ISAYA 20:2 - Biblia Ilagho Jiboie Kwa Wandu Wose

² Ngelo iyo, BWANA oreghorieghe na Isaya mwana wa Amozi ukighamba, “Ghenda kuinje iyo nguwo ya igunia iko kiwonunyi kwako na vadu viko maghunyi kwako.” Isaya ukasikira, ukaghenda duu sena usena vadu maghunyi kwake.

ISAYA 20:2 ပူးပေါင်းရင်းမြစ်များ

2 SAMUELI 15:30

Ela Daudi ukajoka cha mghondinyi ghwa Mizeituni ukaghenda na maghu maduu ukilila, na chongo chake wachifinikira. Na wandu wose werekwanyeghe wikafinikira vongo vawo, wikajoka wikilila.

2 SAMUELI 6:20

Nao Daudi ukaghenda kuroghuana na wandu wa nyumbenyi kwake. Na Mikali mwai wa Sauli ukacha kummara ukaghamba, “Ni ishimaki mzuri wa Israeli wakuneka idime, hata ukakufunukuagha moni imbiri ya wai wa kazi wa wabaa wake, seji mundu wa kisha ukufunukuagha usene waya!”

2 WAZURI 1:8

Wikatumbulia, “Ni mundu urwae mrongo ghwa nyamandu, uko na mkowa ghwa mrongo kiwonunyi kwake.” Mzuri ukaghamba, “Uo ni Elija, Mtishbi.”

ZABURI 30:11

Kwaghalue kulila kwapo kuwuye kuvina; kwainjire nguwo yapo ya igunia kukanirusha kuboilwa.

KUFUMA 3:5

Mlungu ukaghamba, “Kusesoghode kaavui, rua vadu vako maghunyi kwako, kwa kukaia andu kuko kimusi ni andu kwa wueli.”

ISAYA 1:1

Mawono gha Isaya mwana wa Amozi, oreghiwonieghe kwa wundu ghwa Juda na Jerusalemu; matuku gha Uzia, Jothamu, Ahazi, na Hezekia wazuri wa Juda.

ISAYA 13:1

Ughu ni wufunuo ugho Isaya mwana wa Amozi oreghupatireghe kufuma kwa Mlungu aighu ya Babuloni.

ISAYA 37:2

Ukawiduma Eliakimu uo orekoghe m'baa wa nyumba ya mzuri, na Shebna uo orekoghe muandiki na wakohani wabaa wirwae nguwo ra magunia, wighende kwa Isaya mwana wa Amozi.

JEREMIA 48:37

Wandu wose weeara vongo vawo, na kudumbua sombe rawo; mikonu yawo eechughwa-chughwa, na kula umu wawo waawuyarwa nguwo ya igunia.

EZEKIELI 24:17

Kusorie ngolo mboaeri; kusemlilie uo ufue. Kurighe kiremba chako, kuro vadu vako; kusefinikire momu ghwako, hata kuseje vindo va ifonyi.”

EZEKIELI 24:23

Mcharigha viremba venyu vongonyi konyu, na kurwa vadu venyu; ndemchaalila angu kukema mchungu, ela mchataruma kwa wundu ghwa kaung'a renyu, mkisirimikiana mmbeni na mmbeni.

EZEKIELI 4:1

“Na oho ee mwana wa mdamu, wada itofali kujiwike imbiri kwako, na kuchora muzi ghwa Jerusalemu aighu yaro.

EZEKIELI 4:5

Angu nakuwikia mtalo ghwa matuku kuchaalala aho; matuku maghana adadu na mirongo ikenda, ghikatane na miaka ya kukabwa kwawo, kunughana na matuku ghose kuchaaduka ikabo ja wandu wa Israeli.

MIKA 1:11

Inyo wandu wa Shafiri, ghendenyi cha wubarishonyi mtughuta mfue waya. Wandu wa Zaanani, msetime kufuma shighadi ya muzi ghwawo. Mkasikira ngemi ra wandu wa Beth-ezeli, moomanya kukaia wulindiri ghungi ndeghuko aho.

MIKA 1:8

Niko Mika ukaghamba, “Kwa wundu ghwa ilagho iji nichalila na kukema mchungu; nichaghenda na maghu maduu niko mtughuta; nichakema sa kikwau, na kulila sa nyagha, kuwonyera wasi ghwapo.

ZEKARIA 13:4

Ngelo iyo ikavika, kula mlodi uchafushwa waya ni mawono ghake. Ndechaarwa ikoti ja mafuri, eri ukalie wandu,

MATHAYO 16:24

Niko Jesu ukawizera wanughi wake, “Mndungi ukakunda kukaia mnughi wapo, suti ukukane uo moni, ughuduke msalaba ghwake uninughe.

MATHAYO 3:4

Johane orerwaeghe nguwo ibonyero kwa mafuri gha ngamila, ukakufunga mkowa ghwa mrongo kiwonunyi kwake. Vindo vake verekoghe zighe na wuki ghwa kireti.

JOHANE 21:7

Nao uja mnughi orekundiloghe ni Jesu ukamzera Petro, “Ni Bwana!” Simoni Petro uendasikira angu ni Bwana, ukakufunga nguwo yake, (angu orekoghe wafunya nguwo rake) ukarama cha machinyi.

MABONYO GHA WADUMI 19:16

Nao uja mundu orekoghe na pepo ukawiramia, ukawiwada wose na kuwichumba ndighi, wikafuma nyumba ija na iseghe wisene nguwo, wameria kushoghonolwa.

MABONYO GHA WADUMI 21:11

Nao uendadichea, ukawusa mkumbo ghwa Paulo, ukakufunga moni maghu na mikonu ukaghamba, “Roho Mweli waghamba huwu, ‘Mundu wa mkumbo ughu, uchafungwa kwa chia ihi ni Wayahudi wiko Jerusalemu; na kumfunya kwa wandu wa mbari zima.’”

JOSHUA 5:15

Uja m'baa wa majeshi gha BWANA ukamzera, “Funya vadu vako, angu andu kwakaia kimusi ni ndoe ya wueli.” Joshua ukabonya wokoni.

WUFUNUO 11:3

Nani nichawineka ndighi washahidi wapo wawi, wipate kuchila ilagho ja Mlungu matuku elfu na maghana awi na mirongo irandadu, wikirwa nguwo ra magunia.”

1 SAMUELI 19:24

Ukafunya nguwo rake wokoni; nao ukaasindafunya wulodi imbiri ya Samueli nadime dii, sena nakio chee uko duu. Hata na wandu wikaghamba, “Huwo Sauli nao moni ni umu wa walodi?”