ISAYA 16:10 - Biblia Ilagho Jiboie Kwa Wandu Wose

¹⁰ Ndekuwadie mndungi uko na kuja kuboilwa andenyi ya mbuwa redu rinorie, hata mndungi ndewuebora andenyi ya mbuwa ra mizabibu kwa kukaba lukilighili. Mndungi ndewuekama zabibu, kuboilwa kose koomerelwa.

ISAYA 16:10 ပူးပေါင်းရင်းမြစ်များ

AYUBU 24:11

Wakama zeituni wifunye mavuda, na zabibu wifunye divei, ela awo weni weeka kau.

ISAYA 24:11

Kililo chasikirika chienyi mbaa kwa wundu ghwa kusowa divei, kuboilwa kwawo kwavikia kutua kwaro, kuboilwa kose kwa ndoenyi kwasirie.

ISAYA 32:10

Kwa ngelo vui isevikagha mwaka mlazi, mchasughusika kwa wowa inyo waka mkunde kukuhoresha, kwa kukaia mizabibu yenyu ndeichaafunya mavalo hata ndemchaapata matunda ghangi gha zabibu.

JEREMIA 48:33

Maseko na maboilo ghamerie kuinjwa noko, kufuma kwa isanga ja mavalo ja Moabu, nabonyere divei ikasoweka kukamwa vidunyi, ndekuwadie mndungi wawuyakama zabibu kwa kuboilwa, chwaka rawuyasikirika si ra maboilo anduangi.

EZEKIELI 7:7

Wandu mkaiagha isangenyi, mwachelwa ni mashaka; ngelo yalighisa, eko kaavui; ni ituku ja ndoghoi iseko ya maboilo ghibonywagha aighu mighondinyi.

JOELI 1:12

Mizabibu na mizeituni enyaya; midi yose ya matunda enyaya na kuoma. Maboilo ghose gha wandu gheemeria kusia.

AMOSI 5:11

Mwawikorongie wakiwa kwa kuwisoka viro vawo. Kwa huwo ndemchaarikaia iro nyumba ra magho muriaghie, hata kunywa divei iboie ifumagha kwa iyo mizabibu iboie muiwae.

AMOSI 5:17

wandu wichakaia wikilila andenyi ya mbuwa rose ra mizabibu, kwa kukaia nichaida aghadi konyu ngimkaba;” waghamba BWANA.

AMOSI 9:13

BWANA waghamba, “Olenyi matuku ghiacha, mbeu ichabuka na kuzoghua naiseghe kuchumba seji idimagha kukuwidwa, na zabibu richawurwa shwa-shwa kuchumba seji divei idimagha kuboiswa. Mighondi ichafunya divei isingie, na mighondi mitini ichadika-dika divei.

ZEFANIA 1:13

Mali rawo richadwalwa wunyika; nyumba rawo richatoteshwa. Hata ngera wariagha, ndewichaarikaia, hata wikeduawa mizabibu, ndewichaanywa divei yaro anduangi.”

WATANYI 9:27

Wikafuma na kughenda cha mbuwenyi, wikawaya zabibu kufuma kwa mbuwa rawo ra mizabibu, wikarikama na kubonya karamu. Wikangia hekalunyi ya mlungu ghwawo, wikaja na kunywa na kumseka Abimeleki.