ISAYA 14:1 - Biblia Ilagho Jiboie Kwa Wandu Wose

¹ BWANA uchakaia na wughoma kwa wandu wa Israeli, na kuwisaghua sena; nao uchawiwunja isangenyi jawo jeni, na waghenyi wichacha kukaianya nawo.

ISAYA 14:1 ပူးပေါင်းရင်းမြစ်များ

ESTA 8:17

Andu kose itangazo ja mzuri jerevikieghe kula isanga na kula muzi werechuloghe ni kuboilwa na kuzuma, wikabonya karamu na kuhora. Hata wandu wengi wikakughalua kukaia Wayahudi, angu werewiobueghe loli-loli.

ZABURI 102:13

Kuchawuka na kuwonia Sioni wughoma; ngelo yake efuilwa wughoma yameria kuvika ngelo yaro ni icheni ihi.

ZABURI 102:14

Wadumiki wako waikunde Sioni, hata ngera yanonelo; waiwonia wughoma; hata ngera yawurie kitungasi.

ZABURI 143:12

Kuwibwaghe wamaiza wapo, kwa wundu ghwa lukundo lwako lukatie; kuwitoteshe wakorongi wapo, angu ne mdumiki wako.

ZABURI 98:3

Wakumbuka lukundo lwake lukatie na wuloli ghwake kwa wandu wa Israeli. Wandu wose kula andu wawonie wusimi ghwa Mlungu odu.

ISAYA 19:18

Ngelo iyo ikavika, kuchakaia na mizi misanu andenyi ya isanga ja Misri idedagha Kikanaani. Wichabonya ighemi kukaia waloli kwa BWANA wa majeshi. Muzi ghumu ghwa iyo ghuchawangwa Muzi ghwa Iruwa.

ISAYA 21:1

Agha ni malagho aighu ya kireti cha baharinyi. Wuwiwi ghuchacha karakara na kiremba kibaa chiwetagha Negebu.

ISAYA 27:6

Matuku ghichagha, kivalwa cha Jakobo chichamanga, wandu wa Israeli wichawona nicha na kubara mbashu, hata wurumwengu ghose ghuchulo ni matunda ghake.

ISAYA 41:8

“Ela inyo wandu wa Israeli mo wadumiki wapo kivalwa cha Jakobo neremsaghueghe, kivalwa cha Abrahamu mghenyi wapo.

ISAYA 41:9

Neremdwaeghe kufuma kutua kwa ndoenyi, ngammbanga kufuma kula ngimzera, ‘Inyo mo mdumiki wapo, neremsaghueghe hata seremleghieghe anduangi.’

ISAYA 44:1

BWANA waghamba, “Idana sikirenyi ee wana wa Jakobo mdumiki wapo, sikira oho Israeli nerekusaghueghe.

ISAYA 45:14

BWANA waghamba huwu kwa Israeli, “Nichakuneka mali ra Misri, na biashara ra Ethiopia richawuya rako. Waja wandu walacha wa Seba wichakuchea, nawo wichawuya wazumba wako; wichakuchea wifungilo na minyororo, nawo wichakughoghomia. Wichakulalamia wikighamba, ‘Ni oho kuekeri kuko na Mlungu, hata ndekuwadie Mlungu ungi mzima kuchumba uo.’”

ISAYA 47:1

BWANA waghamba, “Sea, kusee kidombo a terinyi ee muzi ghwa Babuloni; seria andonyi kuseko na kifumbi cha nguma, ee muzi ghwa Wakaldayo! Kwa kukaia ndekuchaawangwa sena, ughokie, ufwano.

ISAYA 49:10

ndewichaawona njala hata kau, hata ndewichakabwa ni iruwa, angu kuwona mruke ghungi; angu uo uwiwoniagha wughoma, uchawilongoza na kuwighenja kwa ndoria ra machi.

ISAYA 49:13

Borenyi kwa kuboilwa inyo mlungunyi, na inyo ndoenyi mkabe lukilighili, mighondi ndeibore, kwa kukaia BWANA wawihoresha wandu wake wikorongelo, nao uchakaia na wughoma aighu kwawo.

ISAYA 49:15

“Welee, muka wadima kumliwa mwana wake wa nyodonyi, hata usemmbonie wughoma mwana wa kifu chake? Awo wadima kuliwa, ela ini sichaakuliwa jingi.

ISAYA 49:25

Hee loli, waghamba BWANA, “Wandu widwalo wunyika wa mundu uwadie ndighi, hata wafungwa wa mng'eti wichakombolwa. Kwa kukaia nichalwa na awo wilwagha na oho, nani nichawikira wana wako.

ISAYA 49:7

BWANA, uo Mkomboli na Mlungu Mweli wa Israeli wamzera huwu uo umenyekie na ndighi, uleghelo ni iro mbari ra wandu: nao ni mdumiki wa awo wibonyagha nguma. “Wazuri wichawona na kukuwukia kimusi, wabaa wichakughoghomia kwa ishima, kwa wundu ghwa BWANA, uo uko mloli na Mlungu Mweli wa Israeli orekusaghueghe oho.”

ISAYA 54:3

Angu kuchashabuka nandighi, chia ya mkonu ghwa kiwomi na ghwa kiwaka. Kivalwa chako chichawada isanga jawo jerekailoghe ni iro mbari ra wandu, na mizi yaro ichachua wandu.

ISAYA 55:7

uo mundu mmbiwi ndeisighe chia yake, na uo useko na hachi usighe maghesho ghake; ndemghalukie BWANA upate kufuilwa wughoma putu. Ndeghaluke cha kwa Mlungu odu, nao uchamfuya wughoma putu.

ISAYA 56:3

Mghenyi wakufunya kuwadana na BWANA useghambe, “Kwa loli BWANA uchanitanya na wandu wake” hata kolowi useghambe, “Ola ini ne mudi ghuomie, sidimagha kuva;”

ISAYA 60:10

BWANA waghuzera muzi ghwa Jerusalemu huwu, “Waghenyi wichaagha sena mawurigha ghako, na wazuri wawo wichakudumikia; angu nerekukabieghe kwa machu ghapo, ela kwa kukunda kwapo koni, nerekufueghe wughoma.

ISAYA 60:14

Wana wa womi wa awo wandu werekukorongieghe, wichacha na kukughoghomia; na wose werekumenyereghe, wichakughoghomia hata maghunyi kwako; wichakuwanga, ‘Muzi ghwa BWANA, Jerusalemu muzi ghwa Mlungu Mweli wa Israeli.’

ISAYA 66:20

Nawo wichawireda waruna wose kufuma kwa iro mbari ra wandu sa ifunyo kwa BWANA. Wichawireda aighu ya farasi, na aighu ya magare, na aighu ya machera, na aighu ya nyumbu, na aighu ya ngamila na kuwivikisha mghondi ghwapo ghwa wueli ghwa Jerusalemu, ee sa iji koni Waisraeli wiredagha mafunyo ghawo gha viro andenyi ya vombo vielie nyumbenyi kwa BWANA.

JEREMIA 16:15

ela wichaghamba, ‘Sa iji BWANA uko moyo, uo orewifunyireghe wandu wa Israeli isanga ja kaskazinyi, na masanga ghose agho orewiwingieghe.’ Kwa kukaia nichawiwunja isangenyi jawo jeni, ijo nerewinekieghe weke ndee.

JEREMIA 29:14

Mchaniwona, nani nichammbunja isangenyi konyu; nichamkwanya kufuma kwa mbari rose ra wandu, na andu kose neremmbingieghe; nani nichamreda kufuma kwa jija isanga moredwaloghe wunyika na kummbunja aha.’

JEREMIA 30:8

BWANA wa majeshi waghamba, “Ituku ijo nicharichikanya ghongolo rifume singonyi kwawo, na vilingo wifungilo navo; waghenyi ndewichaawibonya wikaie wadumiki wawo sena anduangi.

JEREMIA 31:4

Nichamuagha sena, na inyo mchaaghika ee wandu wa Israeli; mchawada mayanga ghenyu, na kuvina kwa kuboilwa.

JEREMIA 50:33

BWANA wa majeshi waghamba huwu, “Wandu wa Israeli na wandu wa Juda wakorongelo, wandu werewidwaeghe wunyika wawiwadie na kuwimaziria, wisekunde kuwilekeria wighende.

JEREMIA 51:51

Nenyo mwaghamba, ‘Isi daawuyafushwa waya, angu dimenyero na kufushwa waya; kwa kukaia wandu wa kighenyi wachee, na kungia andenyi ya andu kwa wueli, andenyi ya Hekalu.’

EZEKIELI 16:60

elaima nichajikumbuka ilaghano japo nerejibonyereghe na oho ngelo ya wanake ghwako; nani nichajimangisha jiwuye ilaghano ja kala na kala.

EZEKIELI 47:22

Mchajiwagha kwa kura jikaie ifwa jenyu na kwa waghenyi wichaakaia aghadi konyu, na kuva wana aghadi konyu. Wichakaia waisanga wenyu wivalo andenyi ya Israeli, nawo wichawaghilwa ifwa kwa kura aghadi ya vichuku va Israeli.

ZEKARIA 1:17

Nao uo malaika ukanizera nighambe kukaia BWANA Uwadie-Ndighi-Rose waghamba, “Mizi yapo ichakaia nicha sena, na ini BWANA nichaghuhoresha Sioni na kughusaghua Jerusalemu sena ghukaie ghwapo.”

MALAKI 1:11

Wandu kufuma wurumwengu ghwa ii chia, hata kutua kwa wurumwengu ija chia wanineka ishima. Waawuyafunya na kukora vizongona virumirikiagha kwapo, kwa kukaia wawuyanitala.

LUKA 1:54

Wamtesia Israeli mdumiki wake, kwa kukumbuka wughoma ghwake.

LUKA 2:32

Mwengere ghowilangalishira wandu wa mbari zima, na kwa wundu ghwa wubaa ghwa wandu wako Israeli.”