ISAYA 2:12 - Biblia Ilagho Jiboie Kwa Wandu Wose

¹² Kwa kukaia BWANA wa majeshi oko na ituku jesera icho chose chikudukie na kukujosa, icho chose chikujosere ighu;

ISAYA 2:12 ပူးပေါင်းရင်းမြစ်များ

2 SAMUELI 22:28

Oho kwadawikira wandu wikuseragha weni, ela kwadawisera wang'eti.

AYUBU 24:1

“Kwaki Uo-Uwadie-Ndighi-Rose usewikagha ngelo etanya? Kwaki usewikagha ituku jewonyera hachi kwa awo wimdumikiagha?

ZABURI 131:1

BWANA sina ngolo ingi ekukasa, hata sizighanagha kwa kukujosa. Sikungiragha nimoni andenyi ya maza mbaa hata maza rikurie risenieliagha.

ZABURI 18:28

Ee BWANA, oho kwanilangalishira mwengere; na kuchiwinga kira chapo.

ZABURI 37:13

Ela BWANA wadawiseka wawiwi, ukimanya kukaia kutua kwawo kwalighisa.

ZABURI 94:2

Oho ko mtanyi wandu wose; wuka kuwilipe wang'eti agho ghiwifwanagha.

MAKATANISHO 16:5

BWANA wadazamilwa ni kula mundu ukujosagha moni; kwa loli ndechaasowa ikabo.

ISAYA 10:12

Ela BWANA waghamba, “Ngameria agho nawuyaghibonya Mghondi ghwa Sioni na Jerusalemu, nichamkaba uo mzuri wa Ashuru wawuyakukasa na kukuduka.”

ISAYA 10:33

Zighanenyi Bwana, Uo BWANA wa majeshi uchawidema-dema sa mbashu ra midi kwa ndighi rake reobosha; na uo ukujosere na kukaia ighu uchaserwa.

ISAYA 13:11

BWANA waghora huwu, “Nichaghukaba wurumwengu kwa wundu ghwa wuwiwi ghwake, na wawiwi, kwa wundu ghwa wulaghe-laghe ghwawo; kukukasa kose kwa wandu nichakumeria, na kuwisera awo wikudukie.

ISAYA 13:6

Lilenyi, angu ituku ja BWANA jeko kaavui, ijo ituku BWANA Uwadie Ndighi Rose uchaatotesha.

ISAYA 13:9

Ola ituku ja BWANA jaawuyacha, ijo ituku jizamie ja machu ghake ghibirie, upate kuibonya ndoe isigho nduu, na kuwitotesha awo wakaung'a wiko andenyi yaro.

ISAYA 14:15

Ela kwaserwa hata Andu kwa Wafu, kwaserwa Kinenyi chiko ndenyi.

ISAYA 23:9

BWANA wa majeshi nuo orepangieghe maza iri; eri upate kunona uko kukujosa kwake; na kuwifusha waya awo wandu wake werenekeloghe ishima ndoenyi.

ISAYA 24:21

Ngelo iyo, BWANA uchakaba majeshi gha roho mbiwi ghiko mbeonyi, na wazuri wa ndoenyi.

ISAYA 24:4

Ndoenyi kwanyaya na kuoma, wurumwengu ghwaawuyasia na kuoma, na mlungunyi kwaawuyasianya na ndoenyi.

ISAYA 40:23

Uo wadawisera wabaa, na kuwibonya awo wibonyagha nguma wiwoneke kukaia si kindo chingi.

ISAYA 42:15

Nichainona mighondi mibaa na mitini, na kuomera nyasi rose; nichaighalusa meda iwuye ikara, na kuomera viriwa.

ISAYA 5:15

Mdamu uchaserwa, na wandu wichaserwa, na awo wikukasire wichaserwa.

ISAYA 61:2

Wanidumie kueresha mwaka ghorumirilwa ni BWANA, na ituku ja Mlungu jeluya lugho, upate kuwihoresha awo wose wiko na wasi,

JEREMIA 12:9

Welee, wandu wapo waawuya sa nyonyi ya virapa eja nyama? Welee, nyonyi reja nyama raaimaria chia rose kulwa nayo? Ghendenyi mkwanye nyamandu rose ra isakenyi riche karamunyi na kuja.

JEREMIA 13:9

“Huwo niko nichaanona kukujosa kwa Juda, na uko kukujosa kubaa kwa Jerusalemu.

JEREMIA 30:7

Ai, e ituku ja mashiniko, jisefwanane na ituku jingi; ni ngelo ya wasi kwa kivalwa cha Jakobo, elaima ugho wasi ghuchamredia kukia.”

JEREMIA 46:10

Ijo ni ituku ja BWANA wa majeshi jeluya kisasi, ukuluye kisasi moni aighu ya wamaiza wake. Lufu luchaja lughude, luchanywa lughude bagha yawo; kwa kukaia BWANA Mlungu wa majeshi waawuyafunya kizongona, noko cha kaskazinyi kaavui na Moda ghwa Eufrate.

JEREMIA 50:31

“Ola nichalwa na oho ee Babuloni kukukasire, angu ituku jako jekabwa jameria kuvika.

EZEKIELI 13:5

Ndem'wuelindia andu kunonelo, hata ndemuaghie wurigha kwa wundu ghwa wandu wa Israeli, wipate kumanga wudenyi ngelo ya ituku ja BWANA.

DANIELI 4:37

Idana ini Nebukadnezari, nadamkasa, na kumkuma, na kumneka ishima Mzuri wa mlungunyi; angu kazi rake rose ni ra loli, na chia rake ni ra hachi. Wandu wose wighendagha kwa kukukasa, oko na ndighi ra kuwisera.”

AMOSI 5:18

Ni bugha kwa awo wiweseragha ijo ituku ja BWANA! Kwaki mkunde kujiwona ituku ja BWANA! Ni ituku ja kira jisewadie mwengere;

MIKA 2:3

Kwa huwo BWANA waghamba, “Ola naawuyabonya mipango ereda wuwiwi aighu yenyu, msechaadima kughufufunuka. Mchakuwona mmbeni mkikaia wasinyi; nenyo ndemchaaghenda kwa lukaso sena anduangi.

MIKA 5:11

Nichaitotesha mizi ya isanga jako na kuchikanya mawurigha ghako.

ZEFANIA 1:16

ituku ja tarumbeta ya wuda na ngemi ya wuda aighu ya iro ngome ra mizi, na aighu ya minara m'baa.

ZEFANIA 3:11

Ngelo iyo, ndemchaafushwa waya wei morenileghieghe. Nichainja wandu wose werekukasagha na kukuduka, nenyo ndemchaanilegha sena aighu ya mghondi ghwapo ghwa wueli.

MALAKI 4:1

BWANA Uwadie-Ndighi-Rose waghamba, “Ituku jiacha wandu wikukasire na wawiwi wose wichakorwa sa makanda. Ituku ijo wichakorwa hata mndungi usesigho.

MALAKI 4:5

“Olenyi nichamduma mlodi Elija imbiri ijo ituku ibaa ja BWANA jeobosha jisechee.

MATHAYO 23:12

na uo ose ukujosagha moni uchaserwa, ela uo ose ukuseragha moni uchajoswa.

LUKA 14:11

Angu uo ose ukujosagha moni uchaserwa, na uo ose ukuseregha moni, uchajoswa.”

1 WAKORINTHO 5:5

mundu uo mumneke Shetani, mumbi ghutotesho, eri roho yake ikiro ijo Ituku ja Bwana Jesu.

1 WATHESALONIKE 5:2

Angu inyo mmbeni mwaichi putu kukaia ijo Ituku ja Bwana jiacha seji kitoi chichagha nakio.

JAKOBO 4:6

Ela wanekagha mvono ghuchumbie, kwa huwu Maandiko ghaghamba, “Mlungu wawitangala wang'eti, ela wawineka mvono awo wikuseragha.”