ISAYA 13:19 - Biblia Ilagho Jiboie Kwa Wandu Wose

¹⁹ Babuloni nigho wuzuri ghughokie kuchumba mawuzuri ghose; nigho kuboa na kukukasa kwa Wakalidayo, ela ngelo Mlungu uchaaghukumba noko, ghuchakaia sa Sodoma na Gomora.

ISAYA 13:19 ပူးပေါင်းရင်းမြစ်များ

KUZOYA 19:24

Nao BWANA ukanyesha aighu ya Sodoma na Gomora kibiriti na modo ghubirie kufuma mlungunyi,

KUZOYA 19:25

ukaighusha mizi yose, na vololo yose, na wandu wose werekoghe wikikaia andenyi yaro, andwamweri na icho chose cherebukieghe andoenyi chikanoneka.

ISAYA 13:1

Ughu ni wufunuo ugho Isaya mwana wa Amozi oreghupatireghe kufuma kwa Mlungu aighu ya Babuloni.

ISAYA 21:9

Ola, wajoki farasi wiacha, hawaja wiacha wawi-wawi,” Nao ukatumbulia, “Ghwaghue, ugho muzi ghwa Babuloni, ghwaghue, na fwana ra milungu yake raghushwa andoenyi.”

ISAYA 47:5

BWANA waghamba “Sea kidombo kunyame chui kirenyi ee muzi ghwa Babuloni, kwa kukaia ndekuchaawangwa sena malkia wa mawuzuri.

ISAYA 48:14

“Kwanyikenyi inyo mmbose msikire, nani aghadi ya milimu yenyu, udimie kughora agho malagho ghichagha? Ini BWANA namkunde Koreshi, nao uchakatisha mpango ghwapo aighu ya Babuloni kwa ndighi rapo uchawikaba Wakaldayo.

JEREMIA 25:12

“Ela nyuma ya iyo miaka mirongo mfungade kukatia, nichaikaba mbari ya Babuloni chiaimweri na mzuri waro. Nichajitotesha ijo isanga ja Wakaldayo, kwa wundu ghwa mawiwi ghawo, kujibonya jiwuye iduu kwa kala na kala.

JEREMIA 49:18

Angu iji Sodoma na Gomora chiaimweri na mizi iko mbai mbai eretotesheroghe, ndekuwadie mndungi uchaakaia aho angu kuidiria aho.

JEREMIA 50:40

Sa iji koni Mlungu oreitoteshereghe Sodoma na Gomora, chiaimweri na mizi yaro ya kaavui, ni huwo koni ndekuwadie mdamu ungi uchaakaia andenyi ya mizi ihi, hata omara-mara moni, ini BWANA naghamba.

JEREMIA 51:26

Igho jingi ja mbembenyi ndejichaapatika kwako, hata igho jingi ja msingi, ela kuchasighwa duu kwa kala na kala, ini BWANA naghamba.

JEREMIA 51:29

Isanga jaawuyasughusika na kuwawa kwa wasi, kwa kukaia mipango yapo ini BWANA aighu ya Babuloni ndeighalukie, nipate kujibonya ijo isanga jisigho iduu jisekailwagha ni wandu.

JEREMIA 51:41

BWANA waghora huwu aighu ya Babuloni, “Babuloni yawadwa-wadwa wada, ee, ugho muzi ghwa Babuloni ghorekumwagha ndoenyi kose! Ghwawurie wada ghoshinikilwa aghadi ya mbari ra wandu!

JEREMIA 51:62

nao kughambe: ‘Ee BWANA, oho kwameria kughora malagho aighu ya andu aha, kukaia kuchaghuinja ughu muzi, hata kilambo chingi chisedime kukaia aha, ikaiagha ni mdamu angu nyamandu, nagho ghuchasighwa mduu kwa kala na kala.’

DANIELI 4:30

Mzuri ukaghamba, “Welee, ugho sighoghoni muzi ghwa Babuloni m'baa nighuaghie kwa kudima kwapo ghukaie malalo gha kiwuzuri ghwa wubaa na nguma?”

AMOSI 4:11

“Neretoteshereghe wamu wenyu seji neretoteshereghe wandu wa Sodoma na Gomora. Awo morevuvukieghe morekoghe sa kamudi kavuvulwa modonyi. Hata huwo saki ndemorenighalukieghe,” waghamba BWANA.

ZEFANIA 2:9

Kwa huwo, sa iji nikaiagha moyo, ini BWANA wa majeshi, Mlungu wa Israeli, naghema kukaia Moabu ichakaia sa Sodoma, na Waamoni sa Gomora. Isanga jichakaia na vina va chumbi, najo jichanoneka kwa kala na kala na kubukwa ni isaka. Masighariko gha wandu wapo wichawisoka vilambo na kuwusa isanga jawo.”

WAROMA 9:29

Ni sa iji koni Isaya orezoeghe ukaghora, “Ngera Bwana wa majeshi useredisigharieghe kivalwa, kumangu daakaia sa Sodoma na kubonywa sa Gomora.”

WUKUMBUSO 29:23

Mbuwa rose richasighwa nduu, rilungurilo ni kibiriti na munyu na maivu gha modo; ndejichaawalwa hata kubukwa ni isaka jingi. Jichakaia sa mizi ya Sodoma na Gomora, Adma na Zeboiimu iyo BWANA oreitoteshereghe kwa machu ghake na kubia kwake.

WUFUNUO 18:11

Na washami wa ndoenyi walila na kukema mchungu, kwa kukaia mndungi ndewueghua vilambo vawo;

WUFUNUO 18:19

Hata iji werekoghe wikilila na kukema mchungu, wikakudunga teri vongonyi kwawo wikighamba, “Weei! Wee ngai Babuloni ghuja muzi m'baa! Andu wandu wose werekoghe na meli baharinyi, wereshamieghe kwa mali rake! Na kwa saa imweri ghwameria kusia putu!