ISAYA 19:2 - Biblia Ilagho Jiboie Kwa Wandu Wose

² BWANA waghamba, “Nichawinyavurisha Wamisri, nawo wichalwa weni na weni, wichalwa mundu na mruna, na mundu na mmbao. Muzi kwa muzi na wuzuri kwa wuzuri.

ISAYA 19:2 ပူးပေါင်းရင်းမြစ်များ

1 WAZURI 16:21

Wandu wa Israeli werekoghe wawaghika mafungu awi. Wamu wikamnugha Tibni mwana wa Ginathi wipate kum'bonya mzuri, na wamu wikamnugha Omri.

2 MALAGHO GHA NGELO 15:6

Wandu werewaghikieghe mbari ikilwa na mbari, na muzi ghukilwa na muzi; angu Mlungu orekoghe ukiwisumbua na wasi ghwa kula mbari.

ISAYA 3:5

Wandu wichakorongana weni na weni, kula mundu na mmbao, na kula mundu na mmbenyu; wandu wa irika ndewichaawitala waghosi, na awo wa ndonyi ndewichaawitala wabaa.

ISAYA 9:21

Manase na Efraimu wialwa weni na weni, na ii chia wiabonya wuda na Juda. Hata huwo saki machu gha BWANA ndeghisirie, ela mkonu ghwake ghokaba ghoko ghughorokie hata idana.

JEREMIA 46:12

Iro mbari ra wandu ramerie kusikira malagho ghenyu gha waya, wandu wose wa ndoenyi wamsikire mkilila; kwa kukaia masikari wakuwarishane weni na weni, na wose wikaghwa chiaimweri.

JEREMIA 51:46

Msakefwa ngolo, hata msakeobua kwa wundu ghwa agho mughisikiragha isangenyi. Msakeobua ingelo mwasikira malagho mwaka ghumu, na mwaka mzima kusikira malagho ghamu sena, hata mkasikira maza ra nganyi isangenyi na wuzuri ghukilwa aighu ya wuzuri.

EZEKIELI 38:21

Nichareda wuda kulwa na Gogu aighu ya mighondi yapo yose. Ini Bwana MLUNGU naghamba, na kula mundu uchamghalukia mmbao um'bwaghe.

ZEKARIA 8:10

Imbiri ya matuku agho, ndekorekoghe mndungi oredimagha kuandika mundu angu nyamandu kazi, hata ndekorekoghe na wulindiri ghungi ghokulindia na m'maiza. Nerengirieghe ndasanya aghadi ya wandu.

MATHAYO 10:21

“Mundu uchamfunya mruna ubwagho, na ndee mwana uchamfunya mwana wake, wana wichawighalukia wavi wawo na kuwifunya wibwagho.

MATHAYO 10:36

Na wamaiza wa mundu wichakaia awo wandu wa nyumbenyi kwake.

MATHAYO 12:25

Nao Jesu ukimanya maghesho ghawo ukawizera, “Wuzuri ugho ghose ghuwaghanyikagha mafungu mafungu, ndeghudimagha kumanga anduangi; hata ndekuwadie muzi angu nyumba iwaghanyikagha cheni idimagha kumanga anduangi.

MATHAYO 24:7

Angu mbari ichabonya wuda aighu ya mbari na wuzuri aighu ya wuzuri, kuchakaia na njala na misughusiko andu kuzima kuzima.

MARKO 3:24

Na wuzuri ghukareda mawaghanyiko, ndeghudimagha kumanga anduangi.

WATANYI 7:22

Hata iji wandu wa Gideoni werekabieghe iro tarumbeta maghana adadu, BWANA ukabonya majeshi gha wamaiza widemane weni na weni. Agho majeshi ghikakimbia hata Beth-shita kulangaya cha Serera hata mpaka ghwa Abel-mehola kaavui na Tabathi.

WATANYI 9:23

Niko Mlungu ukaduma roho mbiwi aghadi ya Abimeleki na wandu wa Shekemu; awo wandu wa Shekemu wikamkita Abimeleki,

1 SAMUELI 14:16

Walindiri wa Sauli awo werekoghe Gibea isanga ja Benjamini, wikawusira meso wikazighana; nao wikawona Wafilisti wasaghisika ii chia na ii chia.

1 SAMUELI 14:20

Niko Sauli na wandu wose orekwanyeghe nawo, wikafuma na kungia wudenyi gholwa na Wafilisti; wikawona kukaia Wafilisti wedeeka wikibwaghana weni na weni wisemanyagha.