ISAYA 15:7 - Biblia Ilagho Jiboie Kwa Wandu Wose

⁷ Kwa huwo wandu waawuyaduka vilambo wivipatire, na ivo werewikieghe na kuruwuka navo Vololo ya midi ya mierezi.

ISAYA 15:7 ပူးပေါင်းရင်းမြစ်များ

ISAYA 10:14

Mbari rose ra ndoenyi redeeka sa kijungu cha nyonyi, nani nerewusireghe masanga ghose sa maghi ghileghelo; nerewusireghe mali ra ndoenyi kose, hata ndekuwadie ungi orenyavurieghe iwawa jake kunitangala, angu kunidedia hata ilagho jeni.”

ISAYA 10:6

Nadamduma kwa mbari ya wandu winileghie, awo winibonyere ngakaia na machu nawo; upate kuwidwa wunyika kuwisoka vilambo vawo, na kuwifasha-fasha sa mazozo chienyi.”

ISAYA 15:8

Kililo chaawuyasikirika kula andu isangenyi ja Moabu, na wandu wa Eglaimu na Beer-elimu wiadikwa ni mbori.

ISAYA 30:6

Agha ni malagho gha Mlungu aighu ya nyamandu ra Negebu. “Wandu widumilo waidia isanga ja ndengwa andu kuko na shimba ra waka na ra womi, na choka riko na wusungu, na iro riburukagha. Waduka mali rawo na punda, na misigo yawo ya zoghori kwa ngamila, kuwighenjera wandu wisedimagha kuwitesia na ilagho jingi.

ISAYA 5:29

Masikari ghawo ghiaruma sa shimba, wiaruma sa shimba ngoo; waruma na kuwada madiwo ghawo, waghiduka, na mndungi ndeuko otesia.

JEREMIA 48:36

“Kwa huwo ngolo yapo yawuyalilia Moabu sa kukaba msherembe, na ngolo yapo ialila karakara na msherembe kwa wundu ghwa wandu wa Kir-heresi, kwa kukaia mali rose wishamie ratota.

WALAWI 23:40

Ituku ijo ja imbiri kudo matunda ghiboie gha imbiri kufuma kwa midi yako, na mbashu ra mitende, na mbashu ra midi iko na malemba, na maria ghiko mbai mbai ya meda; nao kuboilo imbiri ya BWANA Mlungu wako kwa matuku mfungade.