ISAYA 19:3 - Biblia Ilagho Jiboie Kwa Wandu Wose

³ Nichawibwagha ngolo putu, na kuinona mipango yawo, nawo wichalola njama kwa milimu na kwa walaghui, waghanga na wasawi;

ISAYA 19:3 ပူးပေါင်းရင်းမြစ်များ

2 SAMUELI 15:31

Nao Daudi ukaghorelwa kukaia Ahithofeli nao oko umu wa waja wibonyere sheshe chiaimweri na Absalomu. Daudi ukaghamba, “Ee BWANA, nakulomba kubonye njama ra Ahithofeli riwue wukelu.”

2 SAMUELI 17:14

Niko Absalomu na Waisraeli wose wikaghamba, “Mawoni gha Hushai, Muariki ghaboie kuchumba gha Ahithofeli.” Kwa kukaia BWANA orekoghe wabonya mpango ghobwagha mawoni gha Ahithofeli, eri upate kureda mawiwi aighu ya Absalomu.

2 SAMUELI 17:23

Nao iji Ahithofeli wawona kukaia njama yake ndeinughilo, ukajoka punda wake, na kughenda cha mzinyi kwake. Ukaboisa malagho gha nyumbenyi kwake putu, ukakukumba lugha; ukafwa na kurikwa andenyi ya kaburi ya ndee.

2 WAZURI 1:2

Mzuri Ahazia ukapotoka kufuma idirishenyi ja chumba cha ngome yake gorofenyi aja Samaria, ukashoghonoka; ukaduma wandu wikotie Baalzebubu, mlungu ghwa Ekroni ngera uboa.

1 MALAGHO GHA NGELO 10:13

Sauli oofwa kwa kulegha kukaia mloli kwa BWANA; ukalegha kughiwadia malaghiro gha BWANA, ukaghenda kulola wulongozi kwa maroho,

ZABURI 107:27

Wikawalalia na kutatarika sa wawongeri; akili rawo rikawisiria.

ZABURI 33:10

BWANA wadarinona njama ra mbari ra wandu, na kuivurugha mipango yawo.

ZABURI 76:12

uo uwibonyagha wabaa wifo ngolo, na kuwiobosha wazuri wa ndoenyi.

MAKATANISHO 21:30

Ndekuwadie hikima, angu kumanya, angu njama ingi idimagha kusimana na BWANA.

ISAYA 14:27

BWANA wa majeshi wamerie kukusudia kubonya huwo, nani udimagha kughalua? Mkonu ghwake ghokaba ghoko ghughorokie; nani udimagha kughiria?

ISAYA 15:2

Wandu wa muzi ghwa Diboni, wajoka cha mghondinyi andu witasiragha, wipate kulila; wandu wa Moabu wialilia Nebo na Medeba. Wamerie kuara vongo vawo na sombe rawo kwa wasi.

ISAYA 19:1

Agha nigho malagho aighu ya Misri, ola BWANA uacha Misri naiseghe wajoka aighu iwingunyi. Milimu ya Misri ichasughusika imbiri kwake, na wandu wa Misri wichafwa ngolo.

ISAYA 44:25

Ni ini nifunukuagha tee ra walaghui, na kuwimenya awo walodi wa tee; ni ini niwighaluagha awo wiwadie hikima, na kubonya kumanya kwawo kuwue duu.

ISAYA 47:12

Manga gi kwa wughanga ghwako na wusawi ghwako mungi; ugho kughudumikie kufuma wanake ghwako. Kewada kwadima kusima, hata kudime kwawingira wowa wamaiza wako.

ISAYA 57:16

Sichaasimana na wandu matuku ghose, hata sichaakaia na machu ngelo rose anduangi; angu mdamu wadima kudumbuka imbiri kwapo, uo uko na miruke icheni nereibonyereghe.

ISAYA 8:19

Wandu wikamzera, “Lolenyi njama kwa walaghui na wasawi; awo wihohoriagha na kudeda sa nyonyi;” huwo ndeiwifwane wandu wilole njama kwa Mlungu wawo? Welee, ni hachi wandu kulola njama kwa wafu wulalo ghwa awo wiko moyo?

JEREMIA 46:15

Kwaki mlimu Apisi ghwaghwa? Iyo njau yako isemange kimusi? Ni kwa kukaia yaghushwa ni BWANA.

EZEKIELI 21:7

Nawo wikakukotia, ‘Kwaki kusoriagha ngolo huwo?’ Kuwizere, ni kwa wundu ghwa maza rawuyacha. Rikacha, kula ngolo ichachulwa ni kiture, na mikonu ichateweleka; roho richadumbuka, na vitemberu vichaselwa ni mbogha. Ola iro maza riacha, naro richakatishwa.”

EZEKIELI 22:14

Welee, uko kufunga ndighi konyu kuchadua, angu mikonu yako kukaia na ndighi ingelo nakakubonya maza? Ini Bwana najighora ilagho iji, nani nichajikatisha.

DANIELI 1:20

Kwa malagho ghose gha hikima na kumanya, agho mzuri oreghikotereghe, ukawiwona awo kukaia wiboie mando ikumi kuchumba waghanga na wasawi wose werekoghe andenyi ya wuzuri ghwake.

DANIELI 2:2

Nao mzuri ukafunya momu wasawi, na waghanga, na walaghui, na Wababuloni wiwango, wipate kumghoria mzuri iro ndodo rake. Wikacha na kukaia kimusi imbiri kwake.

DANIELI 5:7

Mzuri ukakema kwa lwaka; ukalomba wasawi, na Wababuloni, na wamanyi wa nyerinyeri wiredo. Ukawizera wandu wa hikima wa Babuloni, “Mundu uo ose uchaashoma maandiko agha, na kunighoria kutambushira kwaro, ucharushwa marwao gha zambarau, na kungirwa mkufu ghwa dhahabu singonyi kwake; nao uchakaia mundu wa kadadu kwa wuzuri ghwapo.”

1 SAMUELI 25:37

Nao iji ndoe yaela, nakesho yaro, iji wuwongeri ghwake ghwasia, mkake ukamghoria iro maza rose; ngolo yake ikaturukia, ukazimia; ukaoma sa igho;