ISAYA 14:2 - Biblia Ilagho Jiboie Kwa Wandu Wose

² Na wandu wa iro mbari wichawitesia wandu wa Israeli kuwuya isangenyi jawo, nawo wichakaia andenyi ya isanga werenekeloghe ni Mlungu. Waja wandu wichawuya wazumba wawo wa womi na wa waka; awo wandu weni werewidwaeghe wunyika, niwo weni sena wandu wa Israeli wichaawidwa wunyika na kuwibonyera nguma.

ISAYA 14:2 ပူးပေါင်းရင်းမြစ်များ

EZRA 2:65

wabonyi kazi wawo wa womi na wa waka werekoghe elfu mfungade, maghana adadu, na mirongo idadu na mfungade; wabori wa womi na wa waka werekoghe maghana awi.

ZABURI 68:18

Orejokieghe aighu, ukiwilongoza wafungwa; ukawusa manosi kufuma kwa wandu, hata kufuma kwa waleghi; eri BWANA Mlungu upate kukaia aho.

ISAYA 18:7

Ngelo iyo, awo wandu walacha widendere wichareda manosi kwa BWANA wa majeshi; awo wandu wiobolwagha kula na kaavui; iyo mbari ya wandu wiwadie ndighi, isimagha, na isanga jake jiwaghilo ni meda, wichamredia manosi Mghondinyi ghwa Sioni, andu irina ja BWANA wa majeshi jitaswagha.

ISAYA 31:8

Ashuru ichanonwa kwa lufu luseko lwa kidamu, ee, uchamerelwa ni lufu luseko lwa kidamu; Waashuru wichakimbia kufuma wudenyi, na wana wawo wichadumikishwa kwa ndighi.

ISAYA 45:14

BWANA waghamba huwu kwa Israeli, “Nichakuneka mali ra Misri, na biashara ra Ethiopia richawuya rako. Waja wandu walacha wa Seba wichakuchea, nawo wichawuya wazumba wako; wichakuchea wifungilo na minyororo, nawo wichakughoghomia. Wichakulalamia wikighamba, ‘Ni oho kuekeri kuko na Mlungu, hata ndekuwadie Mlungu ungi mzima kuchumba uo.’”

ISAYA 49:22

BWANA Mlungu waghora huwu: “Olenyi nichawiwusiria wandu wa iro mbari mkonu ghwapo, nipate kuwikunyiria na kiweto; nawo wichakuwunjira wana wako wa womi wikiwiduka laghenyi kwawo, na wana wako wa waka wikiwiduka maongenyi kwawo.

ISAYA 49:23

Kuchachelwa ni wazuri sa weke ndeyo, na waka wawo wichakaia sa weke mayo. Wichakughoghomia na kudunga mawushu ghawo andonyi, nawo wichaleta teri ya maghunyi kwako. Niko aho oho kuchamanya angu ne BWANA, na kukaia, awo winiweseriagha niwitesie, ndewichaafushwa waya anduangi.”

ISAYA 49:25

Hee loli, waghamba BWANA, “Wandu widwalo wunyika wa mundu uwadie ndighi, hata wafungwa wa mng'eti wichakombolwa. Kwa kukaia nichalwa na awo wilwagha na oho, nani nichawikira wana wako.

ISAYA 54:3

Angu kuchashabuka nandighi, chia ya mkonu ghwa kiwomi na ghwa kiwaka. Kivalwa chako chichawada isanga jawo jerekailoghe ni iro mbari ra wandu, na mizi yaro ichachua wandu.

ISAYA 60:14

Wana wa womi wa awo wandu werekukorongieghe, wichacha na kukughoghomia; na wose werekumenyereghe, wichakughoghomia hata maghunyi kwako; wichakuwanga, ‘Muzi ghwa BWANA, Jerusalemu muzi ghwa Mlungu Mweli wa Israeli.’

ISAYA 60:4

Wusira meso ghako kuzighane chia rose kuwone; wandu wako wose wakwanyika chiaimweri waawuyakuchea; wana wako wa womi wichacha kufuma kula, na wana wako wa waka wichadukwa mikonunyi.

ISAYA 61:5

Waghenyi wichamlishira mfugho renyu, wichamlimia mbuwa renyu ra mizabibu.

ISAYA 66:12

BWANA waghora huwu, “Olenyi nichachuria mecha ghake sa moda, na mali ra iro mbari ra wandu richakuchea sa moda ghwa machi mengi, nenyo mchaonga sa mwana wawadilwa ukishishilwa a mangonyi ni mae.

JEREMIA 30:16

Kwa huwo awo wimmilie wichamilwa, na wamaiza awo wose wichadwalwa wunyika awo wimkorongagha wichakorongwa, na awo wimmbingagha wichawingwa.

JEREMIA 49:2

Olenyi matuku ghichacha, nani nichabonya kililo cha wandu chisikirike muzi ghwa Raba ghuko kwa Waamoni, nagho ghuchasighwa mduu, na mizi yaro mitini ichakorwa; niko aho Israeli ichawunja isanga jake, waghamba BWANA.

EZEKIELI 39:10

hata ndewichaafuma kwendashoa mbande mlambenyi, angu kudema mudi ghungi msidunyi; wichawisoka awo werewisokieghe, ini Bwana MLUNGU naghamba.”

DANIELI 7:18

Ela waeli wa Uo-Uko-Aighu-Nandighi wichapata ugho wuzuri, na kukaia nagho kwa kala na kala.’

JOELI 3:8

Nichawiuza wana wenyu wa womi na wa waka kwa wandu wa Juda, nawo wichawiuza kula kwa wandu wa Sheba; ini BWANA naghamba.

WALAWI 25:44

Iji kukunde wazumba, wa womi angu wa waka, kwadima kuwighua kwa mbari zima riko kaavui na oho.

OBADIA 1:17

“Ela kuchakaia na wandu wifufunukagha aighu ya Mghondi ghwa Sioni, na aho kuchakaia andu kwa wueli. Wandu wa Jakobo wichawusa isanga jiko mali yawo cheni.

ZEKARIA 2:13

Wandu wose ndewikaie kima imbiri ya BWANA, kwa kukaia waawuyacha kufuma andu kwake kwa wueli.

ZEKARIA 2:9

BWANA moni uchalwa nenyo, nenyo mchasokwa vilambo ni awo morewibonyereghe wadumiki wenyu.” Niko mchaamanya kukaia BWANA Uwadie-Ndighi-Rose wanidumie.

LUKA 12:45

Ela uja mdumiki ukaghamba moni ngolonyi kwake, Bwana wapo waamuka, nao uzoye kuwikaba wadumiki wambao wa waka na wa womi, na kuja na kunywa na kuwongia,

WAROMA 15:27

Werefunyireghe kwa kuboilwa, ela kwa loli erewifwanieghe wibonye huwo; angu ngera wandu wa mbari zima wawaghane na waeli marasimio gha kiroho, yawifwana wandu wa mbari zima nawo weni wiwidumikie waeli kwa marasimio gha kimumbi.

2 WAKORINTHO 10:5

Isi davuchua kula kindo chikujosagha cheni na kubonya nganyi aighu ya kumanya kwa Mlungu, na kujidwa wunyika kula ighesho, jipate kumsikira Kristo.

WAGALATIA 5:13

Angu inyo wanidu morewangiloghe mkaie huru, manyenyi mseghutumie wuhuru ghonyu kwa maza ra mumbi; ela mdumikiane mmbeni na mmbeni kwa lukundo.

WAEFESO 4:8

Kwa huwu Maandiko Ghielie ghaghamba, “Iji orejokieghe ighu na ndighi, orewadieghe wafungwa, na kuwineka wadamu manosi.”

WUFUNUO 3:9

Ola awo wandu wa sunagogi ya Shetani, wikuwangagha weni Wayahudi nawo wiseko Wayahudi wangi, ela wiakalia, nichawibonya wiche na kughoghoma andonyi maghunyi kwako, wipate kumanya angu ini nakukunde.