ISAYA 16:12 - Biblia Ilagho Jiboie Kwa Wandu Wose

¹² Wandu wa Moabu wiakusirisha ndighi weni wikijoka mghondinyi kulomba, aja andu kwawo kotasira; nawo ndewichaatesekia anduangi.

ISAYA 16:12 ပူးပေါင်းရင်းမြစ်များ

1 WAZURI 11:7

Solomoni ukaagha aighu mghondinyi mashariki ya Jerusalemu andu kotasira ugho mlungu Kemoshi wuchafu ghwa Wamoabu, na mlungu Moleki wuchafu ghwa Waamoni.

1 WAZURI 18:29

Wikakema na kudeda hata ngelo efunya kizongona cha nakenyi, ela ndekorekoghe na lwaka hata mndungi nderetumbulieghe anduangi.

2 WAZURI 19:12

Iyo milungu ya iro mbari yawikirie? Mbari ritoteshero ni aba ni Gozani, Harani, Resefu, na wandu wa Edeni wikaiagha Telasari.

2 WAZURI 3:27

Niko ukammbwada mwana wake wa womi um'baa, nao nuo orewadagha wuzuri wulalo ghwake; ukamfunya ukaie kizongona chekora aighu wurighenyi ghwa muzi, kwa mlungu ghwa Moabu. Waisraeli wikajokwa ni machu loli loli, wikawuya nyuma na kughala kula mundu nyumbenyi kwake.

MAKATANISHO 1:28

Niko mchaniwanga ini Hikima, ela sichaadika; mchanilola nandighi, ela ndemchaaniwona.

ISAYA 15:2

Wandu wa muzi ghwa Diboni, wajoka cha mghondinyi andu witasiragha, wipate kulila; wandu wa Moabu wialilia Nebo na Medeba. Wamerie kuara vongo vawo na sombe rawo kwa wasi.

ISAYA 16:13

Agho nigho malagho BWANA oreghighorieghe aighu ya Moabu kiimbiri.

ISAYA 26:16

Werekulolieghe ngelo ya wasi ghwawo; iji korewikabieghe, wikareda malombi kwako, ee BWANA.

ISAYA 37:38

Nao iji orekoghe ukitasa andenyi ya nyumba ya mlungu ghwake Nisroki, wana wake wa womi Adrameleki na Shareza, wikam'bwagha kwa lufu, na kukimbia cha isanga ja Ararati. Mwana wake Esarhadoni ukabonya nguma wulalo ghwake.

ISAYA 47:13

Wanjama wako wengi wakusirishire ndighi, ndewikaie kimusi ima, wikukire; awo wizighanagha mlungunyi, na kurishoma nyerinyeri nawo waloda ngelo ya mori mmbishi, na kukughoria malagho ghako gha ngelo richagha.

JEREMIA 10:5

Milimu yawo ni sa fwana returusa, riwikilo mbuwenyi ya marenge; nderidedagha na ni suti riduko kwa kukaia nderidimagha kughenda. Kusakeriobua, nderikubonyagha ilagho jingi jizamie hata nderibonyagha ilagho jingi icha anduangi.”

JEREMIA 48:13

Niko aho Moabu uchafushwa waya ni mlungu ghwake Kemoshi, seji wandu wa Israeli werefushiroghe waya ni Betheli ugho mlungu wereghurumirieghe.

JEREMIA 48:35

Nichamuinja mundu ofunya vizongona aho Moabu; uo ose ufunyagha vizongona mighondinyi andu kotasira, kuifukiria milungu yake marumba.

JEREMIA 48:46

Ni bugha kwako ee Moabu, wandu wa Kemoshi wameria kunonwa, kwa kukaia wana wako wa womi na wa waka wamerie kudwalwa wunyika.

JEREMIA 48:7

Moabu, korekoghe na irumirio na ngome rako na mali rako, ela oho wori kuchadwalwa; na mlungu ghwako Kemoshi wori ghuchadwalwa wubarishonyi; ghuchadwalwa chiaimweri na wakohani wake na wabaa wake.

MITALO 21:28

Angu modo ghwafumie Heshboni, lumu lwa modo lukafuma mzinyi kwa Sihoni. Ghorekorieghe Ari muzi ghwa Moabu, na awo wabaa wa ighu wa Arnoni.

MITALO 22:39

Niko Balaamu ukaghendanya na Balaki, wikavika Kiriathi-husothi.

MITALO 22:41

Nao nakesho yaro, Balaki ukamdwa Balaamu ukamreda aighu ya Bamothi-baali; na kufuma aho ukawiwona wandu wamu wa Israeli kutini, awo werekoghe kaavui.

MITALO 23:14

Ukamdwa hata mbuwa ya Sofimu, koighu mghondinyi ghwa Pisga; ukaagha madhabahu mfungade; ukafunya kizongona cha njau imweri na bauru imweri aighu ya kula madhabahu.

MITALO 23:28

Nao Balaki ukamghenja Balaamu koighu mghondinyi ghwa Peori, ghulangayagha noko cha kireti.

MITALO 24:17

Nammbona, ela si idana; namzighana, ela ndeko kaavui; Mzuri uchafuma kwa Jakobo sa nyerinyeri, na uo ubonyagha nguma uchawuka andenyi ya Israeli; uchawikaba Wamoabu, na kuwinona-nona wana wose wa lung'eto.