ISAYA 2:19 - Biblia Ilagho Jiboie Kwa Wandu Wose

¹⁹ Wandu wichangia mbangenyi ra magho, na miruma ya ndoenyi wikiobua agho machu gha BWANA na wubaa ghwa nguma rake; iji uchaawuka kuisughusa ndoe.

ISAYA 2:19 ပူးပေါင်းရင်းမြစ်များ

2 SAMUELI 22:46

Wafwa ngolo, wikacha kufuma ngomenyi kwawo wikisughusika.

AYUBU 9:6

Mlungu wadaisughusa ndoe kufuma andu kwaro, na kuribonya nguro raro rinengenenge.

ZABURI 7:6

Wuka kwa machu ghako ee BWANA, wuka kutangale lubio lwa wamaiza wapo. Wuka ee Mlungu wapo, kuwikie kutanya.

ISAYA 13:13

Kwa huwo nichasughusa mlungunyi, na ndoenyi kuchasughusika hata kufume andu kwaro, ngelo Ini BWANA wa majeshi nichaawonyera machu ghapo ghibirie.

ISAYA 2:10

Ngia mbangenyi kukuvise mrumenyi, kupate kukaia kula na machu gha BWANA; na wubaa ghwa nguma yake.

ISAYA 2:21

nawo wichakuvisa mbangenyi ra magho, na chughumenyi mbaa ra ndoenyi; wipate kukaia kula na machu gha BWANA na wubaa ghwa nguma yake; iji uchaawuka kuisughusa ndoe.

ISAYA 24:1

Olenyi BWANA uchaikaba ndoe, na kuiboya isigho nduu; uchaivurugha na kuwisaghisa wandu wikaiagha andenyi yaro.

ISAYA 24:18

Uo uchaakimbia kwa wundu ghwa icho kiture, uchachunukia andenyi ya kina, na uo uchajoka kufuma kwa icho kina, uchawadwa ni mdegho. Kwa kukaia vua mbaa yanya kufuma mlungunyi, na misingi ya ndoenyi yasughusika.

ISAYA 24:19

Ndoe yabarika putu, yawaghanyika, nayo yasughusika na ndighi.

ISAYA 30:32

Kula ikabo ja BWANA, jichanughwa ni lumbo lukabwagha kwa mayanga na kinubi; kwa kukaia BWANA uchakufunya kwa mkonu ghuwadie ndighi kulwa na Waashuru.

ISAYA 33:10

BWANA waghamba, “Idana nichawuka, nichajoswa na kunekwa wubaa ghwapo.

ISAYA 7:19

Nawo wichacha kwa wungi na kukaia mavongonyi, mbangenyi ra magho, minjonyi na masakenyi na andu kose kolishira.

JEREMIA 16:16

“Olenyi nichadumiria wawadi samaki wengi nawo wichawiwada awo wandu; konyuma nichadumiria wadiwi, nawo wichawidiwa awa wandu kula mghondi na kula mghondi mtini, hata na chukororonyi ra magho.

JEREMIA 4:29

Kwa kusikira tiri ra wandu wa farasi, na ra wandu wa ndana, kula mundu uko mzinyi uchakimbia cha isakenyi, wamu wichajoka cha maghambenyi; na mizi yose ichasighwa miduu, na mndungi ndechaasigharika ukikaia andenyi yaro anduangi.

JEREMIA 48:28

“Sighenyi iyo mizi, mwendekaia mbangenyi ee wandu wa Moabu; mkaie sa mbughi iaghagha kijungi chake a lukororonyi.

EZEKIELI 33:27

“Kuwighorie malagho kukaia, Sa iji ini Bwana MLUNGU nikaiagha moyo, naghamba loli awo wawuyakaia andenyi ya andu kunonelo wichabwaghwa wudenyi, na uo uko cha mbuwenyi nichamfunya kwa nyamandu ujigho, na awo wikuvisire ngomenyi na mbangenyi wichafwa kwa saka izamie.

HOSEA 10:8

Andu kwa ighu kwa wulaghe-laghe, korebonyeroghe kwa wundu ghwa Israeli kutasa milimu kuchanonwa. Kuchabukwa ni minjwa na mtaranganga, nayo ichazoghua na kufinikira madhabahu rawo. Wandu wichaizera mighondi mibaa na mitini, “Dighuenyi mudifinikire.”

MIKA 7:17

Wichaghala-ghala andonyi sa choka; wichafuma ngomenyi kwawo wikisughusika kwa wowa. Wichamghalukia BWANA Mlungu odu kwa kuobua.

NAHUMU 3:11

Na oho Nineve wori kuchawongia kulaghalo ni akili, kuchakimbia cha kivisonyi kwendelola andu kokimbiria kwa m'maiza wako.

HAGAI 2:6

“Ini BWANA Uwadie-Ndighi-Rose naghamba kukaia kafwani koni nichasughusa mlungunyi, na ndoenyi, na ndoe iomie, na bahari.

HAGAI 2:7

Mbari rose ra wandu nicharikumba noko, na mali rawo wicharireda aha, na Hekalu ichachulwa ni mali.

LUKA 23:30

Niko wichazoya kuizera mighondi mibaa, ‘Dighuyenyi,’ na ija mitini ‘Difinikirenyi,’

2 WATHESALONIKE 1:9

Wichapata ikabo ja kutoteshwa kwa kala na kala, na kuwikwa kula na Bwana na ghuja wubaa ghwa kudima kwake,

WAEBRANIA 11:38

Ni wandu wurumwengu ghuserefwaneghe kukaia nawo anduangi; wadamara-mara kireti, na mighondinyi; wadalala mbangenyi, na mirumenyi ya ndoenyi.

WAEBRANIA 12:26

Ngelo iyo, lwaka loresughusireghe ndoe; ela idana walaghira huwu, “Indo jimu sena nichasughusa si ndoe iekeri anduangi, ela na mlungunyi wori.”

WUFUNUO 11:13

Ngelo ija cheni, korekoghe na msughusiko m'baa ghwa ndoe, na ifungu ja ikumi ja muzi jikaghwa; wandu elfu mfungade wikabwaghwa ni ugho msughusiko; na awo weresigharikieghe, wikakambwa ni chongo na ndighi, na kuobua, nawo wikamneka wubaa Mlungu wa mlungunyi.

WUFUNUO 11:19

Niko Hekalu ya Mlungu ikarughulwa mlungunyi, na Sanduku ya Ilaghano jake ikawoneka Hekalunyi; kukakaia kukaba chuhehia, chwaka, mirurumo ya lukuwa, msughusiko ghwa ndoe, na vua mbaa ya magho.

WUFUNUO 16:18

Kukakaia kukaba chuhehia, na chwaka, na mirurumo ya chukuwa, na msughusiko m'baa ghwa ndoe na jingi ghuserekoghe huwo kufuma wandu wizoe kukaia ndoenyi; msughusiko ugho ghorekoghe m'baa na ndighi.

WUFUNUO 20:11

Niko ngawona kifumbi cha nguma kibaa cha chokwa, na uo orechiserieghe. Nao ndoenyi na mlungunyi kukamkimbia, na andu kwaro ndekorewonekieghe anduangi.

WUFUNUO 9:6

Matuku agho wandu wichalola kifwa, ela ndewichaachiwona anduangi, wichakunda nandighi wifo, ela kifwa chichawikimbia.

1 SAMUELI 13:6

Waisraeli wiendawona kukaia wangia andenyi ya mashaka mabaa, angu werekoghe wamarwa chia rose, wikakuvisa wamu mbangenyi, na wamu mirumenyi, na maghonyi na makaburinyi na visimenyi visewadie machi.

1 SAMUELI 14:11

Niko wose wawi wikakuwonyera weni aja ngomenyi kwa Wafilisti, na Wafilisti wikaghamba, “Wonenyi Waebrania waawuyafuma mirumenyi, andu wikuvisireghe.”