ISAYA 18:1 - Biblia Ilagho Jiboie Kwa Wandu Wose

¹ Sikirenyi mrumo ghwa mawawa ghuko kimonu cha meda ya Ethiopia.

ISAYA 18:1 ပူးပေါင်းရင်းမြစ်များ

2 WAZURI 19:9

Hata iji mzuri wa Ashuru wasikira malagho gha Tirhaka mzuri wa Ethiopia kukaia wakufunya kulwa nao, ukaduma momu kwa Hezekia ukighamba,

ZABURI 17:8

Kunilindie karakara na mundu wa iriso, kunivise andenyi ya kiju cha mawawa ghako,

ZABURI 36:7

Lukundo lwako lukatie lwawadie zoghori mbaa saki ee Mlungu! Wadamu wadapata kiju chekimbiria aisi ya mawawa ghako.

ZABURI 57:1

Kuniwonie wughoma ee Mlungu, kuniwonie wughoma, angu nakukimbiria oho. Nichakuvisa aisi ya kiju cha mawawa ghako, hata icho kiremba chenona chaida.

ZABURI 61:4

Leka nikaie Hekalunyi kwako irangi japo jose, nipate kulindilwa aisi ya kiju cha mawawa ghako.

ZABURI 63:7

Kwa kukaia oho korekoghe mtesia wapo, nichabora kwa kuboilwa aisi ya kiju cha mawawa ghako.

ZABURI 91:4

Uchakufinikira na mawawa ghake, nao uchakulindia kukaie banana. Wuloli ghwake ghuchakutesia na kukulindia.

ISAYA 31:1

Ni bugha kwa awo wiseagha cha Misri kulola wutesia, na kukusaghika na farasi na magare ghawo gha wuda wei angu ghiko mengi, na wajoki farasi wei angu wiko na ndighi; nawo ndewikusaghikagha na Mlungu, Mweli wa Israeli, hata kulola wutesia kwa BWANA anduangi.

ISAYA 37:9

Malagho ghikawivikia Waashuru kukaia majeshi gha Misri ghawuyalongozwa ni Mzuri Tirhaka wa Ethiopia, ghawuyacha kulwa nawo. Mzuri uendasikira huwo, ukaduma barua kwa Mzuri Hezekia

ISAYA 45:14

BWANA waghamba huwu kwa Israeli, “Nichakuneka mali ra Misri, na biashara ra Ethiopia richawuya rako. Waja wandu walacha wa Seba wichakuchea, nawo wichawuya wazumba wako; wichakuchea wifungilo na minyororo, nawo wichakughoghomia. Wichakulalamia wikighamba, ‘Ni oho kuekeri kuko na Mlungu, hata ndekuwadie Mlungu ungi mzima kuchumba uo.’”

EZEKIELI 30:9

“Ituku ijo, nichaduma wadumwa wiangue, nawo wichafuma kuwikambira Waethiopia chongo werekoghe wisemanyire ilagho jingi jizamie, nawo wichakaia na kuwawa kwa wundu ghwa wasi ghwacha aighu ya Misri; nagho hoghuja ghwaawuyacha!”

ZEFANIA 2:12

Wokoni BWANA uchawibwagha Wakushi.

ZEFANIA 3:10

Kufuma kimonu cha meda ya Kushi, wandu wapo wisasarikie wichacha na kuniredia mafunyo ghapo.

MATHAYO 23:37

“Ee Jerusalemu, Jerusalemu, kubwaghagha walodi na kuwilasa na magho awo widumwagha kwako. Ni kalinga neretimieghe kuwikwanya wana wako, seji nguku ivikwanyagha vana vake aisi ya mawawa ghake, ela kukalegha.

RUTHU 2:12

BWANA ndekulipe kwa wundu ghwa agho ghose kubonyere; ukulipe malipo ghikatie kufuma kwa BWANA Mlungu wa Israeli, uo kwacha kukusaghika nao.”