ISAYA 16:3 - Biblia Ilagho Jiboie Kwa Wandu Wose

³ “Dineke njama, diwonyere chia ya hachi, dilindie sa kudifinikira kiju ngelo ya iruwa, divise isi wakimbii, kusakedifunya.

ISAYA 16:3 ပူးပေါင်းရင်းမြစ်များ

1 WAZURI 18:4

hata iji Jezebeli orekoghe ukiwibwagha walodi wa BWANA, Obadia orewivisireghe walodi ighana mbangenyi kwa kuwiwagha vipughi viwi va mirongo-misanu mirongo-misanu; ukakaia ukiwineka vindo na machi.)

ISAYA 1:17

Mkufundishe kubonya mecha, muilole hachi; witesienyi awo wawuyawonelwa, mnekenyi mwana usewadie ndee hachi yake, mdederienyi muka-mkiwa.”

ISAYA 25:4

Oho korekoghe ngome imange kwa mkiwa, ngome imange kwa uo orekoghe wasinyi kwa kusowa; kituwiro kwa wundu ghwa kiremba, na kiju kwa wundu ghwa mruke; angu kukaba kwa mng'eti ni karakara na kiremba chikabagha wurigha,

ISAYA 32:2

Kula umu wawo uchawuya andu kokimbiria ngelo ya kiremba, kituwirio ngelo ya kikulughulu; wichakaia sa ndoria ra machi ikarenyi na kiju cha igho ibaa andenyi ya isanga jiomie.

ISAYA 56:8

Bwana MLUNGU waghora huwu, uo uwitumbanyagha awo wandu wileghelo wa Israeli, “Nichareda kwako wandu wamu sena, kuchuria waja wimerie kutumbanywa.”

ISAYA 58:7

Nechi ni kummbaghia vindo vako uo usowie, na kumngira nyumbenyi kwako uo mkiwa usena wulalo; na iji kwammbona mundu uko duu, kumrushe nguwo, hata kuseleghe kumtesia mndungi wa kichuku chako.

ISAYA 9:6

Angu damerie kuvailwa mwana, danekelo mwana wa womi; nao uchadibonyera nguma, na irina jake uchawangwa, “Mnjama wa mashiniko,” “Mlungu Uwadie Ndighi,” “Aba wa kala na kala,” “M'baa wa sere.”

JEREMIA 21:12

Ee kivalwa cha Daudi! ‘Bonyenyi hachi kula nakesho, mmbunje kilambo cha uo usokelo kufuma kwa uo mkorongi; machu ghapo ghisecheaka sa modo, na kumkora hata usepatike ungi oghurimisha, kwa wundu ghwa agho mawiwi ghenyu.’

JEREMIA 22:3

BWANA waghamba, m'bonye malagho gha loli na gha hachi, mmbunje kilambo cha uo usokelo ni mkorongi. Msebonye kiwiwi, angu kumkita mghenyi, angu mwana mkiwa, angu muka mkiwa, angu kudia bagha ya mundu usena ikosa andu aha.

DANIELI 4:27

Kwa wundu ugho ee mzuri, njama yapo ndeirumirikie imbiri kwako. Sigha kaung'a rako, kuinughe hachi; kusighe mawiwi, kuwonyere wughoma kwa awo wikorongelo eri kukaie na sere na kuwona nicha.”

ZEKARIA 7:9

“Kala nerewinekieghe wandu wapo sharia iri: ‘Mlindie kubonya hachi, mkaie na wughoma mmbeni na mmbeni.

MATHAYO 25:35

Angu nerekoghe na njala mkanineka vindo, nereomieghe mkaninyosha machi, nerekoghe mghenyi mkanikaribisha;

WAEBRANIA 13:2

Msakesigha kuwikaribisha waghenyi; angu kwa chia iyo, wandu wamu werewikaribishireghe weke malaika wisewimanyire.

WATANYI 9:15

Nao mudi ghwa minjwa ghukaizera midi, ‘Ikakaia loli mwarumiria kwa ngolo kunibonya mzuri onyu, haya muche na kukaia aisi ya kiju chapo; na ikakaia msekunde, modo ndeghufume minjonyi na kukora mierezi ya Lebanoni.’