ISAYA 13:13 - Biblia Ilagho Jiboie Kwa Wandu Wose

¹³ Kwa huwo nichasughusa mlungunyi, na ndoenyi kuchasughusika hata kufume andu kwaro, ngelo Ini BWANA wa majeshi nichaawonyera machu ghapo ghibirie.

ISAYA 13:13 ပူးပေါင်းရင်းမြစ်များ

AYUBU 9:6

Mlungu wadaisughusa ndoe kufuma andu kwaro, na kuribonya nguro raro rinengenenge.

ZABURI 18:7

Niko ndoenyi kukatatarika na kunenganenga, misingi ya mighondi wori ikasughusika na kuzingizika; kwa kukaia BWANA orejokeloghe ni machu.

ZABURI 88:16

Machu ghako ghanilemeria, kiture chako chanitotesha.

ISAYA 2:19

Wandu wichangia mbangenyi ra magho, na miruma ya ndoenyi wikiobua agho machu gha BWANA na wubaa ghwa nguma rake; iji uchaawuka kuisughusa ndoe.

ISAYA 21:1

Agha ni malagho aighu ya kireti cha baharinyi. Wuwiwi ghuchacha karakara na kiremba kibaa chiwetagha Negebu.

ISAYA 23:11

Mlungu wamerie kughorua mkonu ghwake aighu ya bahari, na kughusha agho mawuzuri; wamerie kughora kukaia ngome ra biashara ra Kanaani richukanyo.

ISAYA 24:1

Olenyi BWANA uchaikaba ndoe, na kuiboya isigho nduu; uchaivurugha na kuwisaghisa wandu wikaiagha andenyi yaro.

ISAYA 24:18

Uo uchaakimbia kwa wundu ghwa icho kiture, uchachunukia andenyi ya kina, na uo uchajoka kufuma kwa icho kina, uchawadwa ni mdegho. Kwa kukaia vua mbaa yanya kufuma mlungunyi, na misingi ya ndoenyi yasughusika.

ISAYA 24:19

Ndoe yabarika putu, yawaghanyika, nayo yasughusika na ndighi.

ISAYA 34:4

Majeshi ghose gha mlungunyi ghichasagha, na mawingunyi kuchakuchwa sa karatasi. Majeshi gharo ghose ghichapotoka sa malemba gha mizabibu na gha mtini.

ISAYA 47:1

BWANA waghamba, “Sea, kusee kidombo a terinyi ee muzi ghwa Babuloni; seria andonyi kuseko na kifumbi cha nguma, ee muzi ghwa Wakaldayo! Kwa kukaia ndekuchaawangwa sena, ughokie, ufwano.

ISAYA 51:6

Wusirenyi meso mzighane cha mlungunyi, zighanenyi cha ndoenyi nakosi; kwa kukaia kuchainjika sa mosi, na ndoenyi kuchaghosia sa nguwo. Wandu wikaiagha andenyi yaro wichafwa sa shimandu, ela kukia kwapo kuchadua kwa kala na kala, na hachi yapo ndeichaasia anduangi.

ISAYA 9:19

BWANA wajikora isanga kwa wundu ghwa machu ghake, na wandu wakaia sa mbande, hata ndekuwadie mndungi ummboniagha mruna wughoma anduangi.

JEREMIA 51:1

BWANA waghamba huwu, “Olenyi nichareda mbeo enona aighu ya Babuloni na wandu waro;

KILILO CHA JEREMIA 1:12

Muzi ghwaawuyakema, “Nizighanenyi inyo mmbose muidagha! Ndekuwadie mndungi upatire wasi sa ghwapo; wasi ghuredelo ni BWANA ngelo ya machu ghake ghibirie.

JOELI 3:16

BWANA wadoka kufuma Mghondi ghwa Sioni lwaka lwake lwaruruma kufuma Jerusalemu; mawingunyi na ndoenyi kwasughusika. Ela BWANA uchawilindia wandu wake.

MATHAYO 24:29

“Nyuma ya wasi ghwa matuku ghaja, iruwa jichawuya kira, na mori ndeghuchaafunya miengere yaro anduangi; nyerinyeri richakaia rikipotoka kufuma mlungunyi, nandighi ra mlungunyi richasukwa-sukwa.

MATHAYO 24:35

Mlungunyi na ndoenyi kuchaida, ela madedo ghapo ndeghichaaida anduangi.

2 PETRO 3:10

Ela Ituku ja Bwana jichacha sa kitoi; ituku ijo, mlungunyi kuchaida kwa lwaka lubaa, na vilambo viko andenyi yaro vichasagha kwa modo, na ndoenyi kuchahia chiaimweri na vilambo vose viko andenyi yaro.

WUFUNUO 20:11

Niko ngawona kifumbi cha nguma kibaa cha chokwa, na uo orechiserieghe. Nao ndoenyi na mlungunyi kukamkimbia, na andu kwaro ndekorewonekieghe anduangi.