezekia

ISAYA 43:3

Angu ini ne BWANA Mlungu wako, Mlungu Mweli wa Israeli, Mkiri wako. Nichafunya Misri ikaie wukomboli ghwako, na Ethiopia na Seba nichaifunya kwa wundu ghwako.

ISAYA 8:18

Neko aha chiaimweri na awo wana ninekelo ni BWANA, na BWANA wa majeshi, uo ukaiagha Mghondi ghwa Sioni, wadiwikie dikaie washahidi na fwana kwa wandu wa Israeli.

JEREMIA 13:1

BWANA ukanizera, “Ghenda kughuo mshipi ghwa kitani, kughufunge kiwonunyi kwako, ela kulindie kuseghungire machinyi.”

EZEKIELI 12:6

Kuchaduka msigo ghwako na iyonge wikizighanira, kufume nagho a kirenyi kwafinikira wushu ghwako, eri kusewone isanga; kwa kukaia neekubonya oho kukaie alama kwa wundu ghwa wandu wa Israeli.”

EZEKIELI 30:4

Wuda ghuchakaia Misri, na luwawo luchavika Ethiopia, ngelo awo wibwaghwagha na kughwa aho Misri, na mali rake kudwalwa noko, na misingi yake kuchikanywa-chikwanywa.

EZEKIELI 30:6

BWANA waghamba huwu, Awo wandu witeserie Misri wichafwa, na iro ndighi orekukasagha naro richainjwa; wandu wichabwaghwa aghadi kwawo kufuma Megido hata Siene ini Bwana MLUNGU naghamba.

EZEKIELI 4:1

“Na oho ee mwana wa mdamu, wada itofali kujiwike imbiri kwako, na kuchora muzi ghwa Jerusalemu aighu yaro.

EZEKIELI 4:3

Nao kuwade sahani ya chuma, kuiwike sa wurigha ghwa chuma aghadi yako na ugho muzi, ima kughuzighaneghe ugho muzi. Kughusighe ghuwonekeghe seji ghoorughailwa, na oho kuchurie kughurughaia. Iyo ichakaia alama kwa wundu ghwa wandu wa Israeli.

ZEFANIA 2:12

Wokoni BWANA uchawibwagha Wakushi.

ZEKARIA 3:8

Idana sikira ee Joshua Mkohani M'baa, chiaimweri na wambenyu mkwanye, wiko fwana ya maza ndicha richagha, nichamreda mdumiki wapo uwangwagha Lumbashu.

MITALO 14:34

Mchaduka msigo ghwa ikosa jenyu kwa miaka mirongo ina kara kara na seji moreghendieghe mkajizighana isanga kwa matuku mirongo ina; kula ituku mwaka mlazi, nenyo mchamanya seji nizamilo!