ISAYA 13:8 - Biblia Ilagho Jiboie Kwa Wandu Wose

⁸ nawo wichafwa ngolo. Wandu wose wichangilwa ni wowa na kuwawa karakara na muka wawuyakufungua. Wichazighanana weni na weni kwa wowa, wilushire mawushu.

ISAYA 13:8 ပူးပေါင်းရင်းမြစ်များ

2 WAZURI 19:26

ingelo wandu waro weresiriloghe ni ndighi wasilwa putu na kufwa ngolo, wakaia sa miwalwa iko mbuwenyi, sa mghina na sa nyasi ribukie aighu nyumbenyi, na kuomerwa imbiri risezoghue?

ZABURI 48:7

Kukawitotesha sa meli ra Tarshishi, ritoteshwagha ni mbeo enona ya mashariki.

ISAYA 26:17

Derekoghe karakara na muka uko na kifu, ukumbagha lufu ngelo yake yavika; huwo niko derekoghe kwa wundu ghwako ee BWANA.

JEREMIA 13:21

Kuchaghora wada kukawiwona waghenyi wako korewifundishireghe wikikaia wabaa aighu yako? Welee, ndekuchaawawa karakara na muka ukumbagha lufu anguwada?

JEREMIA 30:6

Kotia idana kuwone welee, mndwawomi wadima kuva mwana? Kwaki sena nawuyawona kula mndwawomi wawika mkonu ghwake kifunyi sa muka ukumbagha lufu lova? Kwaki mawushu ghafuwia huwu?

JEREMIA 4:31

Kwa kukaia namerie kusikira kililo, sa cha muka ukumbagha lufu; luwawo sa lwa muka uvagha mwana wake wa imbiri; Ni lwaka lwa Jerusalemu, ukumbagha miruke na kukumba mikonu yake nokoighu ukighamba, “Ni bugha kwapo, naawuyadumbuka imbiri ya wabwaghi.”

JEREMIA 46:5

“Niki nawuyachiwona?” waghamba BWANA, “Wafwa ngolo na kuwuya nyuma. Masikari ghawo ghakabwa ghikakimbia naiseghe; ndewiwuezighana nanyuma, wachulwa ni wowa kwa kula chia.

JEREMIA 48:41

mizi ichawuswa, na ngome richawadwa. Ngolo ra mang'oni gha Moabu ituku ijo richawuya sa ngolo ya muka ukumbagha lufu lova.

JEREMIA 49:22

Olenyi mbari imu ichajoka shwa iangue sa indu, na kughorua mawawa ghake aighu ya Bozra, ipate kuikaba; na ngolo ra mang'oni gha Edomu ituku ijo, richatika-tika sa muka ukumbagha lufu kwa kuva.”

JEREMIA 49:24

Wandu wa Dameshki wakaia wanyonge, waghaluka na kukimbia, wawadwa ni kiwogho-wogho, kuwawa na wasi kwawichea sa kwa muka ukumbagha lufu kwa kuva.

JEREMIA 50:43

“Mzuri wa Babuloni wasikire malagho gharo mikonu yake ikateweleka; ukangilwa ni luwawo, sa lwa muka ukumbagha lufu lwa kuva.

JEREMIA 51:30

Masikari gha Babuloni ghiko mang'oni ghameria kuleka wuda, nawo wasigharika andenyi ya ngome rawo; ndighi rawo ramerie kusia, wikawuya sa waka; malalo ghake ghekaia ghameria kukorwa, na vuma vawo verugha vameria kuchikanywa.

EZEKIELI 20:47

Ghuzere msidu ghwa Negebu huwu: Sikira ilagho ja BWANA, Bwana MLUNGU waghamba huwu: Ola nichakora modo kwako, nagho ghuchakora midi mmbishi na midi ya kala iko kwako. Lumu lwaro ndeluchaarima, na mawushu gha wandu wose kufuma kusinyi hata kaskazinyi ghichasikira luvia lwaro.

HOSEA 13:13

Israeli ooka sa mwana mkelu uleghagha kufuma ingelo mae wakakumba lufu lova.

JOELI 2:6

Kucha kwawo kuaobosha wandu; mawushu ghose ghaawuya gha mshashu-mshashu.

NAHUMU 2:10

Nineve yatoteshwa, yakimbilwa na kusighwa nduu; Wandu wafwa ngolo kwa wowa, vitemberu vawo viasughusika na ndighi rawo rasia, na mawushu ghaghaluka gha mshashu.

JOHANE 16:21

Iji muka wakakufungua, wadakaia na wasi angu ngelo yake ekumba lufu yameria kuvika; ela iji mwana wameria kuvalwa wadaliwa luja luwawo lose kwa kuboilwa, angu mundu wavalwa wurumwengunyi.

1 WATHESALONIKE 5:3

Iji wandu wakaghora, “Ni sere na banana” niko kutota kuchaawichea shwa wori; seji koni muka uko na kifu uchelwagha ni kulumwa ngelo ya kuva, hata ndewichaafufunuka anduangi.