ISAYA 18:4 - Biblia Ilagho Jiboie Kwa Wandu Wose

⁴ Angu BWANA wanizerie huwu, “Nichazighana mboaeri kufuma andu kwapo nikaiagha, sa ndoe yakombwa ingelo iruwa jakala, sa iwingu ja mami mrukenyi ngelo ekuwida viro.

ISAYA 18:4 ပူးပေါင်းရင်းမြစ်များ

2 SAMUELI 23:4

uchawing'alia sa mwengere ghwa luma lwa na kesho, sa iruwa jing'alaa-ng'ala ngelo ndoe yakombwa nakesho; na kubusa nyasi mbishi nyuma ya kunyelwa ni vua.”

2 MALAGHO GHA NGELO 6:21

Kusikire kuvoya kwa mdumiki wako na kwa wandu wako Israeli iji wakalomba wikilangaya andu aha, ee, kusikire kufuma mlungunyi andu kukaiagha; na iji kwasikira, kufuye wughoma.

ZABURI 72:6

Kumneke kukaia sa vua inyagha anyasinyi ridumbulo, na sa mshushure ghuinyosheragha ndoe.

MAKATANISHO 19:12

Machu gha mzuri gheeka sa mrurumo ghwa shimba, ela wurumirio ghwake ghooka sa mami ghiko nyasinyi.

ISAYA 12:6

Kemenyi na kubora kwa kuboilwa inyo wandu wose mkaiagha Sioni, kwa kukaia uo uko aghadi konyu ni m'baa, Mlungu Mweli wa Israeli.”

ISAYA 14:32

Dichawitumbulia wada awo wadumwa wa iro mbari ra wandu? Dichawizera, “Mlungu wamerie kuimaziria Jerusalemu, na wandu wake witiririlo, wichakaia nicha andenyi yaro.”

ISAYA 18:7

Ngelo iyo, awo wandu walacha widendere wichareda manosi kwa BWANA wa majeshi; awo wandu wiobolwagha kula na kaavui; iyo mbari ya wandu wiwadie ndighi, isimagha, na isanga jake jiwaghilo ni meda, wichamredia manosi Mghondinyi ghwa Sioni, andu irina ja BWANA wa majeshi jitaswagha.

ISAYA 26:19

Wafu wako wichakaia moyo, mimbi yawo icharuka. Inyo wandu mkaiagha makaburinyi; wukenyi mmbore kwa kuboilwa! Kwa kukaia mami ghako BWANA ni gha mwengere; nagho kuchawinyeshera awo wafu wifue kokala.

ISAYA 26:21

Olenyi BWANA uacha shwa-shwa kufuma andu kwake; upate kuwikaba wandu wiko ndoenyi, kwa wundu ghwa kaung'a rawo; ndoe ichaifunukua iyo bagha erediriloghe aighu yaro, hata ndeichaawivisa awo werebwaghiloghe anduangi.

ISAYA 31:9

M'baa wake uchakimbia kwa wowa, na wabaa wawo wa kazi wichakimbia kwa wowa na kuisigha bendera yawo. Agho ghaaghorwa ni BWANA uo modo ghwake ghuakagha Sioni na iwiwi jake jikaiagha Jerusalemu.

ISAYA 46:13

Kukia kwapo nakureda kaavui, hata ndekuko kula, nako ndekuchaamuka anduangi. Nichareda kukia Jerusalemu, na wubaa kwa Israeli.”

ISAYA 57:15

Angu uo ukaiagha aighu, ukumikie, ukaiagha kwa kala na kala, uo uwangwagha Mweli, waghamba huwu: “Ini nadakaia koighu andu kwa wueli, sena nadakanya na uo mundu uko na ngolo iheagha na kukusera; nipate kurukisha roho ra wandu wikuserie, na ngolo ra wandu wiko na wundo ghwa kuhea.

HOSEA 14:5

Nichakaia kwa wandu wa Israeli, sa vua kwa ndoe iomie wichaghoka sa maua; wichadunga miri sa midi ya Lebanoni.

HOSEA 5:15

“Nichawisigha wandu wapo hata witiriro ni kaung'a rawo kwa kukata; wiwonecha wikinilola. Kewada andenyi ya matiriro ghawo, wadima kunilola hata winiwone.”

JOELI 3:17

“Niko oho ee Israeli, kuchaamanya kukaia ini ne Mlungu wako; nadakaia aighu Sioni, ugho mghondi ghwapo ghwa wueli. Jerusalemu ichakaia muzi ghwapo ghwa wueli, na waghenyi ndewichaaghusima sena anduangi.

AMOSI 3:7

Kwa loli Mlungu ndebonyagha ilagho jingi, usezoe kande kufunukua mpango ghwake kwa wadumiki wake walodi.