ISAYA 2:2 - Biblia Ilagho Jiboie Kwa Wandu Wose

² Matuku ghichagha, andu Hekalu yawuyakaia, mghondi ghwaro ghuchakaia m'baa kuchumba mighondi yose; na mbari rose richaghughendia.

ISAYA 2:2 ပူးပေါင်းရင်းမြစ်များ

KUZOYA 49:1

Nao Jakobo ukawiwanga wana wake wose ukawizera, “Kwanyikenyi chiaimweri, nipate kummanyisha iro maza richaampata matuku ghichagha:

AYUBU 19:25

Ini namanya Mkomboli wapo oko moyo, na kutua uchacha kunivuvua.

ZABURI 102:23

BWANA wanisirisha ndighi niko mwana; waghipunguzire matuku ghapo.

ZABURI 2:8

Nilombe, nani nichakubonya kuwuye m'bonyi nguma wa mbari ra wandu, na ndoenyi kose kuchawuya kwako.

ZABURI 22:27

Mbari rose ra wandu richamkumbuka BWANA. Wurumwengunyi kose, wandu wichamghalukia uo, na vinyumba vose va wandu vichamtasa.

ZABURI 22:28

BWANA nuo mzuri; nao wadaribonyera nguma mbari rose ra wandu.

ZABURI 48:2

Ugho mghondi ghwa Sioni, ghuko cha kaskazinyi, ghwawukie ighu; ghwaghokie, nagho ni muzi ghwa Mzuri m'baa, ghuredagha kuboilwa ndoenyi kose.

ZABURI 68:17

BWANA wacha andu kwake kuelie kufuma Sinai, na maelfu gha magare ghiwadie ndighi.

ZABURI 72:8

Kumneke kubonya nguma kufuma bahari hata bahari, na kufuma Moda ghwa Eufrate hata kutua kwa ndoenyi.

ZABURI 86:9

Mbari rose ra wandu kuribonyere, richacha na kukughoghomia ee BWANA, naro richajineka wubaa irina jako.

ZABURI 87:1

BWANA waaghie muzi ghwake, aighu ya mghondi ghwa wueli.

ZABURI 87:2

BWANA waghukunde muzi ghwa Jerusalemu, kuchumba andu kose kuzima kwa Israeli.

ISAYA 11:10

Ituku ijo, uo mundu wa kivalwa cha Jese uchawuka kukaia alama kwa wandu. Wandu wa iro mbari wichamlola, na andu kwake kokaia kuchakaia kwa wubaa.

ISAYA 25:6

BWANA wa majeshi uchawibonyera karamu wandu wose aighu ya ughu mghondi; karamu ya manori, karamu ya divei ieresero irudie nicha, na vindo vicha vichulo ni manori.

ISAYA 27:13

Na ngelo iyo tarumbeta mbaa ichakabwa, na awo werelagharieghe isanga ja Ashuru, na awo werewingiloghe cha isanga ja Misri, wichacha kumtasa BWANA aighu ya mghondi ghuelie Jerusalemu.

ISAYA 30:29

Ela inyo wandu wa Mlungu, mchakaia na kubora kwa kuboilwa, sa ngelo ya karamu ra matuku ghenyu mabaa gha nakio; mchachulwa ni kuboilwa seji mundu uboilwagha ukikaba msherembe aighu ya mghondi ghwa BWANA, uo uko Mbanga ya Israeli.

ISAYA 49:6

Uo BWANA waghamba, “Kazi ewunja kichuku cha Jakobo na kutumbanya masighariko gha Israeli ni ndinieri ee mdumiki wapo; nichakubonya kukaie mwengere kwa iro mbari ra wandu, eri kukia kwapo kupate kukuvikia kutua kwa ndoenyi.”

ISAYA 56:5

irina jake uo, jichaandikwa na kukumbukwa andenyi ya Hekalu yapo na wurighenyi ghwaro, kuchumba awo wiko na wana wa womi na wa waka, nao na jingi ndechaaliwa anduangi.”

ISAYA 56:7

nichawireda mghondinyi ghwapo ghwa Wueli Sioni, na kuwibonya wikaie na kuboilwa andenyi ya nyumba yapo elombia, vizongona vawo, na vizongona vekora nichavirumiria aighu ya madhabahu yapo, angu nyumba yapo ichawangwa nyumba elombia kwa wundu ghwa mbari rose ra wandu.”

ISAYA 60:3

Mbari ra wandu richaghuchea mwengere ghwako, na wazuri wicharudwa ni kuela kwa kuwusirwa kwako.

ISAYA 65:11

Ela ndeichaakaia huwo konyu inyo munisighagha ini, na kuleghatala ugho mghondi ghwapo ghwa wueli; inyo mtasagha mlungu Bahati, na mlungu Ndengwa.

ISAYA 66:20

Nawo wichawireda waruna wose kufuma kwa iro mbari ra wandu sa ifunyo kwa BWANA. Wichawireda aighu ya farasi, na aighu ya magare, na aighu ya machera, na aighu ya nyumbu, na aighu ya ngamila na kuwivikisha mghondi ghwapo ghwa wueli ghwa Jerusalemu, ee sa iji koni Waisraeli wiredagha mafunyo ghawo gha viro andenyi ya vombo vielie nyumbenyi kwa BWANA.

ISAYA 66:23

Wadamu wose wichacha kutasa imbiri kwapo kula ituku ibaa ja Mori Lukombe na kula Sabato,” waghamba BWANA.

JEREMIA 16:19

Ee BWANA, oho kuko ndighi rapo na ngome yapo, andu kwapo kokimbiria ngelo ya wasi; mbari ra wandu richacha kwako kufuma kutuonyi kwa ndoenyi wikighamba, “Weke aba ndewerewadieghe kindo chingi, ela milungu ya tee, iyo milimu ya duu isene fwaida ingi.

JEREMIA 23:20

Machu gha BWANA ndeghichaawuya nyuma, hata ghakatisha makusudio ghake, sa iji koni waghesha kubonya. Malagho agha ghichamtambukia nicha ngelo richagha.

JEREMIA 26:18

“Mika wa Moreshethi orefunyireghe wulodi matuku gha Hezekia mzuri wa Juda, ukawizera wandu wose wa Juda, ‘BWANA wa majeshi, waghamba huwu, Sioni ichalimwa sa mbuwa, Jerusalemu ichawuya kitungu cha maghacho na mghondi ghwa Hekalu ghuchawuya msidu.’

JEREMIA 3:17

Ngelo iyo, Jerusalemu ichawangwa ‘Kifumbi cha nguma cha BWANA’, na mbari rose ra wandu richakwanyika aho Jerusalemu imbiri ya BWANA, nawo ndewichaanugha ngolo rawo ra wung'eti sena anduangi.

JEREMIA 30:24

Machu gha BWANA ghibirie ndeghichaawuya nyuma hata ghameria kukatisha seji ughidumie, kukatisha agho ughiririkanyire. Mchamanya agho ngelo ra kutua.

JEREMIA 31:12

Wichacha wikibora kwa lwaka lubaa, aighu ya Mghondi ghwa Sioni; nawo wichaja manori mecha gha BWANA, gha viro, na divei, na mavuda; gha ng'ondi na ng'ombe ngoo, na marangi ghawo ghichawuya sa mbuwa inyoshere nawo ndewichaasowekelwa sena anduangi.

JEREMIA 48:47

Ela kutuonyi nichammbunjira Moabu mecha ghake, ini BWANA naghamba.” Uko niko kutanywa kwa Moabu.

JEREMIA 49:39

Ela konyuma, nichawiwunjira wandu wa Elamu mecha ghawo, Ini BWANA naghamba.”

JEREMIA 51:44

Nani nichamkaba Beli ghuja mlungu ghwa Babuloni na kumdaisa ivo vindo uvimilie; wandu wa iro mbari ndewichaamchea sena, wurigha ghwa Babuloni ghameria kughwa.

EZEKIELI 38:16

Kuchawichea wandu wapo Israeli sa ikungughu, kupate kulwa nawo; kuchafinikira isanga jose. Matuku gha kutua nichakureda kupate kujikaba isanga japo, eri iro mbari ra wandu ripate kunimanya, ingelo nichaawonyera wueli ghwapo imbiri kwawo kwa kukutumia oho ee Gogu.

EZEKIELI 40:2

Andenyi ya mawono Mlungu orenidwaeghe cha isanga ja Israeli, na kuniwika aighu ya mghondi mlacha nandighi; naimbiri yapo chia ya kusinyi korekoghe na kilambo chiwonekagha sa muzi.

DANIELI 10:14

Nani nacha kukumanyisha iro maza richaawipata wandu wako matuku ghichagha; kwa kukaia mawono agho ni malagho gha ngelo nyingi richagha.”

DANIELI 2:28

Ela oko Mlungu mlungunyi ufunukuagha maza rivisikie, nao wakumanyisha oho mzuri Nebukadnezari iro maza richaabonyeka ngelo richagha. Ndodo yako na mawono kughiwonie ngelo korekoghe kwalala wulinyi kwako nigho agha:

DANIELI 2:35

Niko chuma, na feza, na shaba, na dhahabu, vose vikachika vipande vipande; vikawuya sa teri ya kwari kwalazi, na kiremba chikaweta na kuiduka noko, hata isemanyike wei kokoghe na kilambo aho. Ela ijo igho jereipotokieghe jikawuya ibaa na kuwuya mghondi m'baa hata ghukafinikira ndoenyi kose.

DANIELI 2:45

Kwawonie ijo igho jisedumbulo ni mkonu ghwa mdamu jikisea kufuma mghondinyi na kuifasha ija fwana, chuma, na shaba, na wongo, na feza na dhahabu. Uo Mlungu m'baa wakumanyisha ee mzuri malagho ghichaakaia konyuma. Ndodo ihi ni ya loli na kutambushira kwaro wori ni kwa loli.”

HOSEA 3:5

Konyuma, wandu wa Israeli wichawuya na kumlola BWANA Mlungu wawo, na mzuri wawo Daudi; na kutua wichamchea BWANA kwa kuobua, na kuwona wucha ghwake.

ZEKARIA 14:10

Isanga jose jichawuya wurindi kufuma Geba noko cha kaskazinyi hata Rimoni cha kusinyi ya Jerusalemu. Ela Jerusalemu ghuchasigharika ighu wulalonyi kwake; kufuma Mbenge ya Benjamini, hata mbenge ya kala ya mbengenyi na kufuma Mnara ghwa Hananeli hata vidu vekamia divei va mzuri.

ZEKARIA 14:9

Niko BWANA uchawuya mzuri wa ndoenyi kose; kula mundu uchamtasa uo Mlungu, na kummanya kwa ijo irina jimweri.

ZEKARIA 8:22

Wandu wengi wa mbari ra wandu wiwadie ndighi, wichacha Jerusalemu kumtasa BWANA Uwadie-Ndighi-Rose na kulomba irasimio jake.

ZEKARIA 8:3

Nichawuya Jerusalemu nikaie aho muzi ghwapo ghwa wueli. Jerusalemu ichamanyika sa muzi ghwa wuloli, na mghondi ghwa BWANA Uwadie-Ndighi-Rose ghuchawangwa mghondi ghwa wueli.

MALAKI 3:12

Niko aho mbari rose ra wandu wichammbanga warasimilwa kwa wundu ghokaia na isanga jiboie.

MITALO 24:14

Balaamu ukamzera Balaki, “Ola idana niaghala cha mzedu, ela choo nikughorie seji awandu wichaawibonya wandu wako matuku ghichagha.”

MABONYO GHA WADUMI 2:17

‘Huwu niko ichaakaia matuku gha kutua mbai, waghamba Mlungu, nichawidiria wandu wose Roho wapo; wana wenyu wa womi na wa waka wichafunya wulodi, na wandu wenyu wa irika wichawona mawono, na waghosi wichaloda ndodo.

2 TIMOTHEO 3:1

Ela kutambukilo huwu, kukaia matuku gha kutua mbai, richacha ngelo ra wasi;

WAEBRANIA 1:2

Ela agha matuku gha kutua, waghora nesi kwa chia ya Mwana wake; uo oremmbikieghe ukaie mundu wa ifwa ja vilambo vose, na kwa chia yake wori, oreghuumbieghe wurumwengu.

2 PETRO 3:3

Ilagho ja imbiri, suti mtambukilo kukaia matuku gha kutua mbai, wandu wisekagha kwa lumenyo wichacha wikiseka kwa kunugha bea rawo weni,

WUFUNUO 11:15

Niko uo malaika wa mfungade ukaikaba tarumbeta yake, kukakaia na chwaka mbaa mlungunyi rikighamba, “Wuzuri ghwa wurumwengu ghwawuya wuzuri ghwa Bwana odu na ghwa Kristo wake, nao uchabonya nguma kwa kala na kala.”

WUFUNUO 20:4

Niko ngawona vifumbi va nguma, na awo wereviserieghe, ni awo werenekeloghe nguma retanya. Na wokoni nerewonieghe roho ra wandu weredumbuloghe vongo kwa wundu ghwa kumshuhudia Jesu, na kwa wundu ghwa ilagho ja Mlungu, awo wisereitasireghe iyo nyamandu hata mlimu ghwake; hata ndewerebonyeroghe alama ingi yake chamunyi kwawo, angu mikonunyi kwawo anduangi. Wikakaia moyo, na kubonya nguma andwamweri na Kristo miaka elfu.