ISAYA 19:6 - Biblia Ilagho Jiboie Kwa Wandu Wose

⁶ Mikua ya ugho moda ichanuka na meda yaro mitini-mitini ichapungua na kuoma; maria na nyasi richawoa,

ISAYA 19:6 ပူးပေါင်းရင်းမြစ်များ

KUZOYA 41:2

ukawona aho modenyi ng'ombe mfungade rikijoka, ribandie sena righokie, rikakaia rikija nyasi.

2 WAZURI 19:24

Kwakotere visima, na kunywa machi gha kighenyi kukaghiomera na lwau lwa kughu kwako, machi gha meda yose ya Misri.’

AYUBU 8:11

“Welee, maria ghakaiagha andu vichi viseko, na mirangi kubuka andu kusene machi?

AYUBU 8:12

Iji iko ikizoghua nao ikaie isedemelo, ikasowa machi yadazoya kunyaya imbiri ya mudi ghungi mzima.

KUFUMA 2:3

Nao iji wawona angu ndedimagha kumvisa sena, ukam'bonyera kikapu cha milala; ukaikanda lami, ukamngira uo mwana andenyi, na kumvisa marienyi mbai na mbai ya moda.

KUFUMA 7:18

Samaki rose riko andenyi ya moda ghwa Naili richafwa, na machi ghichanuka hata Wamisri wichalemwa ni kughinywa.”

ISAYA 15:6

Machi gha Nimrimu ghaomie, nyasi reeoma na zima nderiwuebuka, hata mghina ghungi ndeghuko.

ISAYA 18:2

Ijo isanga jaduma wadumi wake kwa chia ya Moda ghwa Naili, kwa kutumia mashua ribonyero na maria. Ghendenyi shwa-shwa inyo wadumwa, kwa iyo mbari ya wandu walacha widendere; mbari iobolwagha ni wandu kula na kaavui, mbari iwadie ndighi isimagha; isanga jake jiwaghilo ni meda.

ISAYA 37:25

Kwaghambie wei kwakotere visima kukanywa machi, na kedi kwawadirie isanga ja Misri hata kukaomera meda yose kwa maghu ghako.

NAHUMU 3:8

Kwani oho kwachumba Thebesi naki, ugho muzi m'baa ghwa Misri? Ghwamarilo ni machi chia rose; Moda ghwa Naili ghorekoghe kituwiro chake, na bahari ikakaia mwano ghwake.