ISAYA 17:5 - Biblia Ilagho Jiboie Kwa Wandu Wose

⁵ Israeli ichawuya sa mbuwa ikuwidiro, sa mbuwa ikuwidiro na kusighwa duu aja vololo ya Refaimu.

ISAYA 17:5 ပူးပေါင်းရင်းမြစ်များ

2 SAMUELI 5:18

Wafilisti wikacha na kusasarika andenyi vololonyi ya Refaimu.

2 SAMUELI 5:22

Nao Wafilisti wikajoka sena na kusasarika andenyi vololonyi ya Refaimu.

MAKATANISHO 27:25

Kwadatumbanya na kudema nyasi aighu mighondinyi ingelo nyasi zima yawuyabuka.

ISAYA 17:11

hata mkaibonya izoghuo ijo ituku jeni muiwae, na kufunya mboi nakesho yaro, ndemchaapata makuwido ghangi; mchakaia wandu wa wasi, na luwawo lusesiagha.

JEREMIA 51:33

Wandu wa Babuloni wichawadilwa sa viro awazenyi vakachanwa; ngelo yake ekuwida yalighisa, ini BWANA wa majeshi, Mlungu wa Israeli, naghamba.”

JEREMIA 9:22

BWANA wanizera nighore welee, ‘Gharia ra wandu richakaia andonyi karakara na wuchafu ghudelo ambuwenyi, karakara na viro videmelo ngelo ekuwida; hata ndekuchaakaia na mndungi oshoa anduangi.’”

HOSEA 6:11

“Na inyo wori ee wandu wa Juda, nakuwikia ngelo ekuneka adhabu kwa wundu ghwa agho kwawuyabonya.

JOELI 3:13

Awa ni wandu wizamie nandighi; wibwaghe karakara na ngano idemwagha ngelo ya makuwido; wifashe-fashe karakara na zabibu rikamwagha andenyi ya kidu chekamia zabibu hata divei ichuo na kudika-dika.”

MATHAYO 13:30

Sighenyi rizoghuanye chiaimweri hata ngelo ekuwida. Ngelo iyo nichawizera awo wikuwidagha, zoenyi muinje isaka, mujifunge mafungu mafungu, eri jichekorwa. Ela ngano ikwanyenyi muingire nganyenyi kwapo.’”

JOSHUA 15:8

ghukajoka ghukaidiria Vololo ya Hinomu, cha kusinyi ya mghondi ghwa muzi ghwa Wajebusi (nigho Jerusalemu), ghukajoka hata koighu mghondinyi, ugho ghulangayagha Vololo ya Hinomu cha magharibi; ghukaenda cha kaskazinyi kutuonyi kwa Vololo ya Refaimu.

JOSHUA 18:16

Niko ghukasea nokoisi hata kirimba cha mghondi ghulangayagha Vololo ya Hinomu, ghuko kaskazinyi kutuonyi kwa Vololo ya Refaimu. Niko ghukaida cha kusinyi, kuidiria Vololo ya Hinomu; cha kusinyi luwarunyi kwa Wajebusi na kusea nokoisi cha Enrogeli.