ISAYA 2:11 - Biblia Ilagho Jiboie Kwa Wandu Wose

¹¹ Kuwoneka kwa wubaa ghwa mdamu kuchaserwa, kukujosa kwa wadamu kuchaserwa. BWANA uekeri nuo uchaajoswa ituku jija.

ISAYA 2:11 ပူးပေါင်းရင်းမြစ်များ

2 SAMUELI 22:28

Oho kwadawikira wandu wikuseragha weni, ela kwadawisera wang'eti.

ZABURI 18:27

Oho kwadawikira wandu wikuserie, na kuwisera awo wikujosere.

ZABURI 18:28

Ee BWANA, oho kwanilangalishira mwengere; na kuchiwinga kira chapo.

ZABURI 20:8

Wichadumbuka na kughwa; ela isi dichawuka na kumanga kimusi.

ZABURI 46:10

Waghamba, “Sighenyi kulwa munimanye kukaia ne Mlungu. Ne m'baa aghadi ya mbari ra wandu, ne m'baa ndoenyi!”

ZABURI 46:11

BWANA wa majeshi okwanye nesi, Mlungu wa Jakobo nuo andu kodu kokimbiria.

ZABURI 94:2

Oho ko mtanyi wandu wose; wuka kuwilipe wang'eti agho ghiwifwanagha.

MAKATANISHO 16:5

BWANA wadazamilwa ni kula mundu ukujosagha moni; kwa loli ndechaasowa ikabo.

MAKATANISHO 30:13

Weko wandu wikuwonagha weni kukaia ighu! Sena ni kukujosa kubaa uko!

ISAYA 10:12

Ela BWANA waghamba, “Ngameria agho nawuyaghibonya Mghondi ghwa Sioni na Jerusalemu, nichamkaba uo mzuri wa Ashuru wawuyakukasa na kukuduka.”

ISAYA 12:1

Ituku ijo kuchabora huwu: “Nichakufunyira chawucha oho ee BWANA, kwa kukaia hata ngera korekoghe na machu aighu yapo, ela koreghalukieghe na kunihoresha.

ISAYA 12:4

Na ituku ijo mchabora huwu: “Funyenyi chawucha kwa BWANA mujiwangie irina jake, ghorenyi malagho gha mabonyo ghake kwa iro mbari ra wandu, ghorenyi kukaia irina jake ni ibaa.

ISAYA 13:11

BWANA waghora huwu, “Nichaghukaba wurumwengu kwa wundu ghwa wuwiwi ghwake, na wawiwi, kwa wundu ghwa wulaghe-laghe ghwawo; kukukasa kose kwa wandu nichakumeria, na kuwisera awo wikudukie.

ISAYA 14:15

Ela kwaserwa hata Andu kwa Wafu, kwaserwa Kinenyi chiko ndenyi.

ISAYA 2:17

Kukujosa kose kwa mdamu kuchaserwa, na kukuduka kwa wadamu kuchaserwa; BWANA uekeri nuo uchaajoswa ituku jija.

ISAYA 23:9

BWANA wa majeshi nuo orepangieghe maza iri; eri upate kunona uko kukujosa kwake; na kuwifusha waya awo wandu wake werenekeloghe ishima ndoenyi.

ISAYA 24:21

Ngelo iyo, BWANA uchakaba majeshi gha roho mbiwi ghiko mbeonyi, na wazuri wa ndoenyi.

ISAYA 25:9

Ngelo iyo, wandu wichaghora, “Olenyi uhu nuo Mlungu odu derekoghe dikimmbeseria upate kudikira. Uhu nuo BWANA derekoghe dikimmbeseria; nesi ndediboilo na kuzuma andenyi ya kukia kwake.”

ISAYA 26:1

Ngelo iyo, wandu wa isanga ja Juda wichabora lumbo ulu: Deko na muzi ghumange, Mlungu waghuwikia kukia kwake sa ngome imange.

ISAYA 28:5

Ngelo iyo, BWANA wa majeshi uchawuya nuo kirumbu cha wubaa, na kiremba chiboie kwa masighariko gha wandu wake;

ISAYA 29:18

Ngelo iyo, mundu usesikiragha uchasikira malagho ghikishomwa, na awo wiko vitungure wikaiagha kirenyi, meso ghawo ghichafunguka wiwone.

ISAYA 30:18

Kwa wundu ghwa agho, BWANA wakaia ukimmbeseria kumfuya wughoma putu, wakunde na ndighi kuwonyera wughoma ghwake aighu yenyu. Kwa kukaia BWANA ni Mlungu wa hachi; warasimilwa awo wose wimmbeseriagha na kusuwiria kwake.

ISAYA 30:23

Mkawa mbeu renyu ndoenyi, BWANA uchamredia vua, nenyu mchakuwida viro kwa wungi. Ngelo iyo mfugho renyu richakatwa ni nyasi.

ISAYA 37:23

Nani kusindemmenya na kumsholia? Nani kusindemdokia-dokia huwu? Nani kusindemzighana kwa lumenyo? Kodeeka kukinibonyera huwo ini Mlungu, Mweli wa Israeli!

ISAYA 4:1

Ngelo iyo, waka mfungade wichammbwada mndwawomi umweri wikighamba, “Dichakulisha diweni na kukurusha diweni, ela kudirumirie diwangoghe waka wako, kudiinjire waya ghodu.”

ISAYA 40:23

Uo wadawisera wabaa, na kuwibonya awo wibonyagha nguma wiwoneke kukaia si kindo chingi.

ISAYA 52:6

Kwa huwo wandu wapo wichanimanya ituku jija kukaia, ni Ini nidedagha, na ni Ini niko aha.”

JEREMIA 12:9

Welee, wandu wapo waawuya sa nyonyi ya virapa eja nyama? Welee, nyonyi reja nyama raaimaria chia rose kulwa nayo? Ghendenyi mkwanye nyamandu rose ra isakenyi riche karamunyi na kuja.

JEREMIA 9:24

Ela uo ukukasagha ndekukase kwa ilagho iji: kukaia, wawuyaelelwa na kunimanya ini angu ne BWANA uo ubonyagha lukundo lukatie, loli na hachi ndoenyi; kwa kukaia ini nadaboilwa andenyi ya maza iro.”

EZEKIELI 38:14

“Kwa huwo ee mwana wa mdamu, funya wulodi kumzere Gogu, Ini Bwana MLUNGU naghamba huwu: Ituku wandu wapo wa Israeli wichaakaia nicha, kuchamanya.

EZEKIELI 38:19

Na kwa wundu ghwa iriso na machu ghapo ghibirie, naghamba, Ituku ijo kuchakaia na msughusiko m'baa andenyi ya isanga ja Israeli;

EZEKIELI 39:11

“Ituku ijo, nichamneka Gogu andu komrikia andenyi ya Israeli, aja Vololo ya Wacharo, noko cha mashariki ya baharinyi. Andu aho kuchabwagha chia ya wacharo, kwa kukaia Gogu na izungu ja wandu wake wicharikwa aho; nako kuchawangwa Vololo ya Ijeshi ja Gogu.

EZEKIELI 39:22

Wandu wa Israeli wichamanya kukaia ini ne BWANA Mlungu wawo kufuma ituku ijo na noko imbiri.

DANIELI 4:34

Nebukadnezari ukaghamba, “Kutua kwa agho matuku, ini Nebukadnezari nerewusireghe meso ghapo cha mlungunyi, nawurilwa ni akili rapo, ngamkasa Uo-Uko-Aighu-Nandighi, ngamkasa na kumneka ishima uo uduagha moyo kwa kala na kala. Uo wadabonya nguma kwa kala na kala, na wuzuri ghwake ghwadakaia vivalwa na vivalwa.

HOSEA 2:16

“Niko aho uchaniwanga mumi wake sena ndechaaniwanga Baali wake sena.

HOSEA 2:18

“Ituku ijo nichabonya ilaghano na nyamandu, nyonyi, na shimandu riavuagha andoenyi, kukaia nderichaabonya wandu wapo ilagho jingi. Wokoni nichainja ndana rose na chufu relwa wuda isangenyi na wandu wapo wichakaia banana.

HOSEA 2:21

Ngelo iyo nichatumbulia malombi gha wandu wapo Israeli; nichabonya vua inye ndoenyi,

JOELI 3:18

“Ngelo iyo, mighondi ichachulwa ni mbuwa ra mizabibu, na mighondi mitini ichachulwa ni ng'ombe ra mariwa, isanga ja Juda jose jichachulwa ni machi, dumeda dwaa machi duchakaia dukisea kufuma Hekalunyi ya BWANA, na kunyoshera Vololo ya Shitimu.

AMOSI 9:11

BWANA waghamba, “Ituku jichacha nani nichaghuwunja wuzuri ghwa Daudi ghoreghueghe sa nyumba ighue na kunoneka. Nichaagha mawurigha gharo na kughimangisha. Nichaghuagha na kughuwika sa iji ghorekoghe imbiri.

OBADIA 1:8

“Ngelo niikabagha Edomu, nichawitotesha wandu waro wiko na suku, na kuinja putu hikima yawo.

MIKA 2:3

Kwa huwo BWANA waghamba, “Ola naawuyabonya mipango ereda wuwiwi aighu yenyu, msechaadima kughufufunuka. Mchakuwona mmbeni mkikaia wasinyi; nenyo ndemchaaghenda kwa lukaso sena anduangi.

MIKA 4:6

BWANA waghamba, “Ngelo ichacha, nani nichawitumbanya chiaimweri wandu nerewikabieghe; awo wandu wijie wasi aho wubarishonyi.

MIKA 5:10

BWANA waghamba, “Ituku ijo nichariinja nambai farasi rako, na kughinona magare ghako.

ZEFANIA 3:11

Ngelo iyo, ndemchaafushwa waya wei morenileghieghe. Nichainja wandu wose werekukasagha na kukuduka, nenyo ndemchaanilegha sena aighu ya mghondi ghwapo ghwa wueli.

ZEFANIA 3:16

Ngelo iyo wichaizera Jerusalemu: “Kusakeobua ee muzi ghwa Sioni! Mikonu yako isaketeweleka.

ZEKARIA 9:16

Ituku ijo, BWANA Mlungu wawo uchawikira, seji mlisha ukiragha chagha cha iranu jake; nawo wichang'ala-ng'ala isangenyi kwake, sa lulu ra kirumbu.

MALAKI 4:1

BWANA Uwadie-Ndighi-Rose waghamba, “Ituku jiacha wandu wikukasire na wawiwi wose wichakorwa sa makanda. Ituku ijo wichakorwa hata mndungi usesigho.

LUKA 18:14

Nao Jesu ukaghamba, “Namghoria, mmbwadi wushuru oreserieghe nyumbenyi kwake wanekwa hachi kuchumba Mfarisayo. Angu uhu ukujosagha moni, uchaserwa, na uhu ukuseragha moni, uchajoswa.”

2 WAKORINTHO 10:17

“Uhu ukukasagha ndekukase na Bwana.”

2 WAKORINTHO 10:5

Isi davuchua kula kindo chikujosagha cheni na kubonya nganyi aighu ya kumanya kwa Mlungu, na kujidwa wunyika kula ighesho, jipate kumsikira Kristo.

2 WATHESALONIKE 1:10

iji wacha Ituku jija kukaswa ni waeli wake, na kushinikilwa ni wose wimerie kurumiria; kwa kukaia inyo moreghurumirieghe wushuhuda ghodu.

1 PETRO 5:5

Wokoni na inyo muko watini mkuwike aisi ya waghosi. Inyo mmbose mkaie na wumboa kula mundu na mmbao; angu, “Mlungu wawitangala wang'eti, ela wawineka mvono awo wiko na wumboa.”