ISAYA 19:16 - Biblia Ilagho Jiboie Kwa Wandu Wose

¹⁶ Ngelo iyo, Wamisri wichakaia sa waka, wichachulwa ni wowa na kusughusika imbiri ya mkonu ghwa BWANA wa majeshi ghwaghorolwa kuwikaba.

ISAYA 19:16 ပူးပေါင်းရင်းမြစ်များ

ZABURI 48:6

Wikawadwa ni kusughusika aho, wikapatwa ni luwawo sa lwa muka ukumbagha lufu lova.

KUFUMA 11:6

Kuchakaia na kililo kibaa na ndighi isanga jose ja Misri, jingi chisewonekie, hata chisechaawoneka sena anduangi.

ISAYA 10:32

Idime jeni wamaiza wichalala Nobu, nawo wichaghuzaruma Mghondi ghwa Sioni, ugho mghondi ghwa Jerusalemu.

ISAYA 11:15

Na BWANA uchaghuomera putu mwanya ghwa bahari ya Misri, sena uchawetesha mbeo mbaa eomera, nayo ichaomera Moda ghwa Eufrate na kusighara meda mitini mfungade, idimagha kuruwukwa kwa maghu.

ISAYA 13:2

Wusirenyi bendera ya wuda aighu ya mghondi ghwa ikara, muwikemie masikari, na kuwikunyiria kwa mikonu wingie na kughukaba ugho muzi ghukukasire.

ISAYA 30:17

Wandu wenyu elfu imweri, wichamkimbia mundu umweri wa wamaiza wenyu, na mkaturuswa ni wandu wasanu, mchakimbia mmbose putu. Mndungi onyu ndechaasigharika, ela mlingoti ghwa bendera ghoni aighu mghondinyi.

JEREMIA 50:37

Kifwa kwa farasi na magare ghake, na kwa majeshi gha kighenyi ghiko aghadi kwawo nawo wichawuya sa waka! Kunoneka kwa mashamo ghake ghose nawo wichasokwa!

JEREMIA 51:30

Masikari gha Babuloni ghiko mang'oni ghameria kuleka wuda, nawo wasigharika andenyi ya ngome rawo; ndighi rawo ramerie kusia, wikawuya sa waka; malalo ghake ghekaia ghameria kukorwa, na vuma vawo verugha vameria kuchikanywa.

OBADIA 1:9

Wandu wako wa wuda ee Temani, wichangirwa kiture, na kula asikari wa isanga ja Edomu, uchabwaghwa.

NAHUMU 3:13

Masikari ghenyu gheeka sa waka, na isanga jenyu ndejiwadie wulindiri imbiri ya wamaiza wenyu; luvuna lonyu lookorwa ni modo.

ZEKARIA 10:11

Wikaida aghadi ya bahari ya wasi ghwawo; ini BWANA nichaikaba mivo-mivo ya bahari, na andu kumilie kose kwa Moda ghwa Naili kuchaoma. Waashuru wikukasire wichaserwa na mang'oni gha wandu wa Misri wichalaghasha ndighi rawo.

ZEKARIA 2:13

Wandu wose ndewikaie kima imbiri ya BWANA, kwa kukaia waawuyacha kufuma andu kwake kwa wueli.

ZEKARIA 2:9

BWANA moni uchalwa nenyo, nenyo mchasokwa vilambo ni awo morewibonyereghe wadumiki wenyu.” Niko mchaamanya kukaia BWANA Uwadie-Ndighi-Rose wanidumie.

1 WAKORINTHO 2:3

Nani nerekanyeghe nenyo kwa wunyonge, ngiobua nandighi na kusughusika.

2 WAKORINTHO 5:11

Kwa huwo, isi dikimanya kuja kuobua kwa Mlungu seji kuko, dawishingira wandu; ela seji diko, Mlungu waichi; nani nasuwiria hata nia renyu wori radiichi.

WAEBRANIA 10:31

Ni ilagho jeobosha kughwa mikonunyi kwa Mlungu uko moyo.