ISAYA 19:24 - Biblia Ilagho Jiboie Kwa Wandu Wose

²⁴ Ngelo iyo, Israeli ichawadana na Misri na Ashuru, na awo wadadu wichakaia marasimio kwa wurumwengu,

ISAYA 19:24 ပူးပေါင်းရင်းမြစ်များ

KUZOYA 12:2

Nichakubonya kukaie mbari mbaa, sena nichakurasimia na kujibonya irina jako jikaie ibaa; kupate kuwuya marasimio.

ISAYA 19:23

Ngelo iyo, kuchakaia na chia mbaa kufuma Misri hata Ashuru. Waashuru wichacha kwa Wamisri, na Wamisri kwa Waashuru; na Wamisri wichatasa chiaimweri na Waashuru.

ISAYA 19:25

kwa kukaia BWANA wa majeshi wawirasimie ukighamba, “Wandu wapo wa Misri, ndewirasimilo, na Ashuru, kazi ya mikonu yapo, na Israeli ifwa japo.”

ISAYA 27:13

Na ngelo iyo tarumbeta mbaa ichakabwa, na awo werelagharieghe isanga ja Ashuru, na awo werewingiloghe cha isanga ja Misri, wichacha kumtasa BWANA aighu ya mghondi ghuelie Jerusalemu.

ISAYA 49:22

BWANA Mlungu waghora huwu: “Olenyi nichawiwusiria wandu wa iro mbari mkonu ghwapo, nipate kuwikunyiria na kiweto; nawo wichakuwunjira wana wako wa womi wikiwiduka laghenyi kwawo, na wana wako wa waka wikiwiduka maongenyi kwawo.

ISAYA 49:6

Uo BWANA waghamba, “Kazi ewunja kichuku cha Jakobo na kutumbanya masighariko gha Israeli ni ndinieri ee mdumiki wapo; nichakubonya kukaie mwengere kwa iro mbari ra wandu, eri kukia kwapo kupate kukuvikia kutua kwa ndoenyi.”

ISAYA 6:13

Hata ukasigharika mundu umweri kwa ikumi, huwo saki uchatoteshwa sa mvinje angu mwaloni ghwademwa, na kishiki charo chisigharike kimusi.” Mbeu ielie nicho kishiki charo.

ISAYA 65:22

Ndewichaagha nyumba nao riwuekailwa ni wandu wazima, hata ndewichaawa viro na vindo varo vijigho ni wandu wazima. Wandu wapo wichadua moyo miaka mingi sa midi, na wasaghulwa wapo wichaboilwa luma ni kazi ra mikonu yawo.

ISAYA 65:8

BWANA waghamba huwu, “Sa iji koni changa cha zabibu chiwonekagha na divei imu, nao wandu wighambe, ‘Kusechinone, kando kamu kaduagha andenyi,’ ni huwo koni nichaabonya kwa wundu ghwa wadumiki wapo; sichaawitotesha wose.

ISAYA 66:12

BWANA waghora huwu, “Olenyi nichachuria mecha ghake sa moda, na mali ra iro mbari ra wandu richakuchea sa moda ghwa machi mengi, nenyo mchaonga sa mwana wawadilwa ukishishilwa a mangonyi ni mae.

EZEKIELI 34:26

“Nani nicharirasimia aighu ya mghondi ghwapo, na kurinyeshera vua kwa kimu charo; kuchakaia na mami gha marasimio.

ZEKARIA 8:13

Inyo wandu wa Juda na Israeli, kokala waghenyi werewasiranagha njowe kwa kughora ‘Wasi ghorewipatireghe wandu wa Juda na Israeli ndeghukupate oho!’ Ela nichamkira, na awo waghenyi wichazerana, ‘Kupate irasimio jerepatiroghe ni wandu wa Juda na Israeli!’ Kwa huwo mkaie na ngolo msakeobua.”

LUKA 2:32

Mwengere ghowilangalishira wandu wa mbari zima, na kwa wundu ghwa wubaa ghwa wandu wako Israeli.”

WAROMA 15:27

Werefunyireghe kwa kuboilwa, ela kwa loli erewifwanieghe wibonye huwo; angu ngera wandu wa mbari zima wawaghane na waeli marasimio gha kiroho, yawifwana wandu wa mbari zima nawo weni wiwidumikie waeli kwa marasimio gha kimumbi.

WAGALATIA 3:14

na kwa chia ya Kristo Jesu, marasimio gha Abrahamu ghipate kuwivikia wandu wa mbari zima; eri dipate kuwusa ilaghiro ja Roho kwa chia ya irumirio.

WUKUMBUSO 32:43

“Suti muwikume wandu wa BWANA inyo mbari, wadawikaba awo wose wiwibwaghagha. Wadalipa kisasi kwa wamaiza wake na kuleka kaung'a ra wandu wake.”