ISAYA 17:4 - Biblia Ilagho Jiboie Kwa Wandu Wose

⁴ BWANA ukaghamba, “Ngelo ichacha na wubaa ghwa Israeli ghuchasia, na wuzuri ghwake ghwa mali ghuchawuya wukiwa.

ISAYA 17:4 ပူးပေါင်းရင်းမြစ်များ

KUZOYA 41:3

Rikajoka ng'ombe zima mfungade, rizamie sena ridarume na ndighi, rikakaia kaavui na wambao aho modenyi ghwa Naili.

2 WAZURI 17:3

Shalmaneseri mzuri wa Ashuru ukajoka kulwa nao, na Hoshea ukakufunya kwake, ukakaia ukimlipa kodi.

2 WAZURI 17:6

Mwaka ghwa ikenda ghwa Hoshea, niko mzuri wa Ashuru uwadie muzi ghwa Samaria, ukadwa Waisraeli wunyika hata Ashuru na kuwiwika muzi ghwa Hala, kaavui na Moda ghwa Habori, isanga ja Gozani hata na andenyi ya mizi ya Wamedi.

ISAYA 10:16

Kwa wundu ugho, Bwana, uo BWANA wa majeshi, uchawidumia masikari ghake ghibandie makongo ghewidarumisha; na kwa wubaa ghwake uchaibonya mimbi yawo ibuko ni modo.

ISAYA 10:3

Da mchabonya wada ngelo BWANA uchaamkaba? M'bonya wada ngelo uchaamredia mawiwi kufuma kula? Mumkimbiria ani umneke wutesia, na ni hao mchaasigha mali renyu?

ISAYA 10:4

Jasigharika ni inyo kubwaghwa wudenyi na kudwalwa sa wafungwa. Hata huwo saki, machu gha BWANA ndeghisirie, ela mkonu ghwake ghokaba ghoko ghughorokie hata idana.

ISAYA 17:3

Ngome ya Israeli ichainjwa na wuzuri ghwa Dameshki ghuchasia, na masighariko gha wandu wa Siria wichasowelwa ishima sa wandu wa Israeli, ini BWANA wa majeshi naghamba.”

ISAYA 24:13

Huwu niko kutua kwa mbari rose ra ndoenyi kuchaakaia, ni seji zeituni rikuwidwagha na kumerelwa kufuma midinyi, na seji zabibu risholwagha nyuma ya makuwido gharo.

ISAYA 24:16

Kufuma kutua kwa ndoenyi, dasikira chumbo ra makaso; ni chumbo remkasa Uo Mhachi. Ela ini nawuyaghamba, “Naawuyasia, ni bugha kwapo naawuyasia! Kwa kukaia Mkalii waawuyanifunya kwa mikalo, waawuyanifunya kwa mikalo.”

ISAYA 9:21

Manase na Efraimu wialwa weni na weni, na ii chia wiabonya wuda na Juda. Hata huwo saki machu gha BWANA ndeghisirie, ela mkonu ghwake ghokaba ghoko ghughorokie hata idana.

ISAYA 9:8

BWANA wareda ilagho ja kutanya aighu ya wuzuri ghwa Israeli, icho kivalwa cha Jakobo.

EZEKIELI 34:20

“Kwa huwo ini Bwana MLUNGU namzera huwu, Olenyi Ini, Ini moni nichatanya aghadi ya iro ng'ondi ribandie, na iro ridarume.

AMOSI 3:12

BWANA waghamba huwu, “Sa iji koni mlisha upatagha maghu awi angu kudu kwa ng'ondi kufuma momunyi kwa shimba, huwo koni wandu watinieri tu wa Israeli wikaiagha Samaria, awo wiseagha kidombo aighu ya makochi ghawo wichavuvulwa.

ZEFANIA 2:11

BWANA uchawiobosha. Uchaimeria milungu yawo na kuibonya kukaia si kindo chingi, na kula mbari ichamtasa BWANA isangenyi kwake.