ISAYA 2:8 - Biblia Ilagho Jiboie Kwa Wandu Wose

⁸ Isanga jawo jeechulwa ni milimu, nawo waghoghomia kazi ra mikonu yawo; vilambo wivibonyere weni.

ISAYA 2:8 ပူးပေါင်းရင်းမြစ်များ

1 WAZURI 16:7

BWANA oreghorieghe na mlodi Jehu mwana wa Hanani aighu ya Baasha na kivalwa chake, kwa wundu ghwa kaung'a oreribonyereghe imbiri ya BWANA. Ukam'bonya BWANA kujokwa ni machu kwa wundu ghwa kubonya kaung'a sa Jeroboamu, na wokoni kwa kuitotesha nyumba ya Jeroboamu.

2 WAZURI 17:10

Werekuaghieghe nguro ra magho retasira milimu, na kuwika fwana ra mlungu ghwa waka Ashera aighu ya kula mghondi m'baa, na aisi ya kiju cha kula mudi m'baa ghukambie.

2 WAZURI 17:16

Wikarisigha sharia rose ra BWANA Mlungu wawo, na kukubonyera weni milimu ichanilo ya ngache iwi; wikabonya mlungu ghwa waka Ashera, na kutasa nyerinyeri, na kumdumikia Baali.

2 MALAGHO GHA NGELO 27:2

Jothamu ukabonya mecha imbiri ya BWANA seji koni ndee orebonyereghe; ela nderengirieghe andenyi ya Hekalu kufukira marumba. Elaima wandu wikadua wikibonya mawiwi.

ISAYA 17:8

Ndewichaatala madhabahu wereribonyereghe, hata ndewichaakaia na irumirio kwa kazi ra mikonu yawo, hata ndewichaarizighana kazi wereribonyereghe, iyo milimu ya Ashera, mlungu ghwa waka, na madhabahu refukira marumba.

ISAYA 26:13

Hata ngera dabonyero nguma ni weke bwana wazima ee BWANA Mlungu odu, ela isi daawuyarumiria andenyi ya irina jako jiekeri.

ISAYA 37:19

nao wakorie milungu yawo nayo ni kazi ya mikonu ya wadamu, ya midi na magho; niko oredimieghe kuinona.

ISAYA 40:19

Ndedimagha kufwananishwa na mlimu ghubonywagha ni wandu, ugho ghushingwa dhahabu ni mafundi; na kuwikwa aighu ya kilambo cha feza.

ISAYA 41:29

Ola i milungu yose ni ya duu, ndeiwadie kazi ingi; milungu yawo echana ni kazi nduu.”

ISAYA 57:5

Inyo mwaawuyaakiana modo kwa bea renyu ra mumbi aisi ya mialoni, mkikaia aisi ya kula mudi ghwa malemba mawishi; inyo m'bwaghagha wana wenyu andenyi mavongonyi wikaie vizongona na kuwivisa andenyi ya chukarara ra magho.

JEREMIA 1:16

Nani nichareda kutanya kwapo aighu ya wandu wapo, kwa wundu ghwa ugho wawiwi ghwawo ghose ghonilegha ini, na kufukiria milungu mizima marumba na kwa wundu ghwa kutasa kazi ra mikonu yawo cheni.

JEREMIA 11:13

Kwa kukaia milungu yenyu eewuya mingi kara kara na mizi enyu ee Juda, na madhabahu ghenyu mughiwikie ghemfusha waya gheeka mengi kara kara na chia ra Jerusalemu; mpate kumfukiria Baali marumba.

JEREMIA 2:28

Da milungu yako iyo korekubonyereghe kumoni iao? Ndeiwukecho ikakaia idimagha kukukira ngelo ya wasi ghwako? Kwa kukaia eko mingi andenyi ya mizi yako ee Juda.

HOSEA 12:11

Sena milimu yaawuyataswa aho Gileadi, na awo wiitasagha wichafwa. Njau raawuyabwaghwa rikaie vizongona aho Gilgali, na madhabahu rawo wori richanoneka putu.”

HOSEA 13:2

Na idana waawuyachuria kubonya kaung'a kwa kukubonyera weni milimu ichanilo wiitase; milimu iyo ibonyero kwa feza; kazi ibonyero kwa wuya ghwa mdamu. Nawo waghamba, “Funyenyi vizongona kwa ihi milimu.” Ikaia wada wandu wisusugha mlimu ghwa njau!

HOSEA 14:3

Ashuru ndechaadikira, hata farasi ra wuda nderichaaditesia. Ndediwuyaaghora sena kwa milimu, iyo kazi ya mikonu yedu, wei ni milungu yedu. Ee BWANA, kuwiwonie wughoma awo wisewadie weke ndee.”

HOSEA 8:6

Ni wufundi ghwa Muisraeli umu ubonyere ugho mlimu ghuseko mlungu putu. Njau ya dhahabu yawuyataswa Samaria ichabarwa-barwa.

MIKA 5:12

Nichainja wusawi ghwako, hata ndemchaakaia na wandu wangi wemghoria malagho sena anduangi.

MABONYO GHA WADUMI 17:16

Nao iji Paulo orekoghe ukiwiwesera Sila na Timotheo muzi ghwa Athene, orezamiloghe nandighi iji wawona seji ugho muzi ghuchue milimu.

WUKUMBUSO 4:28

Mchatasa milungu ya midi na magho ibonyero ni wadamu; isewonagha, hata kusikira; isejagha hata isenukilwagha.

WUFUNUO 9:20

Awo wandu weresigharikieghe wisebwaghilo ni agho makabo, ndewereherieghe na kurisigha kazi ra mikonu yawo na kutasa pepo, na milimu ya dhahabu, feza, shaba, magho na ya midi; iyo isedimagha kuwona angu kusikira, hata kughenda anduangi.