ISAYA 19:21 - Biblia Ilagho Jiboie Kwa Wandu Wose

²¹ BWANA uchakumanyisha moni kwa Wamisri, nawo wichammanya na kumtasa BWANA wikifunya vizongona vekora, nawo wichabonya maghemi kwa BWANA na kughikatisha.

ISAYA 19:21 ပူးပေါင်းရင်းမြစ်များ

1 WAZURI 8:43

kusikire aighu kwako mlungunyi kukaiagha; kumkatishire uo mghenyi malombi ghake, eri wandu wa mbari rose ra ndoenyi wikumanye oho na kukusikira sa wandu wako Israeli, wipate kumanya kukaia Hekalu ihi niiaghie ni kwa wundu ghokutasa oho.

ZABURI 61:8

Niko nichakuboria makaso matuku ghose, ngilipa maghemi ghapo ituku ituku.

ZABURI 67:2

Chia yako imanyike andoenyi, na kukia kwako kumanyike kwa mbari rose ra wandu.

ZABURI 68:31

Wadumwa wichacha kufuma Misri; Waethiopia ndewimlombe Mlungu wikiwusira mikonu yawo.

ZABURI 68:32

M'borienyi Mlungu inyo mawuzuri gha ndoenyi, mkasenyi BWANA kwa chumbo,

MCHILI 5:4

Kukabonya ighemi kwa Mlungu, kusemuke kujikatisha, angu ndeboilwagha ni wakelu. Katisha ighemi jako.

ISAYA 11:11

Ngelo iyo, BWANA uchaghorua mkonu ghwake indo ja kawi kuwunja masighariko gha wandu wake kufuma Ashuru na kufuma Misri, na kufuma Pathrosi, na kufuma Ethiopia na kufuma Elamu, na kufuma Shinari, na kufuma Hamathi, na masanga gha pwani baharinyi.

ISAYA 11:9

Ndewichaashoghonuana angu kunona andenyi ya mghondi ghwapo ghose ghwa wueli, kwa kukaia ndoenyi kuchachulwa ni wandu wimmanyagha seji machi ghichuagha baharinyi.

ISAYA 27:13

Na ngelo iyo tarumbeta mbaa ichakabwa, na awo werelagharieghe isanga ja Ashuru, na awo werewingiloghe cha isanga ja Misri, wichacha kumtasa BWANA aighu ya mghondi ghuelie Jerusalemu.

ISAYA 37:20

Kwa huwo idana ee BWANA Mlungu odu, kudikire usedikabe, eri mawuzuri ghose gha ndoenyi ghipate kumanya kukaia ni oho kuekeri kuko BWANA.”

ISAYA 44:5

“Na mndumu uchaghora, ‘Ini ne wa BWANA,’ mzima uchakuwanga kwa irina ja Jakobo, umu uchakuandika mkonunyi kwake, ‘Wa BWANA;’ na kukuwanga moni kwa irina ja Israeli.”

ISAYA 45:14

BWANA waghamba huwu kwa Israeli, “Nichakuneka mali ra Misri, na biashara ra Ethiopia richawuya rako. Waja wandu walacha wa Seba wichakuchea, nawo wichawuya wazumba wako; wichakuchea wifungilo na minyororo, nawo wichakughoghomia. Wichakulalamia wikighamba, ‘Ni oho kuekeri kuko na Mlungu, hata ndekuwadie Mlungu ungi mzima kuchumba uo.’”

ISAYA 49:7

BWANA, uo Mkomboli na Mlungu Mweli wa Israeli wamzera huwu uo umenyekie na ndighi, uleghelo ni iro mbari ra wandu: nao ni mdumiki wa awo wibonyagha nguma. “Wazuri wichawona na kukuwukia kimusi, wabaa wichakughoghomia kwa ishima, kwa wundu ghwa BWANA, uo uko mloli na Mlungu Mweli wa Israeli orekusaghueghe oho.”

ISAYA 55:5

Ola, kuchawanga mbari ra wandu kusewiichi, na iro mbari ra wandu wiserekumanyireghe, wichakukimbiria; kwa wundu ghwapo ini BWANA Mlungu wako, Mlungu Mweli wa Israeli; angu namerie kukuneka wubaa.”

ISAYA 56:7

nichawireda mghondinyi ghwapo ghwa Wueli Sioni, na kuwibonya wikaie na kuboilwa andenyi ya nyumba yapo elombia, vizongona vawo, na vizongona vekora nichavirumiria aighu ya madhabahu yapo, angu nyumba yapo ichawangwa nyumba elombia kwa wundu ghwa mbari rose ra wandu.”

ISAYA 60:7

Ng'ondi rose ra Kedari richaredwa kwako, na bauru ra Nebaiothi richafunywa kwa wudumiki ghwa BWANA; naro richarumirilwa kukaia kizongona aighu madhabahunyi kwake, nao uchaipamba Hekalu yake ikumikie na wubaa mungi.

ISAYA 66:23

Wadamu wose wichacha kutasa imbiri kwapo kula ituku ibaa ja Mori Lukombe na kula Sabato,” waghamba BWANA.

JONA 1:16

Nao wandu wikamuobua BWANA nandighi, wikamfunyira kizongona na kum'bonyera ighemi.

HABAKUKI 2:14

Kwa kukaia ndoenyi kuchachulwa ni kughumanya wubaa ghwa BWANA seji machi ghichuagha baharinyi.

ZEFANIA 3:10

Kufuma kimonu cha meda ya Kushi, wandu wapo wisasarikie wichacha na kuniredia mafunyo ghapo.

MALAKI 1:11

Wandu kufuma wurumwengu ghwa ii chia, hata kutua kwa wurumwengu ija chia wanineka ishima. Waawuyafunya na kukora vizongona virumirikiagha kwapo, kwa kukaia wawuyanitala.

JOHANE 17:3

Najo irangi ja kala na kala nijo iji: wikumanye oho Mlungu wa loli kuekeri, na Jesu Kristo uo koremdumieghe.

1 PETRO 2:5

Nammbeni, sa magho ghiko moyo, muagho kukaia nyumba ya kiroho, wukohani ghwa wueli, ghofunya vizongona va kiroho, virumirikiagha kwa Mlungu kwa chia ya Jesu Kristo.

1 PETRO 2:9

Ela inyo moko kivalwa chisaghulo, wukohani ghwa kiwuzuri, mbari ielie, wandu wa Mlungu tiki, msaghulo mpate kueresha malagho gha kazi ra Mlungu ra mashiniko; uo oremmbangieghe kufuma kirenyi, mpate kungia andenyi ya mwengere ghwake ghwa mashiniko.

1 SAMUELI 17:46

Idime jeni iji, BWANA uchakungira mikonunyi kwapo, nani nichakubwagha na kudumbua chongo chako; nani nicharineka nyonyi ra mbeonyi gharia ra mimbi ya majeshi gha Wafilisti idime, chiaimweri na nyamandu ra isakenyi riko ndoenyi; na ndoenyi kose wandu wichamanya kukaia, oko Mlungu andenyi ya Israeli;