ISAYA 13:22 - Biblia Ilagho Jiboie Kwa Wandu Wose

²² Mbisi richaruma aighu ya minara yawo, na mizozo ichakema andenyi ya ngome rawo righokie, kwa kukaia ngelo ya Babuloni yameria kuvika isedimagha kusoghorwa.”

ISAYA 13:22 ပူးပေါင်းရင်းမြစ်များ

ZABURI 44:19

Ela sena kwadisighanye na nyamandu ra isakenyi, kukadisigha andenyi ya kira kibaa.

ISAYA 14:23

Nichaghubonya ugho muzi ghuwuye malalo gha kiseseghede na kubuka vichi; nani nichaguinja kwa mfwagio ghototesha; ini BWANA wa majeshi naghamba.”

ISAYA 25:2

Kwaghubonyere muzi kuwuya kitungasi, na kurinona iro ngome; ngome ya waghenyi ndeiduagha sena, ndeichaaghwa sena anduangi.

ISAYA 32:14

Kwa kukaia ngome ya mzuri ichasighwa, na wandu werechueghe ugho muzi kukimbia. Mghondi na minara ya walindiri ichakailwa ni nyamandu kwa kala na kala, kuchawuya andu kuboie kolishira weke punda na mfugho.

ISAYA 34:13

Minjwa na mndandangoma ichazoghua aighu ya ngome rawo, nako kuchakailwa ni mizozo na nyagha.

ISAYA 34:14

Nyamandu ra isakenyi richakwana na mbisi na kukaia aho; visuka vichakaia vikiwangana, ee, pepo ya waka ichacha na kio na kubonya wulalo ghwake ghohoresha aho.

ISAYA 35:7

msangagha ghuakaaka ghuchawuya kiriwa cha machi, na isanga jiomie jichabuka ndoria ra machi, andu korekailwagha ni mizozo kuchawuya ipara, na nyasi richakaia kilemba cha maria.

ISAYA 43:20

Nyamandu ra isakenyi richanineka ishima, mizozo hata nyagha, angu nareda machi kireti, na meda ikarenyi; na kuwineka machi wandu wapo wisaghulo.

JEREMIA 48:16

Moabu walighisa kuchelwa ni wasi, na matiriro ghake ghaawuyacha shwa wori.

JEREMIA 51:33

Wandu wa Babuloni wichawadilwa sa viro awazenyi vakachanwa; ngelo yake ekuwida yalighisa, ini BWANA wa majeshi, Mlungu wa Israeli, naghamba.”

JEREMIA 9:11

BWANA waghamba, “Nichaibonya Jerusalemu iwuye kitungasi, ichawuya wulalo ghwa mizozo; na mizi ya Juda ikaie miduu, isekailwagha ni wandu.”

KILILO CHA JEREMIA 4:3

Hata mzozo ghwaongoshagha mwana wake; ela wandu wapo weeka sa nyagha ing'etere kwa wana wake.

MIKA 1:8

Niko Mika ukaghamba, “Kwa wundu ghwa ilagho iji nichalila na kukema mchungu; nichaghenda na maghu maduu niko mtughuta; nichakema sa kikwau, na kulila sa nyagha, kuwonyera wasi ghwapo.

HABAKUKI 2:3

Kwa kukaia ngelo ya agho mawono kukatia ndeivikie; ela ngelo yaro iacha. Ikafwana kumuka, kuiweserie; angu loli ichacha ndeichaamuka anduangi.

ZEFANIA 2:14

Kuchawuya andu kolishira, na nyamandu rose ra kula kichuku richakaia aho. Mkungi ghuchakaia a maghachonyi ghukibora aidirishenyi, na ngorusa avizingitinyi va mnyango; kazi yose ya mudi ghwa sida ibonyero ichainjwa.

WUKUMBUSO 32:35

BWANA uchalipia na kuwikaba; ngelo ichavika nawo wichaghwa; ngelo ya mashaka ghawo eko kaavui.

2 PETRO 2:3

Na kwa lwafuo lwawo wichamkalia, eri wikupatire weni fwaida. Kufuma kala Mtanyi wawo oko aeni, na Mtoteshi wawo ndelalagha anduangi.