ISAYA 19:1 - Biblia Ilagho Jiboie Kwa Wandu Wose

¹ Agha nigho malagho aighu ya Misri, ola BWANA uacha Misri naiseghe wajoka aighu iwingunyi. Milimu ya Misri ichasughusika imbiri kwake, na wandu wa Misri wichafwa ngolo.

ISAYA 19:1 ပူးပေါင်းရင်းမြစ်များ

ZABURI 104:3

Kukaagha muzi mawingunyi naighu amachinyi. Kwadatumia marundu sa igare jako, na kughenda aighu ya mawawa gha mbeo.

ZABURI 104:34

Uko kumririkanya BWANA kwapo, ndekum'boie, angu nuo unibonyagha niboilo.

ZABURI 18:9

Oreikieghe mawingunyi, ukasea andoenyi, na kira kibaa chikambie cherekoghe maghunyi kwake.

ZABURI 68:4

M'borienyi Mlungu, kasenyi irina jake; m'borienyi lumbo uo ughendagha na mawingu. Irina jake ni BWANA, zumenyi imbiri kwake.

KUFUMA 12:12

Angu nichaida aghadi ya isanga ja Misri kio icho, na kuwibwagha wavalwa wa imbiri wose wa isanga ja Misri; mdamu na nyamandu wori; nichaitanya milungu yose ya Misri, Ini ne BWANA.

ISAYA 13:1

Ughu ni wufunuo ugho Isaya mwana wa Amozi oreghupatireghe kufuma kwa Mlungu aighu ya Babuloni.

ISAYA 13:7

Mikonu ya kula mundu ichateweleka, na ngolo ya kula mundu ichasagha machi;

ISAYA 19:16

Ngelo iyo, Wamisri wichakaia sa waka, wichachulwa ni wowa na kusughusika imbiri ya mkonu ghwa BWANA wa majeshi ghwaghorolwa kuwikaba.

ISAYA 21:9

Ola, wajoki farasi wiacha, hawaja wiacha wawi-wawi,” Nao ukatumbulia, “Ghwaghue, ugho muzi ghwa Babuloni, ghwaghue, na fwana ra milungu yake raghushwa andoenyi.”

JEREMIA 25:19

Na Farao, mzuri wa Misri ukanywa icho kikombe chiaimweri na wadumiki wake, na wabaa wake, na wandu wose;

JEREMIA 4:13

Wonenyi! M'maiza waawuyacha sa mawingu. Magare ghake ghaawuyacha sa kikulughulu, na farasi rake raangue kuchumba indu. Ni bugha kodu, kwa kukaia dameria kusia!

JEREMIA 44:8

Kwaki mughiwusiragha machu ghapo kwa kazi ra mikonu yenyu, na kuifukiria marumba milungu mizima ya Misri, andu mchee mpate kukaia, eri mkumerie mmbeni hata mmbuye wandu wewadwa ni njowe na wesholelwa aghadi ya mbari rose ra ndoenyi?

JEREMIA 50:2

“Ghoria iro mbari kughambe, wusira kiweto kughore, hata kusesighe ilagho jingi: ‘Babuloni wameria kuwadwa Mlimu Beli ghwamerie kufushwa waya. Ugho mlungu Merodaki ghwakambwa ni chongo. Milimu yake yameria kufushwa waya, fwana rake rakambwa ni chongo.’

JEREMIA 51:44

Nani nichamkaba Beli ghuja mlungu ghwa Babuloni na kumdaisa ivo vindo uvimilie; wandu wa iro mbari ndewichaamchea sena, wurigha ghwa Babuloni ghameria kughwa.

EZEKIELI 30:13

Bwana MLUNGU waghamba huwu, “Nichainona milimu, na kuinja fwana riko Memfisi; ndekuchaakaia na m'baa ungi sena isanga ja Misri, kwa huwo nichangira kiture aho.

JOELI 3:19

“Misri ichawuya ikara, na Edomu ichawuya kireti; kwa kukaia werebonyereghe lung'eto kwa wandu wa Juda, wikabwagha wandu wake wisewadie makosa.

NAHUMU 1:1

Agha ni mawono aighu ya Nineve ghiwonelo ni Nahumu ufumie Elkoshi.

NAHUMU 1:3

BWANA ndekaiagha wa shwa-shwa kubonya machu, ela wawadie kudima. Ndemsighagha mkosi usemkabie; wadasela andenyi ya kikulughulu na kiremba; mawingu ni teri yawusirwa ni maghu ghake.

ZEKARIA 10:11

Wikaida aghadi ya bahari ya wasi ghwawo; ini BWANA nichaikaba mivo-mivo ya bahari, na andu kumilie kose kwa Moda ghwa Naili kuchaoma. Waashuru wikukasire wichaserwa na mang'oni gha wandu wa Misri wichalaghasha ndighi rawo.

ZEKARIA 14:18

Wandu wa Misri wikalegha kujokabonya Ndima ya Viwanda, wichakabwa na saka ija cheni BWANA uwikabagha nayo wandu wa mbari risejokie kubonya Ndima ya Viwanda.

MITALO 33:4

Ingelo Wamisri werekoghe wikirika wavalwa wawo wa imbiri, awo BWANA orewibwaghieghe aghadi kwawo, ukiwonyera seji uko na ndighi kuchumba milungu yawo.

WUKUMBUSO 33:26

Wandu wa Israeli, ndekuwadie mlungu ghungi ghuko sa Mlungu onyu, uidagha mlungunyi kwa wubaa ghwake, uidagha aghadi ya mawingu upate kumvuvua.

JOSHUA 2:11

Diendasikira huwo ngolo redu rikangilwa ni kiture chenyu, hata mndungi ndecheesighwa na wuwana ghungi anduangi; angu BWANA Mlungu onyu nuo Mlungu aighu mlungunyi na ndoenyi wori.

JOSHUA 2:24

Wikamzera Joshua, “Loli BWANA wadinekie jija isanga jose mikonunyi kodu, sena waisanga waro wamerie kufwa ngolo kwa wundu ghodu.”

JOSHUA 2:9

ukawizera, “Ini namanya angu BWANA wamneka iji isanga; isi diwose daawuyamuobua, na wandu wose wiko isangenyi wangirilo ni kiture chenyu.

WUFUNUO 1:7

Olenyi uacha mawingunyi, na kula iriso jichammbona, na kula mundu oremdungieghe, na wandu wa mbari rose ra ndoenyi, wichakema mchungu kwa wundu ghwake. Niko koni. Amen.