ISAYA 18:2 - Biblia Ilagho Jiboie Kwa Wandu Wose

² Ijo isanga jaduma wadumi wake kwa chia ya Moda ghwa Naili, kwa kutumia mashua ribonyero na maria. Ghendenyi shwa-shwa inyo wadumwa, kwa iyo mbari ya wandu walacha widendere; mbari iobolwagha ni wandu kula na kaavui, mbari iwadie ndighi isimagha; isanga jake jiwaghilo ni meda.

ISAYA 18:2 ပူးပေါင်းရင်းမြစ်များ

2 MALAGHO GHA NGELO 14:9

Mkushi uwangwaghwa Zera, ukacha kulwa nawo uko na ijeshi ja wandu milioni imweri, na magare maghana adadu; nao ukacha hata Maresha.

2 MALAGHO GHA NGELO 16:8

Welee, Wakushi na Walibia ndewerekoghe ijeshi ibaa nandighi, wiko na magare mengi na wajoki farasi? Ela sena angu korekusaghikieghe na BWANA, orekudimishireghe kuwisima.

AYUBU 9:26

Ghaida na iseghe sa ishua jighendagha naiseghe, na sa indu iseagha kuwada madiwo ghake.

KUFUMA 2:3

Nao iji wawona angu ndedimagha kumvisa sena, ukam'bonyera kikapu cha milala; ukaikanda lami, ukamngira uo mwana andenyi, na kumvisa marienyi mbai na mbai ya moda.

ISAYA 18:7

Ngelo iyo, awo wandu walacha widendere wichareda manosi kwa BWANA wa majeshi; awo wandu wiobolwagha kula na kaavui; iyo mbari ya wandu wiwadie ndighi, isimagha, na isanga jake jiwaghilo ni meda, wichamredia manosi Mghondinyi ghwa Sioni, andu irina ja BWANA wa majeshi jitaswagha.

JEREMIA 49:14

Nasikire malagho kufuma kwa BWANA; mdumwa wadumwa kwa iro mbari uwizere, “Kwanyikenyi chiaimweri mmbose, mpate kulwa na Edomu; wukenyi mngie wudenyi.”

EZEKIELI 30:9

“Ituku ijo, nichaduma wadumwa wiangue, nawo wichafuma kuwikambira Waethiopia chongo werekoghe wisemanyire ilagho jingi jizamie, nawo wichakaia na kuwawa kwa wundu ghwa wasi ghwacha aighu ya Misri; nagho hoghuja ghwaawuyacha!”

OBADIA 1:1

Ughu ni wulodi ghwa Obadia seji BWANA Mlungu ughorie aighu ya wandu wa Edomu. BWANA wamdumie mdumwa wake kwa iro mbari zima; damsikire ukighora malagho agha: “Wukenyi dilo na Edomu!”

HABAKUKI 1:7

Ni wandu wa ndengwa, wioboshagha; wandu wikukasire wisena sharia.

LUKA 10:19

Olenyi namneka nguma rekanyanga aighu ya choka na vishushe, na kurisima ndighi rose ra uja m'maiza, hata ndekuwadie kindo chingi chichaam'bonya ilagho jingi anduangi.