ISAYA 13:14 - Biblia Ilagho Jiboie Kwa Wandu Wose

¹⁴ “Waghenyi wikaiagha Babuloni wichakimbiria mizi yawo, wikisaghisika karakara na shaa ikimbiagha wadiwi; karakara na ng'ondi risewadie mlisha.

ISAYA 13:14 ပူးပေါင်းရင်းမြစ်များ

1 WAZURI 22:17

Mikaia ukaghamba, “Nawona ijeshi ja Israeli jasasarika aighu mghondinyi sa ng'ondi risewadie mlisha ungi. Na BWANA ukaghamba, ‘Awa ndewiwadie kilongozi ungi, kula mundu ndewuye nyumbenyi kwake kwa sere.’”

1 WAZURI 22:36

Kuvika luma lwa kenyi momu ghukafunywa kwa majeshi gha Israeli ghughambagha. “Kula mundu ndewuye isangenyi kwake na mzinyi kwake.”

ISAYA 17:13

Iro mbari ra wandu raruruma sa kughona kwa machi mengi, ela Mlungu uchawikemia, nawo wichakimbia; wichawingwa sa mafozi ghidukwagha ni mbeo aighu mghondinyi, sa teri ya kikulughulu na kiremba.

ISAYA 21:15

Kwa kukaia waawuyakimbia wisebwagho kwa lufu na ndana andenyi ya wuda ghubirie.

ISAYA 47:15

Huwo niko awo wandu morekwanyeghe wichaakubonyera, awo werekwanyeghe na oho kufuma wanake ghako; wichakimbia kula umu wawo chia yake, hata ndekuchaakaia na mndungi okukira anduangi.”

JEREMIA 25:12

“Ela nyuma ya iyo miaka mirongo mfungade kukatia, nichaikaba mbari ya Babuloni chiaimweri na mzuri waro. Nichajitotesha ijo isanga ja Wakaldayo, kwa wundu ghwa mawiwi ghawo, kujibonya jiwuye iduu kwa kala na kala.

JEREMIA 50:16

Muinje muwi mbeu usewoneke Babuloni, na uo ukuwidagha kwa ngelo yaro wori usewoneke; kwa wundu ghwa ijeshi jibonyagha wuda, kula mundu uchawuya kwa wandu wake weni; kula mundu uchakimbiria isangenyi jake.”

JEREMIA 51:9

Waghenyi wiko aho wikaghamba, ‘Kumangu daghuboisire muzi ghwa Babuloni, ela ghoolema kuboisika. Ghusighenyi noko dighende kula mundu cha isangenyi jake; kwa kukaia kutanywa kwake kwavikie mlungunyi, nako kwawusirilo hata mawingunyi.’”

NAHUMU 3:18

Ee mzuri wa Ashuru, wabonyi nguma wako wafwa; wandu wako wa ishima wameria kufwa. Wandu wako wasaghisika aighu mighondinyi; wasowa mndungi owitumbanya.

MATHAYO 9:36

Nao iji wawizighana wandu, ukawiwona wasirimwa na kusaghisika, ukawadwa ni wughoma angu werekoghe sa ng'ondi risewadie mlisha ungi.

MARKO 6:34

Hata iji Jesu wafuma ishuonyi, ukawona izungu ibaa, ukawadwa ni wughoma, angu werekoghe sa ng'ondi risewadie mlisha ungi. Ukazoya kuwifundisha maza nyingi.

1 PETRO 2:25

Angu morekoghe mwalaghaya sa ng'ondi, ela idana mwamerie kummburia Mlisha na Mzighaniri wa roho renyu.