ISAYA 14:32 - Biblia Ilagho Jiboie Kwa Wandu Wose

³² Dichawitumbulia wada awo wadumwa wa iro mbari ra wandu? Dichawizera, “Mlungu wamerie kuimaziria Jerusalemu, na wandu wake witiririlo, wichakaia nicha andenyi yaro.”

ISAYA 14:32 ပူးပေါင်းရင်းမြစ်များ

2 SAMUELI 8:10

Toi ukamduma mwana wake Joramu kwa Mzuri Daudi, upate kumroghua na kumghata kwa wundu ghwa kulwa na Hadadezeri hata ukamsima, angu Hadadezeri orekoghe ukilwa na Toi shwa kwa shwa. Joramu ukamredia Daudi vilambo va feza, dhahabu na va shaba.

ZABURI 102:16

Kwa kukaia BWANA uchaiagha Sioni, nao uchawonyera wubaa ghwake.

ZABURI 102:28

Wana wedu wichadua banana, na kivalwa chawo chichadua banana aisi ya wulindiri ghwako.

ZABURI 48:4

Wazuri werekwanyikieghe chiaimweri, wikachanya wose.

ZABURI 87:1

BWANA waaghie muzi ghwake, aighu ya mghondi ghwa wueli.

ZABURI 87:5

Na kwa wundu ghwa Sioni ichaghoreka kukaia, iro mbari rose ni ra aeni aha, angu Uo-Uko-Aighu-Nandighi uchamangisha ugho muzi.

MAKATANISHO 18:10

Irina ja BWANA ni mnara ghumange; mhachi wadaghukimbiria na kukaia banana.

ISAYA 11:4

ela uchawitanya wakiwa kwa hachi, na kudumbua malagho gha wanyonge wa ndoenyi kara kara; uchaikaba ndoe kwa miruke ya momu ghwake, na kuwibwagha wawiwi kwa miruke ya memu yake.

ISAYA 12:6

Kemenyi na kubora kwa kuboilwa inyo wandu wose mkaiagha Sioni, kwa kukaia uo uko aghadi konyu ni m'baa, Mlungu Mweli wa Israeli.”

ISAYA 25:4

Oho korekoghe ngome imange kwa mkiwa, ngome imange kwa uo orekoghe wasinyi kwa kusowa; kituwiro kwa wundu ghwa kiremba, na kiju kwa wundu ghwa mruke; angu kukaba kwa mng'eti ni karakara na kiremba chikabagha wurigha,

ISAYA 28:16

Kwa huwo Bwana MLUNGU waghora huwu, “Olenyi nawika igho Sioni, kwa wundu ghwa msingi, ni igho ja mbembenyi jitimilo jiko ja zoghori mbaa kwa wundu ghwa msingi ghumange, jiandikilo, ‘Uo urumiriagha, ndechaafushwa waya anduangi.’

ISAYA 29:19

Wandu wikuserie wichapata maboilo kufuma kwa BWANA, na wakiwa wichamkasa Uo Mlungu wa Israeli kwa kuboilwa.

ISAYA 37:32

Huwo kuchakaia na masighariko gha wandu kufuma Jerusalemu, ee, kufuma Mghondi ghwa Sioni, kuchakaia na masighariko gha wandu. BWANA wa majeshi uchabonya huwo, kwa wundu ghwa iriso uko najo.

ISAYA 37:9

Malagho ghikawivikia Waashuru kukaia majeshi gha Misri ghawuyalongozwa ni Mzuri Tirhaka wa Ethiopia, ghawuyacha kulwa nawo. Mzuri uendasikira huwo, ukaduma barua kwa Mzuri Hezekia

ISAYA 39:1

Ngelo iyo, Merodaki-baladani mwana wa Baladani, mzuri wa Babuloni, oredumieghe wandu na barua, chiaimweri na manosi wirede kwa Hezekia; angu oresikireghe kukaia orekoghe mkongo, nao ukaboa.

ISAYA 4:6

Ugho wubaa ghuchakaia sa kiju nadime eri mruke ghusekaie, nagho ghuchalindia ugho muzi na kughufinikira ghusepato ni vua na kiremba.

ISAYA 44:28

Ni ini nimzeragha Koreshi, ‘Oho kuchabonya nguma kwa wundu ghwapo, na oho kuchakatisha makusudi ghapo;’ ngighuzera muzi ghwa Jerusalemu, ‘Kuchaaghwa; na misingi ya Hekalu ichaaghwa.’”

ISAYA 54:11

“Ee Jerusalemu, muzi kukorongelo na kukumbwa-kumbwa ni kiremba, kusewadie mndungi wa kukuhoresha, ola nichaiagha misingi yako kwa magho gha zoghori mbaa gha safire.

ISAYA 57:13

Iji kwakema kukilola wutesia, oke iyo milimu yako koreitumbanyireghe ndeikukirecho. Mbeo ya kiremba ichacha na kuidwa noko, ee, miruke tu ichaiinja noko. Ela uo uchaakusaghika nani, uchapata isanga na kughupata ifwa ugho Mghondi ghwapo ghwa wueli.”

EZEKIELI 48:35

Kipimo cheghumara muzi ghose chia rose inya ni meta elfu ikenda, na irina ja ugho muzi kufuma ngelo iyo, ni BWANA-Oko-Aha.”

ZEFANIA 3:12

Nichasigha wandu wikuserie na wa mboa aho, awo wilolagha wulindiri ghwapo.

ZEKARIA 11:11

Kwa huwo ijo ilaghano jikanonwa ijo ituku. Awo wereghuagha na kuuza ng'ondi werekoghe wikinizighanira, wikamanya angu BWANA orekoghe ukighora nani kwa agho nabonya.

ZEKARIA 11:7

Awo wandu wereghueghe na kuuza ng'ondi wikaniandika kazi; ngawuya mlisha wa ng'ondi riendaabwaghwa. Ngawada vangu viwi; chimu ngachiwanga “Mvono” na chimu ngachiwanga “Wumweri.” Ngalisha ng'ondi.

MATHAYO 16:18

Nani nakuzera, Oho ko Petro, na aighu ya igho iji, nichajiagha ikanisa japo, hata kifwa ndechichaadima kujisima anduangi.

WAEBRANIA 11:10

Angu Abrahamu orekoghe ukighuwesera muzi ghuko na misingi, ghuaghilo na kubonywa ni Mlungu.

WAEBRANIA 12:22

Ela inyo mwaghuvikia Mghondi ghwa Sioni, na muzi ghwa Mlungu uko moyo, Jerusalemu ghwa mlungunyi, na weke malaika wisetalikagha wakwanyika kwa kuboilwa;

JAKOBO 2:5

Sikirienyi wanidu nimkunde: Welee, Mlungu nderewisaghueghe awo wiko wakiwa wa wurumwengu wipate kukaia Wazuri wa irumirio, na wandu wepata ifwa ja Wuzuri, ugho Mlungu uwilaghirie awo wimkundagha anguwada?