ISAYA 15:2 - Biblia Ilagho Jiboie Kwa Wandu Wose

² Wandu wa muzi ghwa Diboni, wajoka cha mghondinyi andu witasiragha, wipate kulila; wandu wa Moabu wialilia Nebo na Medeba. Wamerie kuara vongo vawo na sombe rawo kwa wasi.

ISAYA 15:2 ပူးပေါင်းရင်းမြစ်များ

2 SAMUELI 10:4

Nao Hanuni ukawiwada wadumiki wa Daudi, ukawiara sombe nusu kula umu wawo, na kudumbua nguwo rawo nanyuma kufuma kondonyi hata kiwonunyi, ukawilekeria wighende noko.

1 MALAGHO GHA NGELO 19:4

Hanuni ukawiwada wadumiki wa Daudi, ukawiara, ukadumbua nguwo rawo ghadi na ghadi a viwonunyi, ukawisigha wighende chia rawo.

AYUBU 1:20

Ayubu ukawuka, ukarashua nguwo yake kwa wasi, ukaara iridia jake ukaghwa andonyi ukatasa.

ISAYA 14:31

Lilenyi na kukema mchungu mkilola wutesia inyo mizi ya Wafilisti; mngilo ni wowa inyo mmbose, kwa kukaia teri yawoneka cha kaskazinyi sa mosi, teri ya masikari ghichagha ghisena wowa.”

ISAYA 15:3

Warwa nguwo ra magunia na kuida achienyi wikilila kula umu wawo, na nyumbenyi na viwachenyi, wikidikwa ni mbori.

ISAYA 16:12

Wandu wa Moabu wiakusirisha ndighi weni wikijoka mghondinyi kulomba, aja andu kwawo kotasira; nawo ndewichaatesekia anduangi.

ISAYA 16:7

Wandu wa Moabu wichalila, kula umu wawo uchalilia isanga jake, kwa wundu ghwa wasi mungi ghosowa mikate ya reizini ya Kir-haresethi.

ISAYA 22:12

Ngelo iyo, Bwana MLUNGU wa majeshi orekoghe ukimmbanga mpate kulila na kukema, na kuara vongo venyu kwa wasi, mkirwa nguwo ra magunia.

ISAYA 3:24

Wulalo ghwa marumba mecha, kuchakaia kunuka kiwiwi; wulalo ghwa mshipi, kuchakaia kamba; wulalo ghwa iridia jilukilo nicha, kuchakaia kukangaluka; wulalo ghwa nguwo iboie, kuchakaia nguwo ra magunia; wulalo ghwa kughoka, kuchakaia kuzama.

JEREMIA 3:21

Lwaka lwasikirika aighu mghondinyi, kulila na kulalama kwa wandu wa Israeli, kwa kukaia wailaghashire chia yawo, na kumliwa BWANA Mlungu wawo.

JEREMIA 47:2

Ukaghamba, “Wonenyi machi ghawuyacha kufuma kaskazinyi; ghichacha kwa wungi sa moda m'baa; ghichafinikira isanga na kula kilambo chiko aho, iyo mizi na wandu wikaiagha andenyi yaro. Wandu wichalila nandighi, na kula mundu uko isangenyi uchalila na kukema mchungu.

JEREMIA 47:5

Wandu wa Gaza wichaara vongo kwa wasi, na wandu wa Ashkeloni wameria kutota. Ee masighariko gha wandu wa Filistia, mkudema-dema hata lii?

JEREMIA 48:1

BWANA wa majeshi, uo Mlungu wa Israeli waghamba huwu aighu ya Moabu, “Ni bugha kwa wandu wa Nebo, kwa kukaia muzi ghwawo ghwasighwa mduu. Kiriathaimu yasimwa na kuwadwa, iro ngome rawadwa rikachikanywa, na wandu wawo wafushwa waya.

JEREMIA 48:18

“Seenyi kufuma kwa wubaa ghonyu ee wandu mkaiagha Diboni; msee kidombo andoenyi terinyi! Kwa kukaia mnoni wa Moabu wameria kucha aighu yenyu, nao wameria kurichikanya ngome renyu.

JEREMIA 48:31

Kwa huwo naawuyalilia Moabu; naawuyawililia wandu wa Moabu wose, na wandu wa Kir-heresi.

JEREMIA 48:35

Nichamuinja mundu ofunya vizongona aho Moabu; uo ose ufunyagha vizongona mighondinyi andu kotasira, kuifukiria milungu yake marumba.

JEREMIA 49:3

Lilenyi ee wandu wa Heshboni, angu muzi ghwa Ai ghwasighwa mduu; ronyi nguwo ra magunia kwa wasi mkeme, ee wai wa Raba, lilenyi mkimbie na imbiri na nanyuma awurighenyi; kwa kukaia mlungu ghonyu Moleki ghuchabarishwa chiaimweri na wakohani na wabaa.

JEREMIA 7:29

“Lilenyi, muare maridia ghenyu, mghikumbe noko ee wandu wa Jerusalemu; kemenyi ngemi aighu mighondinyi, kwa kukaia ini BWANA nawileghie na kuwisigha wandu wiwusiragha machu ghapo.

EZEKIELI 27:31

waara vongo vawo kwa wundu ghwako, na kurwa nguwo ra magunia kwa wasi; nawo wakulilia kwa luwawo lwa rohonyi, wikiwawa nandighi.

EZEKIELI 30:2

“Mwana wa mdamu, funya wulodi kughambe, Ini Bwana MLUNGU naghamba huwu, Lila kughambe: Ni bugha kwa ijo ituku!

EZEKIELI 7:18

Wachulwa ni kiture, na kuwona waya; wakufunga weni nguwo ra magunia, na kuara vongo vawo kwa wasi.

WALAWI 13:40

“Mndungi ukakunuka iridia jake chongonyi, ni mwakangalu; ela uchakaia uelie.

WALAWI 21:5

“Mkohani ungi usedumbuo iridia jake, hata sombe rake, angu kukudema-dema mumbi ghwake kwa kuwonyera wei oko na wasi ghofuilwa.

AMOSI 8:10

Nicharighalua ndima renyu riwue kililo chefuilwa, na chumbo renyu riwue ra wasi; nicham'bonya muro nguwo ra magunia, na kuara vongo venyu. Ituku ijo nichajibonya jikaie sa ifwa jelilia mwana wa womi wa ititi, na kutua kwa ituku jaro kuchakaia kwa wasi m'baa.

MITALO 21:28

Angu modo ghwafumie Heshboni, lumu lwa modo lukafuma mzinyi kwa Sihoni. Ghorekorieghe Ari muzi ghwa Moabu, na awo wabaa wa ighu wa Arnoni.

MITALO 21:30

Kwa huwo kivalwa chawo chatoteshero, kufuma Heshboni hata Diboni; nesi damerie kuwisaghisa, na modo ghukaera kufuma Nofa hata Medeba.”

MITALO 32:3

“Isanga ja Atarothi, Diboni, Jazeri, Nimra, Heshboni, Eleale, Sebamu, Nebo, na Beoni,

MITALO 32:38

Nebo, Baal-meoni (marina gharo ghecheeghaluswa), na Sibma; na iyo mizi wereiaghieghe, wikaineka marina mazima.

WUKUMBUSO 14:1

“Inyo mo wandu wa BWANA Mlungu onyu; mkakalila ifwa, msekudeme angu kuara maridia ghenyu sa wandu wazima.

WUKUMBUSO 34:1

Niko Musa ukajoka Mghondi ghwa Nebo kufuma wurindi ghwa Moabu, hata mdonyi ghwa Mghondi ghwa Pisga, ghulangayagha mashariki ya Jeriko. BWANA ukammbonyera isanga jose; Gileadi hata Dani,