ISAYA 17:14 - Biblia Ilagho Jiboie Kwa Wandu Wose

¹⁴ Nakenyi wiaobosha, ela nakesho ndewiko anduangi. Ijo nijo ifungu ja wandu wididwagha wunyika, awo widisokagha mali redu.

ISAYA 17:14 ပူးပေါင်းရင်းမြစ်များ

2 WAZURI 19:3

wimzere, “Hezekia waghora, idime ni ituku ja wasi na ja masholio, sena jefusha waya. Deeka sa muka ukumbagha lufu, usewadie ndighi reva.

2 WAZURI 19:35

Kio chija, malaika wa BWANA ukaida na kubwagha Waashuru elfu ighana na mirongo wunyanya na isanu werekoghe kambinyi. Hata iji wandu wawuka nakesho kio, wikawona wandu wose wafue.

AYUBU 20:29

Iji nijo iwaghio ja mundu mmbiwi kufuma kwa Mlungu; ijo ifwa jake jilaghirilo ni Mlungu.”

ZABURI 37:36

Ela iji naida aho sena, seremmbonieghe; ngamlola, ela sicheemmbona.

MAKATANISHO 22:23

BWANA uchawidederia, nao uchawiredia wasi awo wawuyawisoka.

ISAYA 10:25

Angu andenyi ya ngelo ndinieri, machu ghapo ghichasia, nani nichawighalukia Waashuru kwa machu ghapo nipate kuwitotesha.

ISAYA 21:12

Mlindiri watumbulia, “Ndoe yaawuyaela, ela kio chichacha sena. Ngera kwakunde kukotia sena, wuya kukotie.”

ISAYA 29:2

ela Mlungu ucharedia muzi ghwa Jerusalemu wasi; muzi ughoni ghuwangwagha “Madhabahu ya Mlungu;” kuchakaia na kililo na kukema mchungu, na muzi ghose ghuchakaia sa madhabahu yachulwa ni bagha.

ISAYA 29:5

Izungu ja wamaiza wako jichasaghiswa sa teri, na majeshi ghing'etere ghichakimbia; wichakaia kara kara na makozi ghawusirwa ni kikulughulu. Na shwa wori,

ISAYA 29:7

Niko aho izungu ja majeshi gha iro mbari rawuyalwa na Jerusalemu, wose wichalaghaya kara kara na ndodo, ee, sa agho mawono gha nakio.

ISAYA 30:28

Miruke yake ni kara kara na machi mengi ghichue hata singonyi kwa mundu; upate kuriela-ela iro mbari ra wandu na kichungio chake chetotesha, na kuwifunga mkowa momunyi ghowilongoza cha isakenyi.

ISAYA 33:1

Ni bugha kwako oho kunonagha kusenonelo; oho kukaliagha, kusekalilo. Kukameria kunona, kuchanonwa. Kukameria kukalia, kuchakalilwa.

ISAYA 33:18

Kuchakumbuka agho gherekuoboshagha na kukotia, “Weko hao waja weredilawiagha kodi? Weko hao waja werekoghe wikilawua minara yedu ya wulindiri?”

ISAYA 34:17

BWANA moni wajiwaghie ijo isanga kwa kura; nuo moni ubonyere mwano kwa wundu ghwawo; naro richakaia aho kivalwa hata kivalwa.

ISAYA 41:12

Kuchawilola, ela ndekuchaawiwona, awo wilwagha na oho, wichawuya kukaia si kilambo chingi.

JEREMIA 13:25

Ihi niyo kura yako na ifungu jako nimerie kukupimia, kwa kukaia kwamerie kuniliwa na kuirumiria milungu ya tee.

JEREMIA 2:3

Israeli orekoghe wapo, mavalo gha imbiri gha makuwido ghapo; Wose werekukorongieghe nerewitalieghe kukaia wakosi, mawiwi ghikawichea.”

JEREMIA 49:10

Ela Esau neemsigha mduu, ngafunukua hata na andu kwake kokuvisa, usechaadima sena kukuvisa. Wana wake watoteshero chiaimweri na waruna, na wambao, hata ndeuko sena.

EZEKIELI 39:10

hata ndewichaafuma kwendashoa mbande mlambenyi, angu kudema mudi ghungi msidunyi; wichawisoka awo werewisokieghe, ini Bwana MLUNGU naghamba.”

ZEKARIA 2:12

Juda uchawuya ifungu ja BWANA aighu ya mghondi ghwake ghwa wueli, na Jerusalemu ichakaia muzi ghwake ghukundikie na andu kwake kokaia.

WATANYI 5:31

“Huwo koni wamaiza wako ndewitote ee BWANA! Ela waghenyi wako ndewing'ale-ng'ale karakara na iruwa jibukagha kwa ndighi rake.” Nao isanga jikakaia na sere kwa miaka mirongo ina.