ISAYA 18:3 - Biblia Ilagho Jiboie Kwa Wandu Wose

³ Inyo wandu wose mkaiagha wurumwengunyi, inyo mmbose mkaiagha ndoenyi; bendera ikawusirwa mghondinyi mzighane, na tarumbeta ikakabwa msikire.

ISAYA 18:3 ပူးပေါင်းရင်းမြစ်များ

ZABURI 50:1

BWANA, Mlungu, Uwadie-Ndighi-Rose, wadeda ukiwanga ndoenyi kufuma mashariki hata magharibi.

ISAYA 1:2

Sikirenyi, ee mlungunyi, kudeghe kudu, ee ndoenyi, angu BWANA waghamba, “Nalelie wana wikazoghua, ela wanilegha.

ISAYA 11:12

BWANA uchawusira bendera ikaie alama kwa iro mbari ra wandu, ewonyera kukaia uchatumbanya wandu wa Israeli na wandu wa Juda wisaghisikie, wifume iro mbembe inya ra ndoenyi.

ISAYA 13:2

Wusirenyi bendera ya wuda aighu ya mghondi ghwa ikara, muwikemie masikari, na kuwikunyiria kwa mikonu wingie na kughukaba ugho muzi ghukukasire.

ISAYA 13:4

Sikirenyi ndoghoi ra izungu ibaa aighu mighondinyi, na chwaka ra wazuri na mbari ra wandu rakwanyika chiaimweri! BWANA wa majeshi waawuyakwanya ijeshi kwa wundu ghwa wuda.

ISAYA 26:11

Mkonu ghwako ghwawusirwa ighu ghukabe ee BWANA, ela ndewighuwonagha. Ndewiwone kufunga ndighi kwako kwa wundu ghwa wandu wako, wipate kufwa waya. Modo ghuwikilo kwa wundu ghwa wamaiza wako, ndeghuwimerie.

ISAYA 31:9

M'baa wake uchakimbia kwa wowa, na wabaa wawo wa kazi wichakimbia kwa wowa na kuisigha bendera yawo. Agho ghaaghorwa ni BWANA uo modo ghwake ghuakagha Sioni na iwiwi jake jikaiagha Jerusalemu.

ISAYA 49:22

BWANA Mlungu waghora huwu: “Olenyi nichawiwusiria wandu wa iro mbari mkonu ghwapo, nipate kuwikunyiria na kiweto; nawo wichakuwunjira wana wako wa womi wikiwiduka laghenyi kwawo, na wana wako wa waka wikiwiduka maongenyi kwawo.

ISAYA 5:26

BWANA uchaikunyiria mbari ya wandu iko kula, uchawifughia mori kufuma kutua kwa ndoenyi, na wandu waro wichacha na iseghe shwa-shwa.

ISAYA 7:18

“Ngelo iyo, BWANA uchawifughia mori wandu wa Misri wiche sa izi kufuma mawaghikonyi machi gha moda ghwa Naili; na wandu wa Ashuru sa choki kufuma isangenyi jawo.

JEREMIA 22:29

Ee isanga, isanga, isanga, sikira ilagho ja BWANA!

JEREMIA 51:27

“Josenyi kiweto ndoenyi, kabenyi tarumbeta aghadi ya mbari ra wandu, wikenyi iro mbari nicha, ripate kulwa na Babuloni; wangenyi mawuzuri gha Ararati, na Mini, na Ashkenazi wichelwa nao; mmbike m'baa olongoza wuda gholwa nao, mrede farasi nyingi sa izungu ja zighe.

MIKA 1:2

Sikirenyi agha inyo mbari rose ra wandu mkaiagha ndoenyi, sikirenyi; BWANA Mlungu uchashuhudia aighu yenyu. Sikirenyi! Waawuyadeda kufuma Hekalunyi yake ya mlungunyi.

MIKA 6:2

Inyo mighondi muko misingi iduagha ya ndoenyi, sikirenyi seji BWANA uredagha mashitakio. BWANA washitakiana na wandu wake; uchasimana na Israeli.

MIKA 6:9

Kuobua kwa BWANA niyo hikima. BWANA waawuyawanga mzinyi, “Sikirenyi inyo wandu mkwanyikagha mzinyi!

ZEKARIA 9:14

Niko BWANA uchafutuka aighu ya wandu wake, na kukumba mawanu ghake sa luhehia; BWANA Mlungu uchakaba tarumbeta, na kughenda andenyi ya kikulughulu cha kusinyi.

MATHAYO 13:16

“Ela inyo mwarasimilwa angu meso ghenyu ghawona na madu ghenyu ghasikira.

MATHAYO 13:9

Uo uko na madu ghesikira ndesikire.”