ISAYA 17:10 - Biblia Ilagho Jiboie Kwa Wandu Wose

¹⁰ Kwa kukaia oho Israeli kwamerie kumliwa Mlungu uo ukukiragha, hata ndekuikumbukie Mbanga yako ekimbiria. Kwa huwo, hata ngera kwawa miwalwa ighokie, na kuiwika kwa wundu ghwa milungu ya kighenyi,

ISAYA 17:10 ပူးပေါင်းရင်းမြစ်များ

1 MALAGHO GHA NGELO 16:35

Nenyo wori ghorenyi: “Kudikire ee Mlungu Mkiri odu; kuditumbanye na kudivuvua kufuma kwa iro mbari; dipate kukufunyira chawucha na kujikasa irina jako ja wueli.”

ZABURI 106:13

Ela shwa wori wikaliwa kazi rake, wikabonya malagho kuseko na njama yake.

ZABURI 106:21

Weremliwieghe Mlungu uo orewikirieghe Misri, kwa mabonyo ghake gha ndighi.

ZABURI 18:2

BWANA mlindiri wapo; ni ngome yapo na mkiri wapo. Mlungu wapo ni mlindiri wapo nimkimbiriagha. Uo ni sa ngao yapo, na Mkiri wapo uwadie ndighi; nuo andu kwapo kokimbiria.

ZABURI 31:2

Kunideghie kudu kwako; kunivuvuo shwa-shwa. Kukaie mbanga yapo ekimbiria, na ngome imange enikira.

ZABURI 65:5

Oho kwadaditumbulia kwa kudineka wusimi kwa chia ya mabonyo ghako gheobosha, ee Mlungu wa kukia kodu; oho kuko isuwirio ja ndoenyi kose, na andu kuko kula na ndighi kwa bahari.

ZABURI 79:9

Ditesie ee Mlungu Mkiri odu, kwa wundu ghwa wubaa ghwa irina jako; dikire na kudifuya wughoma kaung'a redu, kwa wundu ghwa irina jako.

ZABURI 85:4

Kudiwunje sena ee Mlungu Mkiri odu; kuleke makai ghako cha kodu.

ZABURI 9:17

Wawiwi; awo wandu wose wimliwagha Mlungu, wichaghenda Andu kwa Wafu.

ISAYA 12:2

“Ola Mlungu nuo kukia kwapo, nichamrumiria hata sichaaobua anduangi; kwa kukaia BWANA Mlungu nuo ndighi na lumbo lwapo, nao nuo kukia kwapo.”

ISAYA 17:9

Ngelo iyo, mizi yawo imange ichawuya sa maghacho gha Wahivi na Waamori ghisighilo nyuma ya kunonwa, wikiwikimbia wandu wa Israeli, nayo ichasighwa miduu.

ISAYA 18:5

Angu imbiri ya kukuwida, iji vishekero vasia na zabibu kuwurwa, Mlungu uchanona Ethiopia seji mundu udumbuagha chonge ra midi na kurikumba noko.

ISAYA 25:4

Oho korekoghe ngome imange kwa mkiwa, ngome imange kwa uo orekoghe wasinyi kwa kusowa; kituwiro kwa wundu ghwa kiremba, na kiju kwa wundu ghwa mruke; angu kukaba kwa mng'eti ni karakara na kiremba chikabagha wurigha,

ISAYA 26:4

Kumrumirie BWANA matuku ghose, angu BWANA MLUNGU ni mbanga ya kala na kala.

ISAYA 30:29

Ela inyo wandu wa Mlungu, mchakaia na kubora kwa kuboilwa, sa ngelo ya karamu ra matuku ghenyu mabaa gha nakio; mchachulwa ni kuboilwa seji mundu uboilwagha ukikaba msherembe aighu ya mghondi ghwa BWANA, uo uko Mbanga ya Israeli.

ISAYA 33:2

Kudifue wughoma ee BWANA, isi dikusuwiriagha oho kukaie mlindiri odu kula nakesho; kukaie kukia kodu ngelo ya wasi.

ISAYA 44:8

Msakeobua, hata msebonye kiture; Welee, simghorieghe kufuma imbiri hata ngamtangazira? Na inyo moko washahidi wapo. Welee, oko Mlungu ungi kunichumba ini? Siichi ungi uko Igho kunichumba Ini.”

ISAYA 51:13

hata kumliwe BWANA Muumbi wako uo ubonyere mlungunyi, na kuwika msingi ghwa ndoenyi, na oho kodemuobuagha mkorongi wako matuku ghose ngelo kwammbona wakuwika tayari kukutotesha? Agho machu gha mkorongi wako ghekutotesha ghiao?

ISAYA 61:10

Ini Jerusalemu nichazuma nandighi andenyi ya BWANA, roho yapo ichakasa andenyi ya Mlungu wapo; angu Mlungu wanirushire marwao gha kukia, na kunifinikira nguwo ya hachi; sa bwana arusi ukupambie moni na maua, na sa mwai ulowolwagha ukupambie na lulu.

ISAYA 62:11

Olenyi BWANA wamerie kughora hata kutua kwa ndoenyi, Ghorienyi muzi ghwa Jerusalemu, “Ola kukia kwako kwaawuyacha, na malipo gha Mlungu oko nagho kuwilipa wandu wake.”

JEREMIA 12:13

Wandu wawae ngano wikakuwida minjwa, wabonyere kazi mbaa, ela ndewipatire kindo chingi. Wichafushwa waya ni mavalo ghawo matini.”

JEREMIA 17:13

Ee BWANA oho kuko isuwirio ja Israeli, wose wikusighagha wichafushwa waya, na awo wikughalukiagha nambai, wichalaghaya sa marina ghiandikilo andonyi kwa kukaia wamsighie BWANA, uo ndoria ya machi ghiko moyo.

JEREMIA 2:32

Wele mwai wadima kuliwa mapambo ghake gha lulu angu mwai ulowolwagha nguwo yake ya arusi? Ela wandu wapo waniliwie kwa matuku ghisetalikagha.

JEREMIA 3:21

Lwaka lwasikirika aighu mghondinyi, kulila na kulalama kwa wandu wa Israeli, kwa kukaia wailaghashire chia yawo, na kumliwa BWANA Mlungu wawo.

EZEKIELI 22:12

Andenyi kwako wandu wamu wadatuwa wibwaghe wandu. Mwadaboilwa kuwivara wambenyu fwaida kwa kuwikoronga, nenyo mwaniliwa ini Bwana MLUNGU.

EZEKIELI 23:35

Kwa huwo Bwana MLUNGU waghamba huwu, “Kwa kukaia kwanileghie hata kukaniwikia mghongo, kuchaduka msigo ghwa wulaki na wumalaya ghwako.”

HOSEA 4:6

Wandu wapo waawuyatoteshwa kwa kulegha kunimanya. Inyo wakohani mwasowie kunimanya, na mafundisho ghapo wori mwaghileghie. Kwa huwo nichamlegha; na wana wenyu wori nichawilegha wisekaie wakohani wapo.

HOSEA 8:14

“Wandu wa Israeli waaghie ngome, ela wamliwie Muumbi wawo. Wandu wa Juda waaghie mizi ya ngome, ela nichaduma modo aighu ya iyo mizi ghukore ngome na mizi yawo.”

JOELI 1:17

Mbeu reeomia amalowenyi; viro vewika vasoweka, na nganya rewika viro reenonwa.

WALAWI 26:16

nicham'bonya huwu: Nichamredia maza reobosha, makongo ghiseboagha, homa rem'bwagha meso na kumeria marangi ghenyu. Mchawa viro, ela ndemchaapata kindo chingi; kwa kukaia wamaiza wenyu wichavija.

WALAWI 26:20

Kukufunya kose kwa kazi renyu kuchakaia kwa duu, kwa kukaia ndoe ndeichaava mavalo ghangi, na midi ndeichaafunya matunda ghangi.

AMOSI 5:11

Mwawikorongie wakiwa kwa kuwisoka viro vawo. Kwa huwo ndemchaarikaia iro nyumba ra magho muriaghie, hata kunywa divei iboie ifumagha kwa iyo mizabibu iboie muiwae.

HABAKUKI 3:18

nichaboilwa andenyi ya BWANA, nichaboilwa andenyi ya Mlungu Mkiri wapo.

ZEFANIA 1:13

Mali rawo richadwalwa wunyika; nyumba rawo richatoteshwa. Hata ngera wariagha, ndewichaarikaia, hata wikeduawa mizabibu, ndewichaanywa divei yaro anduangi.”

WUKUMBUSO 28:30

Kuchakumba muka wulanga, na mundu mzima uchalala nao; kuchaagha nyumba, na mundu mzima uchakaia; kuchawa mizabibu, ela ndekuchaaja matunda gharo anduangi.

WUKUMBUSO 32:15

“Wandu wa BWANA werewurieghe wazuri wa mali, ela waleghi; werejieghe vindo wikabanda na kusisina. Weremsighieghe Mlungu Muumbi wawo, na kumlegha mkiri wawo uwadie ndighi.

WUKUMBUSO 32:18

Weremliwieghe Mlungu wawo, uo Mkiri uwadie ndighi, uo uwinekagha irangi.

WUKUMBUSO 32:31

Wamaiza wawo waichi kukaia milungu yawo cheni ndeiwadie ndighi; ndeiko na ndighi sa Mlungu wa Israeli.

WUKUMBUSO 32:4

“BWANA ni mlindiri onyu uwadie ndighi, chia rake rose ni ra hachi; Mlungu onyu ni mloli na mhachi wadabonya agho ghiko gha loli na hachi.

WUKUMBUSO 6:12

kukulindie kusechemliwa BWANA uo orekuredieghe kufuma isanga ja Misri, iyo nyumba ya wuzumba.

WUKUMBUSO 8:11

“Mkulindie msemliwe BWANA Mlungu onyu kwa kuleghawadia memu yake yose nimlaghiragha idime.

WUKUMBUSO 8:14

Mzighane msekukase na kumliwa BWANA Mlungu onyu, uo oremfunyireghe isanga ja Misri nyumba ya wuzumba.

WUKUMBUSO 8:19

Na iji mwamliwa BWANA Mlungu onyu, na kuinugha milungu mizima kuidumikia na kuitasa, namghoria loli idime iji, kukaia mchatota.