ISAYA 16:2 - Biblia Ilagho Jiboie Kwa Wandu Wose

² Wandu wa Moabu wasasarika ii chia na ii chia sa nyonyi, na vana vawo vafunywa kijungunyi a viruwukonyi va Moda ghwa Arnoni.

ISAYA 16:2 ပူးပေါင်းရင်းမြစ်များ

2 WAZURI 3:4

Mzuri Mesha wa Moabu orekoghe mundu ofugha ng'ondi; nao ukakaia ukilipa kwa mzuri wa Israeli wana wa ng'ondi elfu ighana jimweri, na mafuri gha bauru elfu ighana jimweri kula mwaka.

MAKATANISHO 26:2

Njowe isene sababu ndeibonyagha ilagho jingi; eeka sa nyonyi iburukagha isepakiagha.

MAKATANISHO 27:8

Mundu umaraa-mara kula na nyumba yake, ooka sa nyonyi imaraa-mara kula na kijungi chake.

ISAYA 13:14

“Waghenyi wikaiagha Babuloni wichakimbiria mizi yawo, wikisaghisika karakara na shaa ikimbiagha wadiwi; karakara na ng'ondi risewadie mlisha.

JEREMIA 48:20

Wichatumbulia, ‘Moabu wafushwa waya angu wameria kughwa, lilenyi na kukema mchungu. Ghorenyi kaavui na Moda ghwa Arnoni kukaia, Moabu wameria kunonwa.’

JEREMIA 48:46

Ni bugha kwako ee Moabu, wandu wa Kemoshi wameria kunonwa, kwa kukaia wana wako wa womi na wa waka wamerie kudwalwa wunyika.

JEREMIA 48:9

“Mnekenyi Moabu mawawa, upate kuburuka noko, mizi yake ichasighwa miduu isekailwagha ni mndungi.

MITALO 21:29

Ni bugha kwako ee Moabu! Mwamerie kutoteshwa inyo ee wandu wa Kemoshi! Wabonyere wana wake wa womi wikawuya wakimbii, na wai wake wikawuya wedwalwa wunyika kwa Sihoni mzuri wa Waamori.

WUKUMBUSO 2:36

Ndekuwadie muzi ghoredilemieghe. Kufuma Aroeri, muzi ghuko mdonyi ghwa vololo ya Arnoni, na kufuma muzi m'baa ghuko vololonyi, hata Gileadi, BWANA Mlungu odu oredinekieghe yose.

WUKUMBUSO 3:12

“Ngelo iyo, diendawada ijo isanga, nerewinekieghe kichuku cha Reubeni na cha Gadi isanga noko cha kaskazinyi; kufuma Aroeri na vololo ya Arnoni, na nusu ya Gileadi; ijo isanga ja mghondinyi chiaimweri na mizi yaro.

WUKUMBUSO 3:8

“Kwa huwo ngelo ija, dikawada isanga kufuma kwa waja wazuri wawi wa Waamori werekoghe Jordani nakimonu ii chia cha mashariki; kufuma vololo ya Arnoni hata Mghondi ghwa Hermoni.

JOSHUA 13:16

Najo ni kufuma Aroeri jiko mpakenyi ghwa Vololo ya Arnoni na ugho muzi ghuko ghadi na ghadi ya iyo vololo, na wurindi ghose ghwa Medeba,

WATANYI 11:18

Niko wikawada charo kuidiria kireti, wikamaria mbai na mbai ya isanga ja Edomu na isanga ja Moabu; wikavika cha mashariki ya isanga ja Moabu, na kubonya kambi kimonu cha Arnoni, ela ndewerengirieghe isanga ja Moabu, kwa kukaia Arnoni niyo erekoghe mpaka ghwa Moabu.