ISAYA 17:1 - Biblia Ilagho Jiboie Kwa Wandu Wose

¹ Agha nigho malagho aighu ya Dameshki. “Dameshki ndeichaakaia muzi sena, ela ghuchawuya maghacho.

ISAYA 17:1 ပူးပေါင်းရင်းမြစ်များ

KUZOYA 14:15

Aho ukawaghanya wandu wake nakio, ukawingiria, ukawikaba na kuwisima, ukawiwinga hata Hoba kaskazinyi ya Dameshki.

KUZOYA 15:2

Ela Abramu ukaghamba, “Ee BWANA Mlungu, kuninekaki, nani siwadie wana; mundu oja ifwa japo ni uhu Eliezeri Mdamasko?”

1 WAZURI 11:24

Orekoghe wawikwanya wandu chiaimweri na kubonya izungu ja viting'a, uo moni ukikaia kilongozi wawo. (Malagho agha gherebonyekieghe ingelo Daudi oremsimieghe Hadadezeri na kubwagha ijeshi jake ja Siria.) Rezini na wandu wake wikaghenda na kukaia Dameshki, na wandu wake wikam'bonya ukaie mzuri aho.

2 WAZURI 16:9

Mzuri wa Ashuru ukamsikira, ukaghujokia muzi ghwa Dameshki ukaghuwada; na kudwa wandu waro wunyika hata Kiri; ukam'bwagha Rezini.

1 MALAGHO GHA NGELO 18:5

Hata iji Wasiria wa Dameshki wacha kumtesia Hadadezeri mzuri wa Soba, Daudi ukawibwagha Wasiria elfu mirongo iwi na wawi.

2 MALAGHO GHA NGELO 28:23

Ukafunya kizongona kwa milungu ya wandu wa Dameshki awo weremsimieghe ukighamba, “Kwa kukaia milungu ya mzuri wa Siria yawiteserie, nani moni nichaifunyira kizongona initesie.” Ela niyo iwurie ikamnona putu chiaimweri na wandu wa Israeli wose.

2 MALAGHO GHA NGELO 28:5

Kwa huwo BWANA Mlungu wake ukamfunya kwa mzuri wa Siria, uo oremsimieghe na kuwidwa wandu wake wengi wunyika, na kughenjwa Dameshki. Wokoni ukamfunya kwa mzuri wa Israeli, uo oremsimieghe na kubwagha wandu wake wengi nandighi.

ISAYA 10:9

Nakabie muzi ghwa Kalno sa muzi ghwa Karkemishi; na muzi ghwa Hamathi sa muzi ghwa Arpadi; na muzi ghwa Samaria sa Dameshki.

ISAYA 13:1

Ughu ni wufunuo ugho Isaya mwana wa Amozi oreghupatireghe kufuma kwa Mlungu aighu ya Babuloni.

ISAYA 15:1

Ughu ni wulodi aighu ya Moabu. Kwa kukaia mizi ya Ari na Kiri yamerelo kwa kio chimweri, kwa huwo isanga ja Moabu jeesia.

ISAYA 19:1

Agha nigho malagho aighu ya Misri, ola BWANA uacha Misri naiseghe wajoka aighu iwingunyi. Milimu ya Misri ichasughusika imbiri kwake, na wandu wa Misri wichafwa ngolo.

ISAYA 25:2

Kwaghubonyere muzi kuwuya kitungasi, na kurinona iro ngome; ngome ya waghenyi ndeiduagha sena, ndeichaaghwa sena anduangi.

ISAYA 37:26

“‘Wele ndekusikire kukaia iri maza nederipanga kokala? Maza rawuyabonyeka idana nederipanga matuku gha kala, kukaia kucharichikanya ngome ra mizi na kuribonya riwuye vitungu va kunoneka kwaro;

ISAYA 7:16

Angu imbiri ya uo mwana kumanya kulegha mawiwi na kusaghua mecha, isanga ja awo wazuri wawi kwawuyawiobua jichasighwa iduu.

ISAYA 7:8

Kwa kukaia muzi m'baa ghwa Siria ni Dameshki, na m'baa waro ni Mzuri Resini. Na kwa wundu ghwa Israeli andenyi ya miaka mirongo irandadu na misanu, wichakaia wameria kusaghisika wisekaie mbari sena.

ISAYA 8:4

kwa kukaia, imbiri mwana uhu usemanyire kuwanga ‘Aba’ angu ‘Mao,’ mali ra Dameshki na vilambo viwadilo wunyika va Samaria vichadukwa ni mzuri wa Ashuru.”

JEREMIA 49:2

Olenyi matuku ghichacha, nani nichabonya kililo cha wandu chisikirike muzi ghwa Raba ghuko kwa Waamoni, nagho ghuchasighwa mduu, na mizi yaro mitini ichakorwa; niko aho Israeli ichawunja isanga jake, waghamba BWANA.

MIKA 1:6

Kwa huwo BWANA waghamba, “Nichaibonya Samaria iwuye kitungasi cha mbuwenyi, iwuye andu kowa mizabibu; nicharimicha kokoto ra muzi ghwavuchulwa nokoisi cha vololonyi, na misingi ya muzi ichasighwa miduu.

MIKA 3:12

Kwa huwo Sioni ichalimwa sa mbuwa, na Jerusalemu ichawuya kitungasi, na mghondi ghwa Hekalu ghuwuye msidu.

ZEKARIA 9:1

Agha ni malagho gha BWANA: Waghambie uchakaba isanga ja Hadraki, na muzi ghwa Dameshki. Si mizi ya vichuku va Israeli tu, ela hata na muzi m'baa ghwa Siria ni ghwa BWANA.

MABONYO GHA WADUMI 9:2

ukalomba barua ughende naro sunagoginyi ra Dameshki, eri ukawona wandu wangi wawuyainugha Chia ya Bwana, womi angu waka, uwifunge na kuwireda Jerusalemu.

WUKUMBUSO 13:16

Vilambo vose mwaviwada, muvitumbanye ghadi na ghadi ya ugho muzi andu kuko kuelie, na kughukora muzi chiaimweri navo, sa kizongona chekora chose kwa BWANA Mlungu onyu, nagho ghuchawuya ighacho kwa kala na kala, hata ndeghuchaaghwa sena.