ISAYA 13:20 - Biblia Ilagho Jiboie Kwa Wandu Wose

²⁰ Jingi ndeghuchaakailwa ni wandu kwa vivalwa vose. Muarabu ungi ndechaadunga hema yake aho, hata mlisha ungi ndechaalisha mfugho rake aho.

ISAYA 13:20 ပူးပေါင်းရင်းမြစ်များ

2 MALAGHO GHA NGELO 17:11

Wafilisti wamu wikamredia Jehoshafati manosi, na feza kwa wundu ghwa kodi, na Waarabu wikamredia bauru elfu mfungade na maghana mfungade, na fwandi elfu mfungade na maghana mfungade.

AYUBU 3:7

Ee, icho kio chikaie kolowi, hata lwaka lungi lwa maboilo lusesikirike andenyi yaro anduangi.

LUMBO 1:7

Nighorie mkundwa, ni hao kulishiragha ng'ondi rako? Kwaridimishiragha hao dime ghadi? Kwaki niendaakulola aghadi ya mfugho ra walisha wazima?

ISAYA 14:23

Nichaghubonya ugho muzi ghuwuye malalo gha kiseseghede na kubuka vichi; nani nichaguinja kwa mfwagio ghototesha; ini BWANA wa majeshi naghamba.”

ISAYA 21:1

Agha ni malagho aighu ya kireti cha baharinyi. Wuwiwi ghuchacha karakara na kiremba kibaa chiwetagha Negebu.

ISAYA 25:2

Kwaghubonyere muzi kuwuya kitungasi, na kurinona iro ngome; ngome ya waghenyi ndeiduagha sena, ndeichaaghwa sena anduangi.

ISAYA 34:17

BWANA moni wajiwaghie ijo isanga kwa kura; nuo moni ubonyere mwano kwa wundu ghwawo; naro richakaia aho kivalwa hata kivalwa.

JEREMIA 49:33

Hazori uchawuya kireti cha mizozo, na kusighwa nduu kwa kala na kala; mndungi ndechaakaia aho, hata mndungi omara-mara ndechaakaia aho anduangi.”

JEREMIA 50:13

Kwa wundu ghwa machu ghapo ini BWANA, muzi ugho ndeghuchaakailwa ni mndungi, ela ghuchasighwa mduu putu; kula mundu uchaaida kaavui nagho uchashinika na kughuzomea kwa wundu ghwa agho makabo ghake.

JEREMIA 50:21

BWANA waghamba, “Joka kukabe isanga ja Merathaimu, na wandu wikaiagha Pekodi. Bwagha, kunone putu; kubonye ghose nikulaghirie.

JEREMIA 50:3

“Angu mbari imu ya wandu kufuma kaskazinyi yacha aighu ya Babuloni, nayo ichabonya isanga jake jisigho iduu. Wandu na nyamandu richafuma aho, na mndungi ndechaakaia aho anduangi.”

JEREMIA 50:39

“Kwa huwo Babuloni ichachulwa ni nyamandu ra isakenyi, na mbisi na nyagha; ijo isanga ndejichaakailwa ni wandu sena kwa kala na kala vivalwa vose.

JEREMIA 50:45

Kwa huwo sikira mpango ghwapo ini BWANA nighubonyere aighu ya Babuloni, na makusudi ghapo nighibonyere aighu ya isanga ja Wababuloni. Loli wana wawo watini wichadwalwa noko, na kula umu uchaoboshwa.

JEREMIA 51:25

Ola nichalwa na oho ee Babuloni Mnoni kuko sa mghondi ghototesha, nagho ghwadatotesha ndoenyi kose; nichaghorua mkonu ghwapo aighu yako, nani nichakung'arisha kufuma mchombololonyi ghwa igho, nikughushe andoenyi na kukubonya sa mghondi ghukorelo.

JEREMIA 51:29

Isanga jaawuyasughusika na kuwawa kwa wasi, kwa kukaia mipango yapo ini BWANA aighu ya Babuloni ndeighalukie, nipate kujibonya ijo isanga jisigho iduu jisekailwagha ni wandu.

JEREMIA 51:37

Na Babuloni ichanonwa na kuwuya ighacho; iwuye andu kwa mizozo, koshinikilwa na kusekwa, kusekailwagha ni wandu.

JEREMIA 51:43

Mizi yaro yawuya kilambo cheobosha, isanga jiomie jiwurie ikara ja kireti; isanga jisekailwagha ni mndungi, hata jiseidwagha ni mdamu ungi.