ISAYA 13:6 - Biblia Ilagho Jiboie Kwa Wandu Wose

⁶ Lilenyi, angu ituku ja BWANA jeko kaavui, ijo ituku BWANA Uwadie Ndighi Rose uchaatotesha.

ISAYA 13:6 ပူးပေါင်းရင်းမြစ်များ

AYUBU 31:23

Kwa kukaia nerekoghe ngiobua ikabo ja Mlungu, seredimagha kubonya huwo anduangi.

ISAYA 10:25

Angu andenyi ya ngelo ndinieri, machu ghapo ghichasia, nani nichawighalukia Waashuru kwa machu ghapo nipate kuwitotesha.

ISAYA 10:3

Da mchabonya wada ngelo BWANA uchaamkaba? M'bonya wada ngelo uchaamredia mawiwi kufuma kula? Mumkimbiria ani umneke wutesia, na ni hao mchaasigha mali renyu?

ISAYA 13:9

Ola ituku ja BWANA jaawuyacha, ijo ituku jizamie ja machu ghake ghibirie, upate kuibonya ndoe isigho nduu, na kuwitotesha awo wakaung'a wiko andenyi yaro.

ISAYA 14:23

Nichaghubonya ugho muzi ghuwuye malalo gha kiseseghede na kubuka vichi; nani nichaguinja kwa mfwagio ghototesha; ini BWANA wa majeshi naghamba.”

ISAYA 14:31

Lilenyi na kukema mchungu mkilola wutesia inyo mizi ya Wafilisti; mngilo ni wowa inyo mmbose, kwa kukaia teri yawoneka cha kaskazinyi sa mosi, teri ya masikari ghichagha ghisena wowa.”

ISAYA 2:12

Kwa kukaia BWANA wa majeshi oko na ituku jesera icho chose chikudukie na kukujosa, icho chose chikujosere ighu;

ISAYA 23:1

Agha ni malagho aighu ya Tiro. Lilenyi inyo mabaharia wa Tarshishi, kwa kukaia muzi ghonyu ghwa Tiro ghwanonwa, hata ndekuwadie nyumba ingi angu bandari, rose ranonwa putu. Mchasikira maza iri kufuma Kupro.

ISAYA 34:2

BWANA wabonya machu aighu ya mbari rose ra wandu na aighu ya majeshi ghawo ghose; nao wawitanyire wipate kubwaghwa.

ISAYA 34:8

Kwa kukaia BWANA wawikie ituku na mwaka gholipia kisasi, kwa wundu ghwa wandu wake wikaiagha Jerusalemu.

ISAYA 47:11

Ela wuwiwi ghuchakuchea aighu kwako, kusechaadima kughughiria. Kutota kuchakuchea, kusechaadima kukukombua. Kunoneka kuchakuchea aighu yako shwa wori kusemanyire.

ISAYA 52:5

Idana nibonyaki aha, ikakaia wandu wapo wadwalwa wunyika cha Babuloni duu? Awo widuewibonyera nguma waawuyalila, na matuku ghose irina japo jaawuyasholelwa.

ISAYA 61:2

Wanidumie kueresha mwaka ghorumirilwa ni BWANA, na ituku ja Mlungu jeluya lugho, upate kuwihoresha awo wose wiko na wasi,

ISAYA 63:4

Kwa kukaia ituku ja kuluya lugho jerekoghe ngolonyi kwapo, na mwaka ghwa kuwikombua wandu wapo ghwameria kuvika.

ISAYA 65:14

Wadumiki wapo wichabora wikiboilwa ngolonyi, ela inyo mchakema mkiwawa ngolonyi; nenyo mchalila mkikaia na luwawo lubaa rohonyi.

JEREMIA 25:34

“Inyo vilongozi, walisha wa wandu wapo, kemenyi kwa lwaka. Lilenyi na kukung'arisha terinyi; ngelo yameria kuvika mpate kubwaghwa, nenyo mchabarwa sa chombo chighokie.

JEREMIA 49:3

Lilenyi ee wandu wa Heshboni, angu muzi ghwa Ai ghwasighwa mduu; ronyi nguwo ra magunia kwa wasi mkeme, ee wai wa Raba, lilenyi mkimbie na imbiri na nanyuma awurighenyi; kwa kukaia mlungu ghonyu Moleki ghuchabarishwa chiaimweri na wakohani na wabaa.

JEREMIA 51:8

Babuloni yaghwa shwa-shwa ikabarika; ililienyi! Wadenyi mavuda gha zeri kwa wundu ghwa luwawo lwake, kewada yadima kuboa.

EZEKIELI 13:5

Ndem'wuelindia andu kunonelo, hata ndemuaghie wurigha kwa wundu ghwa wandu wa Israeli, wipate kumanga wudenyi ngelo ya ituku ja BWANA.

EZEKIELI 21:12

Kema kudiko ni mbori ee mwana wa mdamu; kwa kukaia ulo lufu ni aighu ya wandu wapo, na aighu ya wabaa wa Israeli; wamerie kufunywa chiaimweri na wandu wapo wibwagho kwa lufu. Kwa huwo kukukabe-kabe bara.

DANIELI 5:26

Kutambua kwaro ni uku: MENE: Kutambua kwaro Mlungu wameria kutala matuku gha wuzuri ghwako na kughimeria;

DANIELI 5:9

Nao mzuri Belshazari ukasumbuka nandighi, na fwana yake ikaghaluka, hata wabaa wake wa isanga wikasowa jebonya.

JOELI 1:11

Fonyi waya inyo walimi, kemenyi inyo mlimagha mbuwa ra mizabibu; kwa kukaia ngano na shairi, na miwalwa yose yameria kunonwa.

JOELI 1:13

Ronyi nguwo ra magunia mlile ee Wakohani; inyo mdumikagha madhabahunyi, lilenyi ahoeni. Choonyi mlale mrwae nguwo ra magunia inyo mdumikagha imbiri ya Mlungu wapo! Kwa kukaia mafunyo gha viro na gha kunywa, ghasoweka Hekalunyi kwa Mlungu onyu.

JOELI 1:15

Ituku ja BWANA jameria kuvika! Ituku BWANA wawuyareda kunoneka. Uo-Uwadie-Ndighi-Rose uchareda kunoneka koobosha ituku ijo.

JOELI 1:5

Wukenyi mlile inyo wawongeri; kemenyi inyo mnywagha divei; zabibu reboisa divei mbishi ranonwa putu.

JOELI 2:1

Kabenyi tarumbeta; kabenyi nguli Sioni, ugho mghondi ghwa wueli ghwa Mlungu. Wandu wa Juda ndewisughusike, kwa kukaia ituku ja BWANA jeko kaavui kucha.

JOELI 2:11

BWANA wajifunyira momu ijeshi jake, najo ijeshi ja wandu wake wengi wiwadie ndighi jakatisha malaghiro ghake. Ituku ja BWANA ni ibaa jeobosha; nani udimagha kujirumaghia?

JOELI 2:31

Iruwa jichasera kira, na mori ghuchawuya ghwa ngundu sa bagha, imbiri ijo ituku ibaa ja BWANA jeobosha jisechee.

AMOSI 5:18

Ni bugha kwa awo wiweseragha ijo ituku ja BWANA! Kwaki mkunde kujiwona ituku ja BWANA! Ni ituku ja kira jisewadie mwengere;

ZEFANIA 1:14

Ijo ituku ibaa ja BWANA jameria kuvika; jaawuyacha naiseghe jikishashira; kusikirika kwa ijo ituku ja BWANA kwabirie; kwa kukaia hata ing'oni ja asikari m'baa jichafwa ngolo na kulila.

ZEFANIA 1:7

Ituku ja BWANA jetanya jameria kuvika. Kwa huwo nyamenyi kima. BWANA waboisire kizongona, na kuwiwika waghenyi wake tayari.

ZEKARIA 14:1

Ituku ja BWANA jetanya jakaia kaavui. Vilambo vichawadwa Jerusalemu na kuwaghwa mkiwona.

MALAKI 4:5

“Olenyi nichamduma mlodi Elija imbiri ijo ituku ibaa ja BWANA jeobosha jisechee.

JAKOBO 5:1

Idana inyo wazuri wa mali, lilenyi na kukema mchungu kwa wundu ghwa bugha rimcheagha.

WUFUNUO 18:10

nawo wichakaia kimusi kokula, wikiobua agho matiriro ghake na kughamba, “Weei! wee ngai muzi m'baa! Oho muzi m'baa Babuloni! Kutanywa kwako kwaacha kwa saa imweri woruwu.”