ISAYA 14:12 - Biblia Ilagho Jiboie Kwa Wandu Wose

¹² “Kwaserwa wada kufuma mlungunyi ee mzuri wa Babuloni? Oho korekoghe sa nyerinyeri ya luma lwa nakesho! Kwaserwa wada hata andoenyi? Oho korekoghe kwarisima mbari rose!

ISAYA 14:12 ပူးပေါင်းရင်းမြစ်များ

ISAYA 13:10

Nyerinyeri rose ra mlungunyi nderichaafunya miengere, na iruwa jichasera kira jikibuka, hata mori ndeghuchaafunya miengere yaro anduangi.

ISAYA 34:4

Majeshi ghose gha mlungunyi ghichasagha, na mawingunyi kuchakuchwa sa karatasi. Majeshi gharo ghose ghichapotoka sa malemba gha mizabibu na gha mtini.

JEREMIA 50:23

Yakaia wada Babuloni iyo erekabieghe ndoenyi kose na kubara na nyondo, kughushwa andoenyi na kubarwa huwo? Yakaia wada iwuye kilambo cheshinikilwa aghadi ya iro mbari ra wandu!

JEREMIA 51:53

Hata ngera Babuloni wakujosa hata mlungunyi, na kuagha ngome rake rimange koighu, ela sena nichamdumia wandu wemtotesha, ini BWANA naghamba.”

KILILO CHA JEREMIA 2:1

BWANA waiwikie Jerusalemu kirenyi kwa wundu ghwa machu ghake. Wakunonie kughoka kwake kwa wubaa kukanoneka putu. Ituku ujokelo ni machu ndecheekumbuka hata Hekalu yake.

EZEKIELI 26:17

Nawo wichakulilia wikighamba, ‘Kwasowekie wada oho muzi kukumikie, korekailoghe ni wandu wa baharinyi, oho chiaimweri na wandu wako, koreoboshereghe wandu andu kose isangenyi.

OBADIA 1:4

Hata ngera kwabonyere muzi ghwako ghukakaia ighu sa kijungi cha indu, hata ghuwonekeghe seji ghooka nyerinyerinyi, ela nichakupotua andonyi.

LUKA 10:18

Nao ukawizera, “Neremmbonieghe Shetani ukipotoka sa luhehia kufuma mlungunyi.

2 PETRO 1:19

Na ijo ilagho ja wulodi, jikachuria kuwoneka kukaia ja loli kuchumba. Nenyo mchabonya nicha mkajizighana, seji mzighanagha taa ikiaka andu kwa kira; hata jija Ituku jiche, na nyerinyeri ya luma lwa nakesho ibuke ngolonyi konyu.

2 PETRO 2:4

Mlungu nderewilekieghe awo weke malaika werebonyereghe kaung'a, ela orewikumbieghe jehanamunyi, na kuwingira andenyi ya vina viko ndenyi va kira; andu wawuyawikwa hata Ituku ja Kutanywa.

WUFUNUO 2:28

nani nichamneka ija nyerinyeri ya luma lwa nakesho.

WUFUNUO 22:16

“Ini Jesu namduma malaika wapo ughighorie makanisa maza iri. Ini ne wa kivalwa cha Daudi; iyo nyerinyeri ing'alaa-ng'ala ya luma lwa nakesho.”

WUFUNUO 8:10

Uo malaika wa kadadu ukaikaba tarumbeta yake, nyerinyeri mbaa nandighi ikapotoka kufuma mlungunyi ikiaka sa kilaya cha modo, ikapotokia ifungu ja kadadu ja meda, na ndoria ra machi.

WUFUNUO 9:1

Niko uo malaika wa kasanu ukaikaba tarumbeta yake, nani ngawona nyerinyeri yapotoka kufuma mlungunyi, nayo erenekeloghe mfunguo ghwa kina cha abuso.