ISAYA 13:21 - Biblia Ilagho Jiboie Kwa Wandu Wose

²¹ Ela nyamandu ra isakenyi richakaia aho, na nyumba raro richangilwa ni nyamandu rirumagha. Nyagha richakaia aho, na weke mwakuli wichasarigha aho.

ISAYA 13:21 ပူးပေါင်းရင်းမြစ်များ

ISAYA 14:23

Nichaghubonya ugho muzi ghuwuye malalo gha kiseseghede na kubuka vichi; nani nichaguinja kwa mfwagio ghototesha; ini BWANA wa majeshi naghamba.”

ISAYA 23:13

(Wakaldayo niwo wishekerie muzi ghwa Tiro ghukangilwa ni nyamandu, si Waashuru wangi; Wakaldayo niwo wiaghie minara yawo kughumara ugho muzi, na kughusha ngome rawo hata rikawuya maghacho.)

ISAYA 25:2

Kwaghubonyere muzi kuwuya kitungasi, na kurinona iro ngome; ngome ya waghenyi ndeiduagha sena, ndeichaaghwa sena anduangi.

ISAYA 32:14

Kwa kukaia ngome ya mzuri ichasighwa, na wandu werechueghe ugho muzi kukimbia. Mghondi na minara ya walindiri ichakailwa ni nyamandu kwa kala na kala, kuchawuya andu kuboie kolishira weke punda na mfugho.

JEREMIA 50:39

“Kwa huwo Babuloni ichachulwa ni nyamandu ra isakenyi, na mbisi na nyagha; ijo isanga ndejichaakailwa ni wandu sena kwa kala na kala vivalwa vose.

WALAWI 11:16

nyagha, kungumuzi, mashanda na vichuku vake;

MIKA 1:8

Niko Mika ukaghamba, “Kwa wundu ghwa ilagho iji nichalila na kukema mchungu; nichaghenda na maghu maduu niko mtughuta; nichakema sa kikwau, na kulila sa nyagha, kuwonyera wasi ghwapo.

ZEFANIA 2:14

Kuchawuya andu kolishira, na nyamandu rose ra kula kichuku richakaia aho. Mkungi ghuchakaia a maghachonyi ghukibora aidirishenyi, na ngorusa avizingitinyi va mnyango; kazi yose ya mudi ghwa sida ibonyero ichainjwa.

WUFUNUO 18:2

Ukaghora kwa lwaka lubaa nandighi ukighamba, “Ghwaghue, ghwaghue, ugho Babuloni m'baa! Ghwawurie malalo gha pepo, andu kwa kula roho mbiwi, na wulalo ghwa kula nyonyi mbiwi, izamie;