ISAYA 19:5 - Biblia Ilagho Jiboie Kwa Wandu Wose

⁵ Moda ghwa Naili ghuchapungua mboa-mboa, na machi gharo ghichaoma.

ISAYA 19:5 ပူးပေါင်းရင်းမြစ်များ

AYUBU 14:11

Sa iji koni machi ghisowekagha ndiwenyi, na moda kuoma,

ISAYA 15:6

Machi gha Nimrimu ghaomie, nyasi reeoma na zima nderiwuebuka, hata mghina ghungi ndeghuko.

ISAYA 23:11

Mlungu wamerie kughorua mkonu ghwake aighu ya bahari, na kughusha agho mawuzuri; wamerie kughora kukaia ngome ra biashara ra Kanaani richukanyo.

ISAYA 37:25

Kwaghambie wei kwakotere visima kukanywa machi, na kedi kwawadirie isanga ja Misri hata kukaomera meda yose kwa maghu ghako.

ISAYA 50:2

Kwaki mndungi userekoghe iji nerechieghe? Na kwaki mndungi useredikieghe iji nerewangieghe? Welee, ndighi rapo reepungua nisedimagha kukombua? Angu welee, siwadie ndighi rekira? Olenyi ngaikemia bahari yadaoma; nani nadaomera meda hata andu kwaro kuwuye ikara. Samaki raro rasowa machi naro rafwa kwa kau na kuwoa.

JEREMIA 51:36

Kwa huwo, BWANA waghamba huwu aighu ya wandu wa Jerusalemu, “Olenyi nicharizighana maza renyu, nani nichalipa kisasi kwa wundu ghonyu. Nichaomera ndiwa ra Babuloni na kuomera ndoria raro ra machi.

EZEKIELI 30:12

Nani nichaomera Naili, na kuneka wandu wawiwi ijo isanga. Nichainja kula kilambo chiko andenyi ya ijo isanga jipate kusighwa iduu, kwa kutumia mikonu ya waghenyi; ini BWANA naghora ilagho ijo.”

ZEKARIA 10:11

Wikaida aghadi ya bahari ya wasi ghwawo; ini BWANA nichaikaba mivo-mivo ya bahari, na andu kumilie kose kwa Moda ghwa Naili kuchaoma. Waashuru wikukasire wichaserwa na mang'oni gha wandu wa Misri wichalaghasha ndighi rawo.

ZEKARIA 14:18

Wandu wa Misri wikalegha kujokabonya Ndima ya Viwanda, wichakabwa na saka ija cheni BWANA uwikabagha nayo wandu wa mbari risejokie kubonya Ndima ya Viwanda.