ISAYA 18:7 - Biblia Ilagho Jiboie Kwa Wandu Wose

⁷ Ngelo iyo, awo wandu walacha widendere wichareda manosi kwa BWANA wa majeshi; awo wandu wiobolwagha kula na kaavui; iyo mbari ya wandu wiwadie ndighi, isimagha, na isanga jake jiwaghilo ni meda, wichamredia manosi Mghondinyi ghwa Sioni, andu irina ja BWANA wa majeshi jitaswagha.

ISAYA 18:7 ပူးပေါင်းရင်းမြစ်များ

2 MALAGHO GHA NGELO 32:23

Wandu wengi wikareda manosi ghawo kwa BWANA aho Jerusalemu, na Hezekia mzuri wa Juda ukaredelwa vilambo va zoghori mbaa; na kufuma ngelo iro, ukajoswa; na mbari rose rikammneka ishima.

ZABURI 68:32

M'borienyi Mlungu inyo mawuzuri gha ndoenyi, mkasenyi BWANA kwa chumbo,

ISAYA 16:1

Wandu wa Moabu, dumenyi wana wa ng'ondi wikaie kodi kufuma Sela, kwa uo ubonyagha nguma Jerusalemu mkiidia kireti.

ISAYA 18:2

Ijo isanga jaduma wadumi wake kwa chia ya Moda ghwa Naili, kwa kutumia mashua ribonyero na maria. Ghendenyi shwa-shwa inyo wadumwa, kwa iyo mbari ya wandu walacha widendere; mbari iobolwagha ni wandu kula na kaavui, mbari iwadie ndighi isimagha; isanga jake jiwaghilo ni meda.

ISAYA 18:4

Angu BWANA wanizerie huwu, “Nichazighana mboaeri kufuma andu kwapo nikaiagha, sa ndoe yakombwa ingelo iruwa jakala, sa iwingu ja mami mrukenyi ngelo ekuwida viro.

ISAYA 45:14

BWANA waghamba huwu kwa Israeli, “Nichakuneka mali ra Misri, na biashara ra Ethiopia richawuya rako. Waja wandu walacha wa Seba wichakuchea, nawo wichawuya wazumba wako; wichakuchea wifungilo na minyororo, nawo wichakughoghomia. Wichakulalamia wikighamba, ‘Ni oho kuekeri kuko na Mlungu, hata ndekuwadie Mlungu ungi mzima kuchumba uo.’”

MIKA 4:13

BWANA waghamba, “Wandu wa Jerusalemu, ghendenyi muwikabe wamaiza wenyu. Nicham'bonya mkaie na ndighi sa njau iko na mbembe ra chuma, na kochokocho ra shaba. Mcharifasha-fasha mbari ra wandu wengi; na iro mali wiripatire kwa kusoka, mchanifunyira ini BWANA wa wurumwengu ghose.”

HABAKUKI 1:7

Ni wandu wa ndengwa, wioboshagha; wandu wikukasire wisena sharia.

ZEFANIA 3:10

Kufuma kimonu cha meda ya Kushi, wandu wapo wisasarikie wichacha na kuniredia mafunyo ghapo.

MALAKI 1:11

Wandu kufuma wurumwengu ghwa ii chia, hata kutua kwa wurumwengu ija chia wanineka ishima. Waawuyafunya na kukora vizongona virumirikiagha kwapo, kwa kukaia wawuyanitala.

MATHAYO 2:11

wikaghenda na kungia andu aja mwana orekoghe, wikammbona uko na mae Maria, wikamdungia ngokoro wikamtasa. Wikafungua mali rawo, wikamfunyira manosi gha dhahabu, ubani, na manemane.